അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എനര്‍ജിയുടെ മറ്റൊരു പേരാണ് റിമി ടോമി എന്നത്. മണിക്കൂറോളം സ്റ്റേജ് ഷോകളില്‍ എനര്‍ജറ്റിക് ആയി നിന്ന് പെര്‍ഫോം ചെയ്യുന്ന റിമിയെ മമ്മൂട്ടിയും മോഹന്‍ലാലും പോലുള്ള മുതിന്ന താരങ്ങള്‍ വരെ അതിശയത്തോടെ പ്രശംസിച്ചിട്ടുണ്ട്. ഇത്രമാത്രം എനര്‍ജി റിമിക്ക് എവിടെ നിന്ന് കിട്ടുന്നു? എന്ന അന്വേഷണം ചിലപ്പോള്‍ ചെന്ന് അവസാനിക്കുക റിമിയുടെ അമ്മ റാണി ടോമിയിലാവും. പ്രായം അറുപതിനോട് അടുക്കുമ്പോഴും നൃത്ത പഠനവും പ്രോഗ്രാമുകളുമൊക്കെയായി തിരക്കിലാണ് റാണി ടോമി. ഭരതനാട്യത്തിലും മോഹിനിയാട്ടത്തിലും ഡിപ്ലോമ കരസ്ഥമാക്കിയ റാണി ടോമി ഇപ്പോഴും നൃത്തത്തെ ഉപാസിക്കുകയാണ്.
ഇപ്പോള്‍ ഇതാ റാണി ടോമിയുടെ പുതിയ ഇന്‍സ്റ്റഗ്രാം വീഡിയോ ആണ് വൈറല്‍ ആയിരിക്കുന്നത്. ത്രയംബകം എന്ന പാട്ടിന് നൃത്തം ചെയ്യുകയാണ് റാണി ടോമി. മുടിയില്‍ മുല്ലപ്പൂ ചൂടി, വലിയ പൊട്ടും, കുറച്ച് മേക്കപ്പും, വളരെ മിനിമലായുള്ള ആഭരണങ്ങളും ധരിച്ചാണ് റാണി വീഡിയോയില്‍ പ്രത്യക്ഷപ്പെട്ടത്. നിമിഷനേരം കൊണ്ട് തന്നെ റാണിയുടെ ഇന്‍സ്റ്റഗ്രാം വീഡിയോ വൈറല്‍ ആവുകയും ചെയ്തു.
View this post on Instagram
നിരവധി ആരാധകരാണ് റിമിടോമിയുടെ അമ്മയ്ക്കായി കമന്റ് ചെയ്തിരിക്കുന്നത്. ‘റാണി ആന്റി സൂപ്പര്‍ കണ്ടപ്പോള്‍ എന്തെന്നില്ലാത്ത സന്തോഷം തോന്നി, ഗ്രേറ്റ് ആന്റി.. നല്ല പെര്‍ഫോമന്‍സ്..’എന്ന് തുടങ്ങി നിരവധി നിരവധി നല്ല കമന്റുകള്‍ ആണ് റാണിക്ക് ലഭിച്ചുകൊണ്ടിരിക്കുന്നത്. ഇതിനുമുമ്പും റാണി ടോമി നിരവധി വീഡിയോകള്‍ ഇത്തരത്തില്‍ സോഷ്യല്‍ മീഡിയയില്‍ പങ്കുവെച്ചിട്ടുണ്ട്. എല്ലാ വീഡിയോകളും ആരാധകര്‍ ഏറ്റെടുക്കുകയും ചെയ്തിട്ടുണ്ട്
