അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഐശ്വര്യ റായ്യും അഭിഷേക് ബച്ചനും വേർപിരിയുന്നുവെന്ന റിപ്പോർട്ടുകൾ കഴിഞ്ഞ ദിവസങ്ങളിലായി വ്യാപകമായി പ്രചരിച്ചിരുന്നു. ഐശ്വര്യയുടെ സോഷ്യൽ മീഡിയ പോസ്റ്റുകൾ ചൂണ്ടിക്കാട്ടിയായിരുന്നു ഈ റിപ്പോർട്ടുകൾ. ഇപ്പോഴിതാ വേർപിരിഞ്ഞുവെന്ന വാർത്തകർ കൂടുതൽ ഉറപ്പിക്കുകയാണ് സോഷ്യൽ മീഡിയ. ഇതിന് ഒരു കാരണവുമുണ്ട്. കഴിഞ്ഞ ദിവസം ഇരുവരും പങ്കെടുത്ത അംബാനിയുടെ മകന്റെ കല്യാണത്തിൽ നിന്നുള്ള ദൃശ്യങ്ങളാണ് സോഷ്യൽ മീഡിയയിൽ ചർച്ചയാകുന്നത്. ബോളിവുഡില്‍ നിന്നും തമിഴകത്ത് നിന്നുമൊക്കെയുള്ള താരങ്ങളും ചടങ്ങിനെത്തിയിരുന്നു. എന്നാല്‍ ഐശ്വര്യ ബച്ചന്റെ ഒറ്റയ്‍ക്കുള്ള വരവാണ് ആരാധകരുടെ ശ്രദ്ധയാകര്‍ഷിക്കുന്നത്.
അഭിഷേകിന്റെ സഹോദരി ശ്വേതയും ഭർത്താവുമായി പിരിഞ്ഞാണ് കഴിയുന്നത്. എന്നാൽ വിവാഹമോചനം നേടിയിട്ടില്ല. സമാനമായ രീതിയിൽ അഭിഷേകും ഐശ്വര്യയും പിരിഞ്ഞ് താമസിക്കാൻ തീരുമാനിച്ചുവോ എന്നാണ് സോഷ്യൽ മീഡിയ ചോദിക്കുന്നത്.
അമിതാഭ് ബച്ചൻ ഭാര്യ ജയാ ബച്ചനും മക്കളായ അഭിഷേകിനും ശ്വേതയ്‌ക്കുമൊപ്പമാണ് അനന്തിനും രാധികയ്‍ക്കുമൊപ്പം ഫോട്ടോയ്‍ക്ക് പോസ് ചെയ്‍തത്. മരുമകളായ ഐശ്വര്യ റായ് തന്റെ മകള്‍ ആരാധ്യക്കൊപ്പമാണ് അനന്ത് അംബാനിയുടെയും രാധികയുടെയും വിവാഹത്തിന് പോസ് ചെയ്‍തത്. ഇതാണ് വലിയ ചര്‍ച്ചയായി മാറിയത്. അമിതാഭ് ബച്ചന്റെ കുടുംബവുമായി ഇടപെഴുകാനും താരം മടി കാണിച്ചുവെന്നാണ് പ്രചരിക്കുന്ന റിപ്പോർട്ടുകൾ.
അമിതാഭ് ബച്ചൻ കുടുംബത്തില്‍ കാര്യമായി എന്തോ പ്രശ്‍നങ്ങളുണ്ടെന്നാണ് സംസാരം. അഭിഷേക് ബച്ചനും ഐശ്വര്യാ റായിയുടെയും വിവാഹ ബന്ധം വീണ്ടും ചര്‍ച്ചകളില്‍ നിറയുകയാണ്. ജയാ ബച്ചനുമായി ഐശ്വര്യ സ്വരചേര്‍ച്ചയില്ലാത്തതിനാല്‍ താരം മാറി താമസിക്കുകയാണ് എന്നും റിപ്പോര്‍ട്ടുണ്ട്.അതേസമയം ഐശ്വര്യയും ബച്ചൻ കുടുംബവും തമ്മിലുള്ള കോൾഡ് വാർ താരം പങ്കുവെയ്‌ക്കുന്ന പോസ്റ്റുകളിലൂടെ വ്യക്തമാണ്.
ദീപാവലി, പൂജ പാർട്ടികളിൽ പോലും ഐശ്വര്യയും അഭിഷേകും ഒന്നിച്ച് എത്താതിരുന്നത് ചർച്ചകളിൽ നേടിയിരുന്നു. ഐശ്വര്യയുടെ ഇൻസ്റ്റഗ്രാം പോസ്റ്റുകളും ചർച്ചയാകുന്നുണ്ട്. അന്തരിച്ച പിതാവ് കൃഷ്ണരാജ് റായ്യുടെ ജന്മവാർഷികത്തിൽ മകൾ ആരാധ്യ, അച്ഛനൊപ്പം പോസ് ചെയ്യുന്ന പഴയ ഫോട്ടോകളാണ് ഐശ്വര്യ പങ്കുവച്ചിരിക്കുന്നത്. അമിതാഭ് ബച്ചന്റെ ജന്മദിനത്തിന് കുടുംബ ഫോട്ടോയിൽ നിന്നും ജയ ബച്ചൻ അടക്കം മറ്റ് കുടുംബ അംഗങ്ങളെ ഐശ്വര്യ ക്രോപ്പ് ചെയ്ത് കളഞ്ഞ് ഫോട്ടോയിട്ടതും വാർത്തായിരുന്നു.
ഇതിനുപുറമെ ദീപിക-രൺവീർ റിസപ്ഷൻ വിഡിയോയിൽ നടി നടത്തിയ ഇടപെടലുകളും ചർച്ചയാവുകയാണ്. അമ്മായിയമ്മ ജയയോടും ഭാര്യാസഹോദരി ശ്വേതയോടും ഐഷ് ചിരിക്കുന്നതും ചാറ്റുചെയ്യുന്നതും ക്ലിപ്പിൽ കാണാം. “അവളുടെ വിവാഹം വളരെക്കാലമായി അവസാനിച്ചുവെന്നും അവൾക്ക് വളരെക്കാലമായി പ്രശ്‌നങ്ങളുണ്ടെന്നും വ്യക്തമാണ്, പ്രത്യേകിച്ച് അവളുടെ ഭർത്താവുമായി വളരെക്കാലമായി. മാത്രമല്ല, ഫോട്ടോഗ്രാഫിയിൽ പോലും, അവളോടൊപ്പം ഫോട്ടോ എടുക്കാൻ അവൻ ആഗ്രഹിക്കുന്നില്ല,” എന്നിങ്ങനെ പോകുന്നു കമന്റുകൾ.
“അവൾ ദുഃഖിതയായി തോന്നി. ദൈവം അവളെയും അവളുടെ ആത്മാവിനെയും സഹായിക്കട്ടെ’ എന്നാണ് മറ്റൊരു ആരാധകന്റെ കുറിപ്പ്.
content highlight: aishwarya-rai-in-laws-video-from-deepika-ranveer-reception
