അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജൂഡ് ആന്തണി സംവിധാനം ചെയ്ത ഓം ശാന്തി ഓശാന എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച നടനാണ് ഷറഫുദ്ദീന്‍. പിന്നീട് 2015 ല്‍ അല്‍ഫോണ്‍സ് പുത്രന്‍ സംവിധാനം ചെയ്ത പ്രേമം എന്ന ചിത്രത്തിലെ അഭിനയത്തിലൂടെയാണ് അദ്ദേഹം സിനിമയില്‍ ശ്രദ്ധിക്കപ്പെടുന്നത്. ഷറഫുദ്ദീന്റെ ഏറ്റവും പുതിയ ചിത്രമാണ് ആസിഫലി നായകനായെത്തിയ ‘ലെവല്‍ ക്രോസ്സ്’. സിനിമകളുടെ പ്രമോഷന്റെ ഭാഗമായി പല ഇന്റര്‍വ്യൂകളിലും നടന്‍ പ്രത്യക്ഷപ്പെടാറുണ്ട്. ഇന്റര്‍വ്യുകളില്‍ എല്ലാം തന്നെ വളരെ രസകരമായ മറുപടിയാണ് നടന്‍ നല്‍കാറ്.
ഇപ്പോള്‍ ഇതാ അദ്ദേഹത്തിന്റെ വളരെ രസകരമായ മറ്റൊരു വീഡിയോ ആണ് പുറത്തുവന്നിരിക്കുന്നത്. ലെവല്‍ ക്രോസ് എന്ന സിനിമയുടെ വിശേഷം പങ്കുവെക്കാന്‍ എത്തിയതായിരുന്നു നടന്‍. ഷാജി പാപ്പന്‍ എന്ന ഓണ്‍ലൈന്‍ മീഡിയക്ക് നല്‍കിയ അഭിമുഖത്തില്‍ ആയിരുന്നു ഷറഫ് സംസാരിച്ചത്. ഇന്റര്‍വ്യൂവിന്റെ തുടക്കത്തില്‍ അവതാരിക, എങ്ങനെയാണ് ഈ സിനിമയിലേക്ക് എത്തിപ്പെട്ടത് എന്ന ചോദ്യം ചോദിച്ചു. അതിനു വളരെ രസകരമായി, ഇന്നോവയില്‍ ആയിരിക്കും ഞാന്‍ ഈ സിനിമയിലേക്ക് എത്തിയത് എന്ന് പറയുകയാണ് ഷറഫുദ്ദീന്‍. ഇത് കേട്ട് അവതാരകയും ഷറഫുദീനും ചിരിക്കുന്നതായി വീഡിയോയില്‍ കാണാം.
പിന്നീട് സിനിമ വിശേഷങ്ങളെ കുറിച്ചും ഷറഫുദ്ദീന്‍ സംസാരിച്ചു. ട്രാവല്‍ ചെയ്യുന്ന സമയത്താണ് ഈ സിനിമയുടെ കഥ ആദ്യമായി കേള്‍ക്കുന്നതെന്നും പിന്നീട് വിശദമായി കഥ കേട്ടതിനു ശേഷമാണ് ചെയ്യാം എന്ന് പറഞ്ഞതെന്നും നടന്‍ പറഞ്ഞു. ‘ആഫ്രിക്കന്‍ കണ്‍ട്രിയായ ടുണീഷ്യയില്‍ ആണ് ചിത്രത്തിന്റെ ചിത്രീകരണം നടത്തിയത്. ആദ്യം മൊറോക്കോയില്‍ ആയിരുന്നു ചിത്രീകരണം തുടങ്ങാന്‍ തീരുമാനിച്ചിരുന്നത്. പിന്നീട് ചില ടെക്‌നിക്കല്‍ പ്രശ്‌നങ്ങള്‍ കാരണം ടുണീഷ്യയിലേക്ക് മാറ്റുകയായിരുന്നു. സഹാറ മരുഭൂമി തുടങ്ങുന്ന സ്ഥലത്ത് നിന്നാണ് ഈ സിനിമയുടെ ഷൂട്ടിംഗ് ആരംഭിച്ചത്. വളരെ വ്യത്യസ്തമായ ഒരു കള്‍ച്ചറില്‍ ആയിരുന്നു ഈ ഷൂട്ടിംഗ്. സിനിമയുടെ ഭാഗമായിട്ടുള്ള ഇത്തരത്തിലുള്ള യാത്രകള്‍ വളരെയധികം ഇഷ്ടപ്പെടുന്ന ഒരാളാണ് ഞാന്‍’, ഷറഫുദ്ദീന്‍ പറഞ്ഞു. തന്റെ വരാനിരിക്കുന്ന ചിത്രങ്ങളെ കുറിച്ചും നടന്‍ സംസാരിച്ചു.
