അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നേത്ര ശസ്ത്രക്രിയയ്ക്കായി ഷാരൂഖ് ഖാന്‍ ന്യൂയോര്‍ക്കിലേക്ക് പോകുകയാണെന്ന് റിപ്പോര്‍ട്ട്. കൂടുതല്‍ വിശദാംശങ്ങള്‍ പുറത്ത് വന്നിട്ടില്ല. എന്നാല്‍ വാര്‍ത്ത സ്ഥിരീകരിച്ച് നടന്റെ അടുത്ത വൃത്തങ്ങള്‍ രംഗത്തെത്തിയിട്ടുണ്ട്. റിപ്പോര്‍ട്ടുകള്‍ പ്രകാരം ഷാരൂഖ് ഖാന്റെ കണ്ണുകള്‍ക്ക് അടിയന്തര വൈദ്യസഹായം ആവശ്യമാണെന്നും കൂടുതല്‍ ചികിത്സയ്ക്കായി യുഎസിലേക്ക് പോകുമെന്നുമാണ് വാര്‍ത്തകള്‍ വരുന്നത്.
ജൂലൈ 29 ന് നേത്ര ചികിത്സയ്ക്കായി ഷാരൂഖ് മുംബൈയിലെ ഒരു ആശുപത്രി സന്ദര്‍ശിച്ചിരുന്നു. അവിടെനിന്നാണ് വിദഗ്ധ ചികിത്സയ്ക്ക് യുഎസ്എയിലേക്ക് പോകാന്‍ തീരുമാനിച്ചത്. ഓഗസ്റ്റ് 7 മുതല്‍ 17 വരെ നടക്കുന്ന ലൊകാര്‍ണോ ഫിലിം ഫെസ്റ്റിവലിന്റെ 77-ാമത് എഡിഷനില്‍ ഷാരുഖ് ഖാന്‍ പങ്കെടുക്കുമെന്ന വാര്‍ത്തകളും പുറത്ത് വരുന്നുണ്ട്.
ഈ വര്‍ഷമാദ്യം, ഐപിഎല്ലിനിടെ ഡീഹൈഡ്രേഷനും ഹീറ്റ് സ്‌ട്രോക്കും കാരണം ഷാരൂഖ് ഖാനെ അഹമ്മദാബാദിലെ ആശുപത്രിയില്‍ പ്രവേശിപ്പിച്ചിരുന്നു. സുഖം പ്രാപിച്ച ശേഷം, താരം ഐപിഎല്‍ ഫൈനലില്‍ പങ്കെടുത്തിരുന്നു. ഫൈനലില്‍ അദ്ദേഹത്തിന്റെ ടീം കൊല്‍ക്കത്ത നൈറ്റ് റൈഡേഴ്‌സ് വിജയിക്കുകയും ചെയ്തിരുന്നു.
