അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ കഷ്ടപ്പെട്ട മലയാള സിനിമയിൽ തന്റേതായ ഇടം നേടിയെടുത്ത നടനാണ് ടോവിനോ തോമസ്. വലിയൊരു ആരാധകനിരയെ തന്നെയാണ് താരം സ്വന്തമാക്കിയത്.കുഞ്ഞു കുഞ്ഞു വേഷങ്ങളിലൂടെ ശ്രദ്ധ നേടിയ താരം, പിന്നീട് നിരവധി മികച്ച ചിത്രങ്ങളുടെ ഭാഗമായി മാറുകയായിരുന്നു ചെയ്തത്. മിന്നൽ മുരളി എന്ന ചിത്രത്തിലെ കഥാപാത്രമാണ് താരത്തിന് വലിയൊരു കരിയർ ബ്രേക്ക് സമ്മാനിച്ചത്..അഭിനയപ്രാധാന്യമുള്ള കഥാപാത്രങ്ങളാണ് പൊതുവേ താരത്തെ കാത്തിരിക്കുന്നത് മുഴുവൻ. അത്തരം ചിത്രങ്ങളുടെ ഭാഗമായാണ് താരം മാറാറുള്ളത്.
നിരവധി പുതിയ ചിത്രങ്ങളാൽ തിരക്കിലാണ് താരം ഇപ്പോൾ. സോഷ്യൽ മീഡിയയിൽ അടക്കം സജീവമായ താരം തന്നെ വിശേഷങ്ങളൊക്കെ ആരാധകർക്ക് മുൻപിലേക്ക് എത്തിക്കുകയും ചെയ്യാറുണ്ട്. പൃഥ്വിരാജ് സുകുമാരൻ സംവിധാനം ചെയ്യുന്ന എമ്പുരാൻ എന്ന ചിത്രമാണ് ഇനി താരത്തിന്റെതായി വരാനുള്ള ഏറ്റവും വലിയ ബിഗ് ബജറ്റ് ചിത്രം. ഈ ചിത്രത്തിന് വേണ്ടി ആരാധകരെല്ലാം കാത്തിരിക്കുകയാണ് ഇപ്പോൾ താരം ഒരു നിർണായക വെളിപ്പെടുത്താൻ നടത്തിയിരിക്കുകയാണ്. മലയാളത്തിൽ വളരെയധികം ശ്രദ്ധ നേടിയ ഒരു ചിത്രത്തിന്റെ ഭാഗമായി മാറേണ്ടത് താനായിരുന്നു എന്നാണ് ഇപ്പോൾ നടൻ പറയുന്നത്.
ഷെയ്ൻ നിഗം നായകനായി എത്തിയ ഇഷ്ക്ക് എന്ന ചിത്രം വളരെയധികം ശ്രദ്ധ നേടിയ ഒരു ചിത്രമായിരുന്നു. നടൻ ഷൈൻ ചാക്കോയുടെ കരിയറിൽ വലിയൊരു മാറ്റം കൊണ്ടുവരാൻ സാധിച്ച ചിത്രം കൂടിയായിരുന്നു ഇഷ്ക്ക്. വില്ലൻ വേഷങ്ങളിലേക്ക് ഷൈൻ ഒരു ചുവടുമാറ്റം നടത്തുന്നത് ഈ ചിത്രത്തിലൂടെയാണ്. ഷെയ്ൻ നിഗം അവതരിപ്പിച്ച ഈ ചിത്രത്തിലെ കഥാപാത്രത്തെ അവതരിപ്പിക്കേണ്ടിയിരുന്നത് താനായിരുന്നു എന്നാണ് ഇപ്പോൾ ടോവിനോ തോമസ് പറയുന്നത്. പല കാരണങ്ങൾ കൊണ്ടാണ് അത് പിന്നീട് മാറിപ്പോയത്.
ഇപ്പോൾ ഈ ചിത്രത്തിന്റെ സംവിധായകനായ അനുരാജ് മനോഹർ ഒരുക്കുന്ന പുതിയ സിനിമയിൽ ടോവിനോ തോമസ് ആണ് നായകനായി എത്തുന്നത്. നരിവേട്ട എന്നാണ് ഈ ചിത്രത്തിന്റെ പേര് അനുരാജിന്റെ രണ്ടാമത്തെ ചിത്രം കൂടിയാണ് ഇത് ഈ ചിത്രത്തിന്റെ ഭാഗമായി മാറിയതിൽ തനിക്ക് സന്തോഷം ഉണ്ട് എന്ന് ടോവിനോ തോമസ് പറയുന്നു. അതേസമയം ഈ കഥാപാത്രം ചെയ്യുന്നതിനായി ഷെയ്ൻ തന്നെയാണ് ഉചിതമായ വ്യക്തി എന്നാണ് പലരും കമന്റ് ചെയ്യുന്നത്.
ആ ഒരു കഥാപാത്രം മറ്റൊരു വ്യക്തി ചെയ്യുന്നതായി ചിന്തിക്കാൻ പോലും സാധിക്കുന്നില്ല. ടോവിനോ അത് ചെയ്താൽ ഒരുപക്ഷേ അത്രയും നന്നാവില്ല. ഏറ്റവും മികച്ചതായി അത് ചെയ്യുന്നത് ഷെയിൻ തന്നെയാണ്. കൂടുതൽ ആളുകളും ഇങ്ങനെയാണ് കമന്റ് ചെയ്യുന്നത്. അതേസമയം നടന്റെ പുതിയ ചിത്രം വളരെ വിജയകരമായി മാറട്ടെ എന്നും ആളുകൾ ആശംസിക്കുന്നുണ്ട്.
