അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചുരുക്കം സിനിമകളിലൂടെ തന്നെ പ്രേക്ഷക ശ്രദ്ധ നേടാൻ സാധിച്ച നടിയാണ് ജ്യോതി കൃഷ്ണ. വിവാഹത്തിനുശേഷം സിനിമയിൽ നിന്ന് മാറി നിന്നിരുന്നു. സോഷ്യൽ മീഡിയയിൽ സജീവമാണ് താരം. ഭർത്താവിനും മകനും ഒപ്പം ഗൾഫിലാണ് ഇപ്പോൾ. ലൈഫ് ഓഫ് ജോസൂട്ടി ചിത്രത്തിലൂടെയാണ് ജ്യോതി പ്രേക്ഷകശ്രദ്ധ നേടുന്നത്. അഭിനയത്തിലേക്ക് ഉടൻ തന്നെ തിരികെ എത്തും എന്നാണ് വിവരം. സിനിമ മേഖലയിൽ നിന്നുണ്ടായ ഒരു മോശം അനുഭവത്തിൽ പ്രതികരിക്കുകയും എന്നാൽ പിന്നീട് വേണ്ടെന്ന് തോന്നുകയും ചെയ്ത സംഭവം പറയുകയാണ് ജ്യോതി. ഒരു യൂട്യൂബ് ചാനൽ നൽകിയ അഭിമുഖത്തിലാണ് താരം പറഞ്ഞത്.
താരത്തിന്റെ വാക്കുകൾ :
“ഞാൻ കമ്മിറ്റ് ചെയ്ത സിനിമയുടെ കോസ്റ്റ്യൂമർ മെഷർമെൻറ് എടുക്കാൻ വീട്ടിലേക്ക് വരാമെന്ന് പറഞ്ഞു. വീട്ടിലേക്ക് വരാൻ കോസ്റ്റ്യൂമർ തയ്യാറാണെങ്കിലും സിനിമയുടെ പ്രൊഡക്ഷൻ കൺട്രോളർ ഈ വിഷയത്തിൽ ഇടപെട്ടു. ഞാൻ കമ്മിറ്റി ചെയ്ത സിനിമയുടെ ഹീറോ മറ്റൊരു ലൊക്കേഷനിൽ ഉണ്ടായിരുന്നു. എന്നോട് അങ്ങോട്ട് വരാൻ പറഞ്ഞു. എനിക്ക് പരിചയമില്ലാത്ത ടീമിലേക്ക് വരാൻ ബുദ്ധിമുട്ടുണ്ടെന്ന് ഞാൻ അറിയിച്ചു. ഹീറോ അവിടെ ആയതുകൊണ്ട് എന്നോട് അങ്ങോട്ട് വരാൻ പറഞ്ഞു. ഞാൻ എന്തിന് വരണമെന്ന് ചോദിച്ചു. ഇത് അയാൾക്ക് ഈഗോ അടിച്ചു. പ്രൊഡക്ഷൻ കൺട്രോളർ അയാൾ ആയതിനാൽ അയാൾ പറയുന്നതുപോലെ നടക്കണം എന്നായിരുന്നു അയാളുടെ വാശി. ഞാൻ നേരെ സംവിധായകനെ വിളിച്ചു. പ്രൊഡക്ഷൻ കൺട്രോളർ എന്നോട് എന്തിനാണ് ഇങ്ങനെ സംസാരിക്കുന്നത് എന്ന് ചോദിച്ചു. എന്നോട് അങ്ങോട്ട് പോകേണ്ട ആവശ്യമില്ല എന്ന് പറഞ്ഞു.
ഇത് വിട്ടു കളയേണ്ട കാര്യമേ ഉണ്ടായിരുന്നുള്ളൂ. ആ സിനിമയുടെ സംവിധായകൻ എന്നോട് പറഞ്ഞു ഈ പരാതി ഫെഫ്കയിലേക്ക് കൊടുക്കാൻ പോവുകയാണെന്ന്. എന്നോട് പരാതി എഴുതി തരാൻ പറഞ്ഞു. ഞാൻ ശരിയെന്ന് പറഞ്ഞു. പിന്നീട് എൻറെ പരാതിയായിരുന്നു ഏറ്റവും മുകളിൽ നിന്നിരുന്നത്. അത് വലിയ പ്രശ്നമാവുകയും ചെയ്തു. സംസാരിച്ചു തീർക്കാവുന്ന കാര്യമേ ഉണ്ടായിരുന്നുള്ളൂ. അയാളെ വേദനിപ്പിക്കണമെന്ന് ആഗ്രഹം എനിക്കില്ലായിരുന്നു. ആറുമാസത്തേക്ക് അയാളെ സസ്പെൻഡ് ചെയ്തു.
ഇത് അയാൾക്ക് പല ഫാമിലി പ്രോബ്ലംസ് ഉണ്ടാക്കി. കാരണം പുറത്തുവന്ന കഥകൾ അങ്ങനെയായിരുന്നു. പുള്ളിയുടെ റൂമിലേക്ക് എന്നെ വിളിച്ചു എന്ന് കഥകൾ പരന്നു. അങ്ങനെയൊന്നും സംഭവിച്ചിട്ടില്ലായിരുന്നു. എനിക്ക് അത് വളരെ വിഷമമായി. സംഭവം കയ്യിൽ നിന്നു പോയി. അദ്ദേഹത്തിൻറെ ഭാര്യയെ വിളിച്ച് ഞാൻ സംസാരിക്കാം എന്ന് പറഞ്ഞു. ഞാൻ കൊടുത്ത പരാതിയല്ല പുറത്തുവന്നത്.
പിന്നീട് പ്രൊഡക്ഷൻ കൺട്രോളറുടെ കൂടെ ഞാൻ വർക്ക് ചെയ്തിട്ടുണ്ട്. ചെറിയൊരു സാധനം പുറത്തെത്തിയപ്പോൾ വളരെ വലുതായി”- ജ്യോതി കൃഷ്ണ പറഞ്ഞു.
content highlight: actress-jyothy-krishna-revealed
