അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്നത്തെ കാലത്ത് മിക്ക പെൺകുട്ടികളും നേരിടുന്ന പ്രധാന പ്രശ്നം എന്താണെന്ന് ചോദിച്ചാൽ മുഖക്കുരു ആണെന്നായിരിക്കും മറുപടി. പല കാരണങ്ങൾ കൊണ്ട് മുഖക്കുരു ഉണ്ടാകാം. കൗമാര പ്രായം മുതലേ ഇത് പെൺകുട്ടികളെ വല്ലാതെ ബുദ്ധിമുട്ടിച്ച് തുടങ്ങും. എല്ലാ പ്രായകാർക്കും മുഖക്കുരു ഉണ്ടാകാം. സുഷിരങ്ങളിൽ അമിതമായി എണ്ണമയം അടിഞ്ഞ് കൂടുന്നത് മുഖക്കുരുവിന് കാരണമാകാറുണ്ട്. കൂടാതെ ഹോർമോൺ വ്യതിയാനം, രോഗം, എന്തെങ്കിലും തരത്തിലുള്ള ഭക്ഷണം കഴിക്കുമ്പോൾ അങ്ങനെ പല കാര്യങ്ങൾ മുഖ കുരുവിന് കാരണമാകുന്നു.
ഇത് മാറ്റാൻ വീട്ടിൽ തന്നെ പല പ്രതിവിധികളും ചെയ്യാവുന്നതാണ്.
കറ്റാർവാഴ ജെൽ
ചർമ്മത്തിന് ഏറെ നല്ലതാണ് കറ്റാർവാഴ ജെൽ. ആവശ്യത്തിന് ജലാംശം നൽകാനും അതുപോലെ ചർമ്മത്തിലെ മുഖക്കുരു, പാടുകൾ, നിറ വ്യത്യാസം എന്നിവയൊക്കെ മാറ്റാനും കറ്റാർവാഴ സഹായിക്കും. ആൻ്റി ബാക്ടീരിയൽ ഗുണങ്ങളാൽ സമ്പുഷ്ടമാണ് കറ്റാർവാഴ. അതുപോലെ കൊളാജൻ ഉത്പ്പാദനം വേഗത്തിലാക്കാനും ചർമ്മത്തിൻ്റെ യുവത്വം നിലനിർത്താനും നല്ലതാണ് കറ്റാർവാഴ. ചർമ്മത്തിലെ പാടുകളും വരകളും ഇല്ലാതാക്കാനും ഇത് ഏറെ നല്ലതാണ്. എളുപ്പത്തിൽ ലഭ്യമായത് കൊണ്ട് തന്നെ വീട്ടിൽ തയാറാക്കുന്ന ഫേസ് പായ്ക്കുകളിൽ ഇത് ഉപയോഗിക്കാവുന്നതാണ്.
മഞ്ഞൾ
എല്ലാ വീടുകളിലെയും അടുക്കളയിൽ വളരെ സുലഭമായി കണ്ടുവരുന്നതാണ് മഞ്ഞൾ. ആൻ്റി ബാക്ടീരിയിൽ ആൻ്റി ഇൻഫ്ലമേറ്ററി ഗുണങ്ങളാൽ ഏറെ സമ്പുഷ്ടമാണ് മഞ്ഞൾ. അതുകൊണ്ട് തന്നെ ചർമ്മത്തിലെ മിക്ക പ്രശ്നങ്ങളെയും ഇല്ലാതാക്കാൻ ഇത് സഹായിക്കും. കറുത്ത പാടുകളും കണ്ണിന് താഴെയുള്ള ഇരുണ്ട വൃത്തങ്ങളുമൊക്കെ മാറ്റാനും ചർമ്മത്തെ തിളക്കമുള്ളതാക്കാനും അസമമായ ടോണിൻ്റെ രൂപഭാവം നൽകാനും സഹായിക്കുന്നു. ചർമ്മത്തെ യുവത്വം നിലനിർത്തുന്നതിന് മഞ്ഞൾ നല്ലതാണ്.
ആര്യവേപ്പ്
മുഖക്കുരു, മുഖത്തെ പാടുകൾ എന്നിവയെല്ലാം മാറ്റാൻ വളരെ നല്ലതാണ് ആര്യവേപ്പ്. ആൻറി-ഇൻഫ്ലമേറ്ററി, ആൻറി ബാക്ടീരിയൽ ഇതിൽ അടങ്ങിയിരിക്കുന്നതിനാൽ ഇത് ചർമ്മത്തിന് നല്ലതാണ്. വേപ്പിൻ്റെ ഏറ്റവും പ്രധാനപ്പെട്ട ഗുണം അതിൻ്റെ പ്രായമാകുന്ന ലക്ഷണങ്ങൾ തടയാൻ സഹായിക്കും. ചുളിവുകൾ കുറയ്ക്കുന്നതിനും നേർത്ത വരകൾ കുറയ്ക്കുന്നതിനും ഈർപ്പത്തിൻ്റെ അളവ് നിലനിർത്തുന്നതിനും ആര്യവേപ്പ് നല്ലതാണ്. വേപ്പിൽ അടങ്ങിയിരിക്കുന്ന ആൻ്റിമൈക്രോബയൽ ഗുണങ്ങൾ മുഖക്കുരു കുറയ്ക്കാൻ സഹായിക്കുന്നു. ചർമ്മത്തിലെ ചൊറിച്ചിൽ കുറയ്ക്കാൻ സഹായിക്കുന്നു. മുഖക്കുരുവിന് കാരണമാകുന്ന രോഗാണുക്കളെ ചെറുക്കുന്ന ചേരുവകൾ ഉൾപ്പെടുന്നതിനാൽ മുഖക്കുരു മാറ്റാൻ നല്ലതാണ്.
പായ്ക്ക് തയാറാക്കാൻ
ഇതിനായി അൽപ്പം ആര്യവേപ്പിൻ്റെ പൊടി കാൽ ടീ സ്പൂൺ എടുക്കുക. ഇനി അതിലേക്ക് കാൽ ടീ സ്പൂൺ മഞ്ഞളും ചേർത്ത് യോജിപ്പിക്കുക. അതിന് ശേഷം അൽപ്പം കറ്റാർവാഴ ജെല്ലും ചേർത്ത് നന്നായി യോജിപ്പിച്ച് എടുക്കണം. ഈ കൂട്ട് മുഖം കഴുകി വ്യത്തിയാക്കിയ ശേഷം ഒരു ചെറിയ ബഡ്സ് ഉപയോഗിച്ച് മുഖത്ത് മുഖക്കുരുവിൽ ഇട്ട് കൊടുക്കുക.രാത്രി ഇത് മുഖത്തിട്ട് കിടന്ന് ഉറങ്ങാവുന്നതാണ്. രാവിലെ മുഖം തണുത്ത വെള്ളത്തിൽ കഴുകി വ്യത്തിയാക്കാം.
content highlight: home-made-face-pack-for-acne/
