അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നടൻ രാഷ്ട്രീയപ്രവർത്തകൻ എന്നീ നിലകളിലെല്ലാം പ്രശസ്തി നേടിയ താരമാണ് സുരേഷ് ഗോപി. നിരവധി ആരാധകരെ സ്വന്തമാക്കിയ അദ്ദേഹമിന്ന് കേന്ദ്ര സഹ മന്ത്രി കൂടിയാണ്. തൃശ്ശൂരിൽ നിന്നും വിജയിച്ച അദ്ദേഹം കേരളത്തിനു വേണ്ടി തന്നെക്കൊണ്ട് സാധിക്കുന്ന കാര്യങ്ങളൊക്കെ ചെയ്യുമെന്നാണ് പറഞ്ഞിരിക്കുന്നത്. എന്നാൽ അടുത്തകാലത്ത് വയനാട്ടിൽ വലിയൊരു ദുരന്തം ഉണ്ടായപ്പോൾ സഹായം കേരളം ആവശ്യപ്പെടട്ടെ എന്ന് അദ്ദേഹം പറഞ്ഞത് വളരെയധികം ശ്രദ്ധ നേടിയിരുന്നു.
ഇപ്പോഴിതാ വയനാട് വിഷയത്തിൽ തന്റെ സോഷ്യൽ മീഡിയ പേജിലൂടെ താരം പങ്കുവയ്ക്കുന്ന ഒരു കുറിപ്പാണ് ശ്രദ്ധ നേടി കൊണ്ടിരിക്കുന്നത്. വയനാട്ടിൽ സന്ദർശിച്ചപ്പോൾ തനിക്കുണ്ടായ മാനസിക അവസ്ഥയെ കുറിച്ചാണ് ഈ ഒരു കുറിപ്പിൽ സുരേഷ് ഗോപി പങ്കു വയ്ക്കുന്നത്. അദ്ദേഹത്തിന്റെ വാക്കുകൾ ഇങ്ങനെ..
“വയനാട്ടിൽ നിൽക്കുമ്പോൾ അവിടെയുള്ള അവശിഷ്ടങ്ങൾക്കിടയിൽ എന്റെ ഹൃദയം ഭാരം അനുഭവിച്ചു.. ഇപ്പോൾ പ്രകൃതിയുടെ രോഷാൽ മുറിവേറ്റ ഒരു സ്ഥലമാണ് ഇത്. അടുത്ത സമയത്തുണ്ടായ മണ്ണിടിച്ചിലിൽ നിരപരാധികളായ കുട്ടികൾ ഉൾപ്പെടെ നിരവധി ആളുകളുടെ ജീവന് അപഹരിക്കുകയും നിരവധി ആളുകളെ കാണാതാവുകയും ചെയ്തു..
സങ്കൽപ്പിക്കാൻ പോലും കഴിയാത്ത ദുഃഖത്തിന്റെയും നഷ്ടത്തിന്റെയും രംഗമാണ് അത്. പ്രിയപ്പെട്ടവരെ നഷ്ടപ്പെട്ട കുടുംബങ്ങൾക്ക് എന്റെ അനുശോചനത്തിന്റെ ആഴം വാക്കുകൾ കൊണ്ട് പറയാൻ കഴിയില്ല. കാണാതായ അവരുടെ കുടുംബാംഗങ്ങളെ ഇപ്പോഴും തിരയുന്ന നിരവധി ആളുകളെ ഞാൻ കണ്ടു. അവരുടെ വേദന ഈ സമൂഹത്തെ അടിച്ചമർത്തുന്ന ഹൃദയഭേദകമായ സങ്കടത്തിന്റെ തെളിവാണ്.. ഈ ദുരന്തജീവിതം എത്ര ദുർബലമാണെന്നും എല്ലാം എത്ര പെട്ടെന്നാണ് മാറുന്നത് എന്നതിന്റെയും വ്യക്തമായ ഓർമ്മപ്പെടുത്തൽ കൂടിയാണത്.
വയനാടൻ ജനതയുടെ സഹിഷ്ണുതയും ധൈര്യവും ശരിക്കും പ്രചോദനം നൽകുന്നതാണ്.. ഈ വിനാശത്തിനിടയിലും ഐക്യത്തോടെയും പിന്തുണയോടെയും അവർ നിൽക്കുന്നു.. നമ്മുടെ സർക്കാരും വിവിധ ഏജൻസികളും ദുരിതബാധിതരെ രക്ഷിക്കുവാനും പുനരധിവസിപ്പിക്കുവാനും പ്രയത്നിക്കുകയാണ്..ദുരിതബാധിതർക്ക് സഹായവും സാന്ത്വനവും നൽകുന്നതിന് ധൈര്യം കാണിക്കുന്ന എല്ലാ രക്ഷാപ്രവർത്തകർക്കും സന്നദ്ധ പ്രവർത്തകർക്കും ഉദ്യോഗസ്ഥർക്കും എന്റെ ഹൃദയംഗമമായ നന്ദി അറിയിക്കുന്നു. ഈ സമയങ്ങളിൽ നമ്മൾ ഒരുമിച്ചാണ്. ധീരമായ ഇടമാണ് വയനാട്. ശക്തമായിരിക്കുക ഞങ്ങൾ എല്ലാവരും നിങ്ങളോടൊപ്പം ഉണ്ട്..
