അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ലോകത്തിലെ ഏറ്റവും ആകർഷകമായ സ്ഥലങ്ങളിൽ ഒന്നായിയാണ് ദ്വീപുകളെ കണക്കാക്കുന്നത്. അതിമനോഹരമായ ദ്വീപുകൾ സന്ദർശിക്കുവാൻ ഇഷ്ടപ്പെടുന്ന ആളുകൾ തീർച്ചയായും പോയിരിക്കേണ്ട ചില ദ്വീപുകൾ ഉണ്ട്. അത്തരത്തിൽ തീർച്ചയായും പോകേണ്ട ചില ദ്വീപുകളെ കുറിച്ചാണ് പറയാൻ പോകുന്നത്. വിനോദസഞ്ചാരികളെ ആനന്ദിപ്പിക്കാൻ സാധിക്കുന്ന അതിമനോഹരമായ ഈ ദ്വീപുകളെ കുറിച്ച് അറിയാം…
ബാലി ഇൻഡോനേഷ്യ
അതിമനോഹരമായ ബീച്ചുകൾക്കും പകരം വയ്ക്കാൻ സാധിക്കാത്ത സംസ്കാരത്തിനും സമൃദ്ധമായ പ്രകൃതിദൃശ്യങ്ങൾക്കും പേരുകേട്ട സ്ഥലമാണ് ബാലി. തീർച്ചയായും സന്ദർശിക്കേണ്ട അതിമനോഹരമായ ഒരു വിനോദസഞ്ചാര കേന്ദ്രം കൂടിയാണ് ഇവിടം.. പർവ്വതങ്ങൾ ക്ഷേത്രങ്ങൾ സാംസ്കാരിക പൈതൃകം വിളിച്ചോതുന്ന കാഴ്ചകൾ തുടങ്ങിയവ ഇവിടെ സഞ്ചാരികളെ ആകർഷിക്കുന്നു.
ഫുക്കറ്റ് തായ്‌ലാൻഡ്
തായ്‌ലാൻഡിലെ ഏറ്റവും വലിയ ദ്വീപാണ് ഫുക്കറ്റ്. അതിമനോഹരമായ ബീച്ചുകൾ ആവേശം നിറയ്ക്കുന്ന നൈറ്റ് ലൈഫ് തുടങ്ങിയവയാണ് ഇവിടെ വിനോദസഞ്ചാരികളെ ആകർഷിക്കുന്ന ഘടകം. ശാന്തമായ അന്തരീക്ഷം പ്രദാനം ചെയ്യുന്ന ഈ സ്ഥലത്തേക്ക് നിരവധി ആളുകളാണ് ഓരോ വർഷവും ഒഴുകിയെത്തുന്നത്.
പലവൻ ഫിലിപ്പീൻസ്
പ്രകൃതി സൗന്ദര്യത്തിന്റെ ഏറ്റവും വലിയ മനോഹാരിത തന്നെയാണ് ഇവിടെ വിനോദസഞ്ചാരികളെ കാത്തിരിക്കുന്നത്. ചുണ്ണാമ്പ് കല്ലും പാറകളും ടർക്കോസ് വെള്ളവും ഈ ദ്വീപിന്റെ പ്രത്യേകതയാണ്.. പ്രകൃതി സൗന്ദര്യത്തിന്റെ ഒരു പറുദീസ തന്നെയാണ് ഈ ഒരു സ്ഥലം.
ബോറോകെ ഫിലിപ്പൈൻസ്
ഫിലിപ്പീൻസിലെ തന്നെ അതിമനോഹരമായ മറ്റൊരു സ്ഥലമാണ് ബോറൊക്കെ. വെളുത്ത പഞ്ചാര മണലിനും മരതക നിറമുള്ള ജലത്തിനും ഒരു പ്രത്യേക സൗന്ദര്യം തന്നെയാണ് കാണാൻ സാധിക്കുന്നത്. ഇവിടെ സൂര്യാസ്തമയത്തിന് പേരുകേട്ട വൈറ്റ് ബീച്ച് ഏറ്റവും പ്രശസ്തമായ ഒരു സ്ഥലമാണ്.
മാലിദ്വീപ്
ആയിരത്തിലധികം പവിഴ ദ്വീപുകളുടെ ഒരു ദീപ സമൂഹമാണ് മാലിദ്വീപ്. ഒട്ടുമിക്ക വിനോദസഞ്ചാരികളുടെയും പ്രിയപ്പെട്ട ഡെസ്റ്റിനേഷനായി മാറിയിട്ടുള്ള ഈ ദ്വീപിലേക്ക് ഓരോ വർഷവും സിനിമാതാരങ്ങൾ അടക്കം വിനോദസഞ്ചാരത്തിനായി എത്താറുണ്ട്.
Story Highlights ; Beautiful Islands
