അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യൽ മീഡിയയിൽ വളരെ സജീവമായ താരമാണ് സന്തോഷ് പണ്ഡിറ്റ്.. സ്വന്തമായി സിനിമ നിർമ്മിക്കുകയും സംവിധാനം ചെയ്യുകയും അഭിനയിക്കുകയുമൊക്കെ ചെയ്യുന്ന വ്യക്തി എന്ന നിലയിലാണ് സന്തോഷ് പണ്ഡിറ്റ് ശ്രദ്ധ നേടാറുള്ളത്.. എല്ലാത്തിലും ഉപരി താരം നിരവധി ചാരിറ്റി പ്രവർത്തനങ്ങളുടെ ഭാഗമായി മാറുകയും ചെയ്യാറുണ്ട്. നിരവധി ആളുകളെയാണ് സന്തോഷ് പണ്ഡിറ്റ് തനിക്ക് കഴിയാവുന്ന രീതിയിൽ സഹായിച്ചിട്ടുള്ളത്. ഒരിക്കൽ കെഎസ്ആർടിസി ബസ്സിൽ യാത്ര ചെയ്ത് പാവങ്ങളെ സഹായിക്കാൻ പോകുന്ന താരത്തിന്റെ വീഡിയോ വൈറലായി മാറിയിരുന്നു.
ഇപ്പോഴിതാ തന്റെ സഹായത്തിന്റെ രീതിയെക്കുറിച്ച് തുറന്നു പറയുകയാണ് സന്തോഷ് പണ്ഡിറ്റ്. ” ഒരാൾ വിളിച്ച് എനിക്ക് 45 ലക്ഷം രൂപ വേണമെന്ന് പറഞ്ഞാൽ എനിക്ക് അയാളെ സഹായിക്കാൻ സാധിക്കില്ല. അതെല്ലാം മറ്റൊരാൾ വിളിച്ച് എനിക്ക് 10 ലക്ഷം രൂപ വേണം വീട് ജപ്തിയാണ് എന്ന് പറഞ്ഞാൽ അവരെ സഹായിക്കുവാനും എനിക്ക് സാധിക്കില്ല. എന്നോട് ചോദിക്കേണ്ട സഹായം എന്നത് ഒരു തയ്യൽ മെഷീനോ അല്ലെങ്കിൽ ഒരു പഠിക്കാനുള്ള ടേബിളോ, അലമാരയോ ഒക്കെയാണ്. അതിൽ കൂടുതലുള്ള സഹായങ്ങൾ ഒന്നും എന്നെക്കൊണ്ട് സാധിക്കുന്ന കാര്യങ്ങൾ അല്ല.
എന്റെ അച്ഛൻ എന്നോട് പറഞ്ഞിട്ടുള്ള ഒരു കാര്യമുണ്ട് 10 ലക്ഷം രൂപ ഉണ്ടാക്കിയെന്ന് വയ്ക്കുക അതിൽ അഞ്ചുലക്ഷം രൂപ നീ നിന്റെ ആവശ്യത്തിന് എടുത്തു ബാക്കി 5 ലക്ഷം രൂപ നിനക്ക് ശരി എന്ന് തോന്നുന്ന ആളുകൾക്ക് കൊടുക്കണമെന്ന്. അങ്ങനെയാണ് ഞാൻ ചാരിറ്റി ചെയ്യാൻ തുടങ്ങിയത്.. അല്ലാതെ ഇത് ഇങ്ങനെ കണ്ടിന്യൂ ചെയ്ത് കൊണ്ടുപോകണമെന്ന് ഒന്നും എനിക്കില്ല. ചെറിയ ചെറിയ ആവശ്യങ്ങളുള്ള ആളുകൾക്ക് ഞാൻ സഹായങ്ങൾ ചെയ്യാറുണ്ട്.. അല്ലാതെ വലിയ ആവശ്യങ്ങൾ ഒന്നും എന്നെക്കൊണ്ട് സാധിക്കുന്ന കാര്യമല്ല”. സന്തോഷ് പണ്ഡിറ്റിന്റെ ഈ വാക്കുകൾ വളരെ വേഗം തന്നെ ശ്രദ്ധ നേടുകയായിരുന്നു ചെയ്തത്.
Story Highlights ; Santhosh Pandit statement
