അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എഴുപത്തിയേഴാമത് ലൊകാർണോ ഫിലിം ഫെസ്റ്റിവലിൽ ബോളിവുഡ് സൂപ്പർ താരം ഷാരൂഖ് ഖാന്റെ റെഡ് കാര്‍പ്പറ്റിലെ പെരുമാറ്റം വിവാദമാകുന്നു. ആജീവനാന്ത സംഭാവനയ്ക്കുള്ള അവാര്‍ഡായ കരിയർ ലെപ്പാർഡ് സ്വീകരിക്കാൻ എത്തിയതായിരുന്നു നടൻ. ഈ പുരസ്‌കാരം നേടുന്ന ആദ്യത്തെ ഇന്ത്യൻ സെലിബ്രിറ്റി കൂടി ആയിരുന്നു ഷാരൂഖ്. റെഡ് കാര്‍പ്പറ്റിൽ ഒരു വ്യക്തിയെ ഷാരൂഖ് തള്ളി മാറ്റുന്നതാണ് വീഡിയോ. സംഭവത്തോട് സോഷ്യൽ മീഡിയയിൽ ആരാധകരുടെ പ്രതികരണം സമ്മിശ്രമാണ്. നടന് ആ വ്യക്തിയെ അറിയാമെന്നും ആംഗ്യം തമാശയാണെന്നും ചിലർ കരുതുന്നു, മറ്റുള്ളവർ ഷാരൂഖ് ഖാൻ്റെ പരുഷമായ പെരുമാറ്റത്തെ വിമർശിക്കുന്നു.
Srk in good spirits at today’s event. Playing it up for the camera with a buddy/old acquaintance of his.
by inBollyBlindsNGossip
റെഡ് കാര്‍പ്പറ്റിന്‍റെ ഒരു വശത്ത് ഫോട്ടോഗ്രാഫര്‍ക്കൊപ്പം നില്‍ക്കുന്ന വയസുള്ള വ്യക്തിയെയാണ് ഷാരൂഖ് തള്ളിയത്. എന്തായാലും ഈ വീഡിയോ വൈറലാകുകയും താരം ഏറെ വിമര്‍ശനം നേരിടുകയുമാണ്.
പലരും ഷാരൂഖിന്‍റെ രീതിയെ വിമര്‍ശിച്ച് രംഗത്ത് എത്തി. തീര്‍ത്തും ദാര്‍ഷ്ഢ്യം നിറഞ്ഞ പ്രവര്‍ത്തിയെന്നാണ് ചിലര്‍ വിശേഷിപ്പിച്ചത്. അതേ സമയം ഇതേ പ്രവര്‍ത്തി അദ്ദേഹം ഷാരൂഖിനോട് തിരിച്ച് കാണിച്ചാല്‍ എന്തായിരിക്കും എന്നാണ് മറ്റൊരാള്‍ ചോദിച്ചത്. സാധാരണ ഇത്തരം വേദികളില്‍ വളരെ ക്യൂട്ടായി പെരുമാറാന്‍ ശ്രമിക്കുന്ന ഷാരൂഖിന് എന്ത് പറ്റിയെന്നും പലരും ചോദിക്കുന്നു എക്സ് പോലുള്ള സോഷ്യല്‍ മീഡിയ പ്ലാറ്റ്ഫോമുകളില്‍.
View this post on Instagram
എന്നാല്‍ ഷാരൂഖിനെ അനുകൂലിച്ചും കമന്‍റുകള്‍ വരുന്നുണ്ട്. ഷാരൂഖും അദ്ദേഹം തള്ളിയ വ്യക്തിയും അടുത്ത സൗഹൃദമുള്ളവരാണെന്നും. അത് ഒരു തമാശ ആക്ടാണ് എന്നുമാണ് ഷാരൂഖ് ആരാധകര്‍ പറയുന്നു. നേരത്തെ ഈ സംഭവത്തിന് മുന്‍പ് ഇതേ മുതിര്‍ന്ന വ്യക്തിക്കൊപ്പം ഷാരൂഖ് സൗഹൃദപൂര്‍വ്വം നടന്നുവരുന്ന ദൃശ്യങ്ങളും ചിലര്‍ പോസ്റ്റ് ചെയ്തിട്ടുണ്ട്.
എന്തായാലും സോഷ്യല്‍ മീഡിയയില്‍ സമിശ്ര അഭിപ്രായങ്ങള്‍ ഉണ്ടാക്കി. ഈ വീഡിയോ വൈറലാകുകയാണ്. ഡങ്കി എന്ന ചിത്രത്തിലാണ് അവസാനമായി ഷാരൂഖ് അഭിനയിച്ചത്. 2024 ല്‍ ഇതുവരെ ഒരു ചിത്രവും താരം ഏറ്റെടുത്തിട്ടില്ല. അതിനാല്‍ തന്നെ ഈ വര്‍ഷം ഷാരൂഖ് ചിത്രങ്ങളൊന്നും ഉണ്ടാകില്ലെന്ന് ഉറപ്പാണ്.
content highlight: shah-rukh-khan-pushing-old-man
