അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നൂറുകണക്കിന് വീഡിയോകളാണ് സോഷ്യല്‍ മീഡിയയില്‍ ദിനംപ്രതി വൈറലാകുന്നത്. അതില്‍ ഇന്നത്തെ താരം ഇന്തോനേഷ്യയില്‍ നിന്നുള്ള ഒരു വീഡിയോയാണ്. ഇന്‍ഡോനേഷ്യയിലെ രണ്ട് കുട്ടികളുടെ വളരെ ആഹ്ലാദപൂര്‍വ്വമായ ഒരു വീഡിയോ ആണിത്. ഒരു ട്രക്കിന്റെ ഹോണ്‍മുഴക്കം ആസ്വദിക്കുന്ന കുട്ടികളുടെ വീഡിയോ ആണിത്.
View this post on Instagram
വളരെ താളത്തിലുള്ള ഒരു ഹോണ്‍ ട്രക്ക് മുഴക്കുമ്പോള്‍, ആ താളത്തിനനുസരിച്ച് നൃത്തം ചെയ്യുന്ന രണ്ട് കുട്ടികളെയും നമുക്ക് വീഡിയോയില്‍ കാണാം. വണ്ടിയുടെ ഡ്രൈവറും കൂടെയുണ്ടായിരുന്ന ആളും ഈ ഡാന്‍സ് ആസ്വദിക്കുന്നതായും വീഡിയോയില്‍ കാണാന്‍ സാധിക്കും. ട്രക്കിന് പുറമെ മറ്റ് രണ്ട് വണ്ടികളും കാണാന്‍ സാധിക്കും. ഈ വണ്ടിയില്‍ ഉള്ളവരും ഈ കുരുന്നുകളുടെ വീഡിയോ കണ്ട് സന്തോഷിക്കുകയാണ് ചെയ്യുന്നത്. വണ്ടിയോടിക്കുന്ന ഡ്രൈവറെ കൈവീശി കാണിക്കാനും കുട്ടികള്‍ മറന്നില്ല. ട്രക്ക് പോയ ശേഷവും കുട്ടികള്‍ നൃത്തം തുടരുകയാണ്.
എന്തായാലും നിമിഷനേരങ്ങള്‍ കൊണ്ട് തന്നെ സോഷ്യല്‍ മീഡിയ കീഴടക്കിയിരിക്കുകയാണ് ഈ വീഡിയോ. ഹോണിന്റെ താളത്തിനൊത്തുളള അവരുടെ നൃത്തം കാഴ്ചക്കാര്‍ക്ക് പ്രിയങ്കരമായിരിക്കുകയാണ്. ദി ഹാപ്പി ന്യൂസ് എന്ന ഇന്‍സ്റ്റഗ്രാം അക്കൗണ്ടില്‍ പ്രചരിച്ച ഈ വീഡിയോ ഇതുവരെ രണ്ടു ദശലക്ഷത്തിലധികം കാഴ്ചക്കാര്‍ കണ്ടുകഴിഞ്ഞു. ‘കുട്ടികളുടെയും ട്രക്ക് ഡ്രൈവറുടെയും അതിശയകരമായ വികാരം’ ഇന്ന് ഒരാള്‍ കമന്റ് ചെയ്തിരിക്കുന്നു. ‘ഇത് മിക്ക സ്ഥലങ്ങളിലും നടക്കുന്നതാണ്’ എന്ന് മറ്റൊരാള്‍ കമന്റ് ചെയ്തിരിക്കുന്നു. ‘ഇത്തരം സന്തോഷപൂര്‍വ്വമായ ലളിതമായ വീഡിയോകള്‍ പകര്‍ത്തിയതിന് നന്ദി’, എന്നാണ് മറ്റൊരാള്‍ കമന്റ് ചെയ്തിരിക്കുന്നത്.
STORY HIGHLIGHTS: Indonesian children dance to truck horn tune
