സാമന്ത-നാഗ ചൈതന്യ ദാമ്പത്യവുമായി ബന്ധപ്പെട്ട് പുതിയ വെളിപ്പെടുത്തലുമായി നിർമാതാവ് നീലിമ ഗുണ. വിവാഹമോചന വാർത്ത പുറത്തുവരുന്നതിന് ഏതാനും മാസങ്ങൾക്ക് മുമ്പ് സമാന്തയും നാഗ ചൈതന്യയും ഒരു കുഞ്ഞിന് വേണ്ടിയുള്ള ശ്രമത്തിലായിരുന്നുവെന്നാണ് ഒരു അഭിമുഖത്തില്‍ നീലിമ വ്യക്തമാക്കുന്നത്. സമാന്തയ്ക്ക് അതിനാണ് മുൻഗണനയെന്നും നിർമാതാവ് പറയുന്നു.
ശാകുന്തളം എന്ന ചിത്രത്തിനായി താനും പിതാവും സാമന്തയെ സമീപിച്ചപ്പോൾ, നടിക്ക് ആ സിനിമയുടെ കഥ ഇഷ്ടപ്പെട്ടെങ്കിലും താരം ഒരു നിബന്ധന മുന്നോട്ട് വെച്ചുവെന്നാണ് ന്യൂസ് മിനിറ്റിന് നൽകിയ അഭിമുഖത്തിൽ നീലിമ പറയുന്നത്. താൻ സിനിമയ്ക്കുള്ള കാരറില്‍ ഒപ്പിടാമെന്നും എന്നാല്‍ 2021 ജൂലൈ/ഓഗസ്റ്റിനുള്ളിൽ ഷൂട്ടിംഗ് പൂർത്തിയാക്കണമെന്ന് ആവശ്യപ്പെട്ടിരുന്നതായും നീലിമ വെളിപ്പെടുത്തുന്നു.
ആ സമയങ്ങളില്‍ അമ്മയാകാനുള്ള ഒരുക്കത്തിലായിരുന്നു സാമന്ത. അതായിരിക്കും തൻ്റെ പ്രഥമവും പ്രധാനവുമായ മുൻഗണനയെന്നും താരം വ്യക്തമാക്കിയിരുന്നു. “കഴിഞ്ഞ വർഷം തന്നെ, ശാകുന്തളത്തിന് വേണ്ടി ഞാനും അച്ഛൻ സംവിധായകൻ ഗുണശേഖറും സാമന്തയെ സമീപിച്ചപ്പോൾ, അവൾക്ക് കഥ ഇഷ്ടപ്പെട്ടു, അതിൽ വളരെ ആവേശഭരിതയുമായിരുന്നു, എന്നാൽ ഈ വേഷം സ്വീകരിക്കണമെങ്കിൽ പരമാവധി ജൂലൈയിൽ ഷൂട്ടിംഗ് പൂർത്തിയാക്കണമെന്ന് അവർ ഞങ്ങളോട് പറഞ്ഞു. ഈ വർഷം ഓഗസ്റ്റിൽ അവൾ ഒരു അമ്മയാകാൻ ആഗ്രഹിക്കുന്നുവെന്നും അതിനായിരിക്കും അവളുടെ മുൻഗണനയായിരിക്കുമെന്നും ഞങ്ങളെ അറിയിച്ചു.” നീലിമ അഭിമുഖത്തില്‍ പറയുന്നു.
നിലവില്‍ സിനിമകൾ അന്തിമമാക്കാൻ പൊതുവെ വളരെയധികം സമയമെടുക്കുന്നതിനാൽ പ്രോജക്റ്റ് ഏറ്റെടുക്കുന്നതിൽ സാമന്ത ആശങ്കാകുലനായിരുന്നുവെന്നും നീലിമ അതേ അഭിമുഖത്തിൽ കൂട്ടിച്ചേർത്തു. 2021 ജൂലൈ/ഓഗസ്റ്റിനുള്ളിൽ ഷൂട്ടിംഗ് പൂർത്തിയാക്കാൻ കഴിയുമെന്ന് താനും മുഴുവൻ ടീമും സാമന്തയ്ക്ക് ഉറപ്പുനൽകുകയും ചെയ്തു.
ഇത് തൻ്റെ അവസാന ചിത്രമായിരിക്കുമെന്നും, കുട്ടികളുണ്ടാകാനും കുടുംബം ആസൂത്രണം ചെയ്യാനും ആഗ്രഹിക്കുന്നതിനാൽ ഒരു നീണ്ട ഇടവേള എടുക്കുമെന്നും സാമന്ത തന്നോട് പറഞ്ഞു. താരം അങ്ങനെ ഒരു ആഗ്രഹം പറഞ്ഞതിനാല്‍ തന്നെ ഷൂട്ടിങ് വളരെ വേഗം പൂർത്തിയാക്കാനായിരുന്നു ഞങ്ങളുടെ തീരുമാനമെന്നും നീലിമ കൂട്ടിച്ചേർക്കുന്നു.
അതേസമയം,നാഗ ചൈതന്യയുമായുള്ള വിവാഹത്തിന് ആറ് മാസത്തിന് ശേഷം ഫിലിം കമ്പാനിയന് നൽകിയ അഭിമുഖത്തിൽ സാമന്തയോട് നേരിട്ട് തന്നെ ഫാമിലി പ്ലാനിങ്ങിനെക്കുറിച്ച് ചോദിച്ചിരുന്നു. തനിക്ക് ഒരു കുഞ്ഞ് ജനിക്കേണ്ടതെന്നെന്ന ഡേറ്റ് പോലും തീരുമാനിച്ചു വച്ചിട്ടുണ്ടെന്നായിരുന്നു സാമന്തയുടെ അന്നത്തെ മറുപടി.
content highlight: samantha-was-preparing-for-motherhood