അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വന്യമൃഗങ്ങളുടെ പല വീഡിയോകളും സോഷ്യല്‍ മീഡിയയില്‍ ദിനംപ്രതി വൈറലാകാറുണ്ട്. ഇപ്പോള്‍ ഇതാ അത്തരത്തിലുള്ള ഒരു വീഡിയോയാണ് സോഷ്യല്‍ മീഡിയയില്‍ വലിയ ചര്‍ച്ചയായിരിക്കുന്നത്. വീഡിയോയില്‍ രണ്ട് സിംഹങ്ങളെ കാണാം. എന്നാല്‍ സിംഹത്തോടൊപ്പം പോരടിച്ചു നില്‍ക്കുന്നത് രണ്ട് വളര്‍ത്തു നായ്ക്കളാണ്. ഒരു ഗെയിറ്റിന്റെ അപ്പുറത്തും ഇപ്പുറത്തും നിന്നു കൊണ്ട് സിംഹങ്ങളും നായ്ക്കളും പരസ്പരം പോരടിക്കുന്നത് നമുക്ക് വീഡിയോയില്‍ കാണാം.
View this post on Instagram
ഈ വീഡിയോയില്‍ കാണുന്ന നായകളുടെ ധൈര്യം എടുത്തു പറയേണ്ടത് തന്നെയാണ്. ആചാനബാഹുക്കളായ രണ്ട് സിംഹങ്ങള്‍ മുന്നില്‍ വന്നു നില്‍ക്കുമ്പോഴും ധൈര്യത്തോടെ അവരെ കുരച്ച് തോല്‍പ്പിക്കുകയാണ് ഈ നായ കുട്ടികള്‍. ഗുജറാത്തിലെ അമറേലി ജില്ലയിലെ സവര്‍ക്കൊണ്ടല താലൂക്കിലെ തോറാടി ഗ്രാമത്തില്‍ ആയിരുന്നു ഈ സംഭവം നടന്നത്. വന്യമൃഗങ്ങള്‍ ജനവാസ മേഖലയിലേക്ക് ഇപ്പോള്‍ ദിനംപ്രതി എത്തിക്കൊണ്ടിരിക്കുകയാണ് എന്നാണ് അവിടുത്തെ ഗ്രാമവാസികള്‍ അഭിപ്രായപ്പെടുന്നത്. സംഭവം എന്തായാലും സ്ഥലത്ത് ഭയാന്തരീക്ഷം സൃഷ്ടിച്ചിരിക്കുകയാണ്. ഗ്രാമവാസികള്‍ ടെറസിന്റെ മുകളില്‍ നിന്നാണ് ഈ വീഡിയോ ചിത്രീകരിച്ചിരിക്കുന്നത്. വീഡിയോയില്‍ കാണുന്ന നായ്ക്കളുടെ ധൈര്യം പ്രശംസനീയമാണെന്നും നാട്ടുകാര്‍ പറയുന്നു
സിംഹങ്ങള്‍ ജനവാസമേഖലയില്‍ എത്തിയതിനെക്കുറിച്ച് വിവരം ലഭിച്ചതിനെ തുടര്‍ന്ന് വനംവകുപ്പ് ഉദ്യോഗസ്ഥര്‍ സംഭവസ്ഥലത്തെത്തി. അവര്‍ സിംഹങ്ങളെ സുരക്ഷിതമായി മാറ്റിപ്പാര്‍പ്പിക്കുമെന്നും ഗ്രാമവാസികളുടെ സുരക്ഷയ്ക്ക് മുന്‍ഗണന നല്‍കുമെന്നും ഗ്രാമവാസികള്‍ക്ക് ഉറപ്പ് നല്‍കി. സിംഹങ്ങള്‍ മനുഷ്യവാസ കേന്ദ്രങ്ങളില്‍ പ്രവേശിക്കുന്നത് ഗുരുതരമായ ആശങ്കയുണ്ടാക്കുന്ന കാര്യമാണ്. സിംഹങ്ങളെ അവയുടെ സ്വാഭാവിക ആവാസ വ്യവസ്ഥയിലേക്ക് തിരികെ കൊണ്ടുവരാന്‍ അടിയന്തര നടപടികള്‍ സ്വീകരിക്കുന്നുണ്ടെന്ന് വനം വകുപ്പ് ഉദ്യോഗസ്ഥന്‍ പറഞ്ഞു.
STORY HIGHLIGHTS: Fearless dogs clash with 2 lions
