അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പൂര്‍വ്വ വിദ്യാര്‍ത്ഥികളുടെ സ്‌കൂളിലെ ഒത്തുചേരല്‍ വീഡിയോകള്‍ സമൂഹമാധ്യമങ്ങളില്‍ സാധാരണ വൈറലാകാറുണ്ട്. പ്രായംചെന്ന ആളുകള്‍ തിരികെ അവര്‍ പഠിച്ച സ്‌കൂളിലേക്ക് വരുന്നതും അവരുടെ കളിയും ചിരിയും ഡാന്‍സും പാട്ടും എല്ലാം ഇത്തരത്തില്‍ സോഷ്യല്‍ മീഡിയയില്‍ ചര്‍ച്ച ആകാറുണ്ട്. ഇപ്പോള്‍ ഇതാ ഒരു വ്യത്യസ്തമായ ഒത്തുചേരല്‍ വീഡിയോയാണ് സമൂഹമാധ്യമങ്ങളില്‍ പ്രചരിക്കുന്നത്. ഒരുകൂട്ടം പൂര്‍വ്വ വിദ്യാര്‍ത്ഥികള്‍ അവരുടെ സ്‌കൂള്‍ ഓര്‍മ്മകളിലേക്ക് എത്തിച്ചേരുന്ന ഒരു വീഡിയോ ആണിത്.
അവരുടെ സ്‌കൂള്‍ ഓര്‍മ്മകളെ പൊടിതട്ടി എടുക്കുവാന്‍ വേണ്ടി സ്‌കൂള്‍ കാലഘട്ടത്തില്‍ പ്രിന്‍സിപ്പല്‍ തങ്ങളെ അടിച്ചിരുന്നതുപോലെ വീണ്ടും അടിക്കണമെന്ന് ആവശ്യപ്പെടുകയാണ് ഈ പൂര്‍വ്വ വിദ്യാര്‍ത്ഥികള്‍. ഈ പറയുന്ന പൂര്‍വ്വ വിദ്യാര്‍ത്ഥികള്‍ ഇപ്പോള്‍ കളക്ടറും പോലീസും ഡോക്ടറും അധ്യാപകരും ഒക്കെയാണ്.
Here’s a strange reunion of old students of a school.! There are collectors, police officers, doctors, advocates, principals, teachers, businessmen and owners of schools ! All of them have a desire…. The Principal should beat them with his cane to help them recollect their… pic.twitter.com/r0mkCaLkav
— Krishna (@Atheist_Krishna) August 13, 2024
കൃഷ്ണ എന്ന ഇന്‍സ്റ്റഗ്രാം പേജിലാണ് ഈ വീഡിയോ പങ്കുവെച്ചിരിക്കുന്നത്. ‘ഇതാ ഒരു സ്‌കൂളിലെ പഴയ വിദ്യാര്‍ത്ഥികളുടെ വിചിത്രമായ ഒത്തുചേരല്‍.. കളക്ടറും പോലീസും ഡോക്ടറും അധ്യാപകരും ഒക്കെയാണ് ഇവരില്‍ ഏറെയും പേര്‍. സ്‌കൂള്‍ ജീവിതം ഓര്‍ത്തെടുക്കുവാനായി പ്രിന്‍സിപ്പല്‍നോട് ചൂരലുകൊണ്ട് തങ്ങളെ അടിക്കണം എന്ന് ഇവര്‍ ആവശ്യപ്പെടുകയായിരുന്നു. എന്തെന്നാല്‍ അന്ന് അവര്‍ക്ക് ലഭിച്ച ശിക്ഷ അനുഗ്രഹമായെന്നും അതിലൂടെ കിട്ടിയ പാഠങ്ങളില്‍ കൂടെയാണ് ഇന്ന് അവര്‍ ഉയരങ്ങളില്‍ എത്തിനില്‍ക്കുന്നതെന്നുമാണ് ഇവര്‍ പറയുന്നത്’, ഇതായിരുന്നു വീഡിയോയുടെ ക്യാപ്ഷന്‍.
നിമിഷം നേരം കൊണ്ട് വൈറലായ വീഡിയോ ആയിരക്കണക്കിന് ആളുകളാണ് ഇതുവരെ കണ്ടത്. ചിലര്‍ അവരുടെ പഴയ സ്‌കൂള്‍ കാലഘട്ടത്തെ ഓര്‍മ്മകള്‍ കമന്റുകള്‍ ആയി രേഖപ്പെടുത്തിയിരിക്കുന്നു. സ്‌കൂള്‍ പഠനത്തിന്റെ നല്ല ദിവസങ്ങള്‍ എന്നാണ് ഒരാള്‍ കമന്റ് ചെയ്തിരിക്കുന്നത്.
STORY HIGHLIGHTS: Principal canes former students, Video viral
