അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യല്‍ മീഡിയയില്‍ വൈറല്‍ ആകുന്നതിനുവേണ്ടി ഏതറ്റം വരെയും പോകുന്ന ചിലരെ നമ്മള്‍ കണ്ടിട്ടുണ്ട്. ഓടുന്ന വാഹനത്തില്‍ ഇരുന്നു ഡാന്‍സ് കളിക്കുന്നതും കൈവിട്ട് വാഹനം ഓടിക്കുന്നതും പാറക്കെട്ടുകളുടെ മുനമ്പില്‍ പോയി നിന്നു ചിത്രങ്ങള്‍ എടുക്കുന്നതും തുടങ്ങി ഒരുപാട് കാര്യങ്ങള്‍ സോഷ്യല്‍ മീഡിയയില്‍ വൈറലാകാറുണ്ട്. അതുപോലെ വൈറല്‍ ആകുന്നതിനു വേണ്ടി തിരക്കുള്ള റോഡില്‍ നിന്നുകൊണ്ട് മഴയത്ത് നൃത്തം ചെയ്യുന്ന ഒരു യുവതിയുടെ വീഡിയോ ആണ് ഇപ്പോള്‍ സമൂഹമാധ്യമങ്ങളില്‍ ചര്‍ച്ചയായിരിക്കുന്നത്.
വീഡിയോ എടുത്തിരിക്കുന്ന സ്ഥലം ഏതാണെന്ന് വീഡിയോയില്‍ പറയുന്നില്ല. എന്നാല്‍ ഒരു യുവതി കാറിന്റെ മുകളില്‍ നിന്നും ഇറങ്ങി മഴയത്ത് തിരക്കുള്ള റോഡില്‍ നിന്ന് ഡാന്‍സ് കളിക്കുന്നതാണ് വീഡിയോയില്‍ കാണുന്നത്. സമ്മിശ്ര പ്രതികരണമാണ് വീഡിയോയ്ക്ക് ലഭിച്ചുകൊണ്ടിരിക്കുന്നത്. 35 സെക്കന്‍ഡ് ഉള്ള ഈ വീഡിയോ ഇതിനോടകം തന്നെ ലക്ഷക്കണക്കിന് ആളുകള്‍ കണ്ടു കഴിഞ്ഞു.
रील बनाने का भूत अब भाभियों और आंटियों को ज्यादा चढ़ रहा है ,😜
देखिए VIDEO बीच सड़क पर किस तरीके से ठुमके लगाए जा रहे हैं ,और पीछे से वाहन तेज गति में आ रहे हैं ,गाड़ी की छत से कूद कर सड़क की व्हाइट लाइन भी आउट कर दी! मतलब सीधा रील बनानी है चाहे जान चली जाए? #viralreelsシ… pic.twitter.com/wRlonhxO6I
— निशान्त शर्मा (भारद्वाज) (@Nishantjournali) August 19, 2024
വീഡിയോ വൈറലായതിനെ തുടര്‍ന്ന് ഉത്തര്‍പ്രദേശ് പോലീസ് സംഭവത്തില്‍ പ്രതികരിച്ചിട്ടുണ്ട്. ഈ വാഹനത്തിന്റെ നമ്പര്‍ എത്രയും പെട്ടെന്ന് അയച്ചുകൊടുക്കുക, നടപടി എടുക്കുന്നതിന് വേണ്ടിയാണ് എന്നാണ് പോലീസ് അറിയിച്ചിരിക്കുന്നത്. നിരവധി കമന്റുകളും വീഡിയോയ്ക്ക് താഴെ വന്നുകൊണ്ടിരിക്കുകയാണ്. ‘അവര്‍ പണത്തിനുവേണ്ടി എന്തും ചെയ്യും’ എന്നാണ് ഒരാള്‍ കമന്റ് ചെയ്തത്. മറ്റൊരാള്‍ കമന്റ് ചെയ്തിരിക്കുന്നത് ‘പബ്ലിക് സ്ഥലത്തുനിന്ന് റീല്‍സ് എടുക്കുന്നത് നിരോധിക്കണം’ എന്നാണ്. യുവതിക്കെതിരെ നിയമനടപടി സ്വീകരിക്കണമെന്നും പലരും അഭിപ്രായപ്പെട്ടു.
STORY HIGHLIGHTS: Woman Dancing On Busy Road For Instagram Reels
