അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അടുത്ത സമയത്ത് എല്ലാവരെയും ഞെട്ടിച്ച വാർത്തയാണ് ഹേമ കമ്മറ്റി റിപ്പോർട്ട്. ഹേമ കമ്മീഷൻ റിപ്പോർട്ട് പുറത്തു വരുന്നതോടെ പല വിഗ്രഹങ്ങളും വീണുടയും എന്ന് ഇതിനു മുൻപ് തന്നെ പലരും പറഞ്ഞിരുന്നു. അത് ഏകദേശം സത്യമായതു പോലെയുള്ള സംഭവങ്ങളാണ് നടന്നു കൊണ്ടിരിക്കുന്നത്. ഇപ്പോൾ ഇതാ റിപ്പോർട്ടിന് പുറമേ മറ്റൊരു കാര്യം കൂടി സോഷ്യൽ മീഡിയയിൽ ചർച്ച നേടുകയാണ്. ഹേമ കമ്മിറ്റി റിപ്പോർട്ട് പുറത്തു വരുന്നതിനു മുൻപ് തന്നെ ഒരു നടി ഡബ്ലിയു സി സി യിൽ നിന്നും കാലുവാരി എന്ന തരത്തിലുള്ള വാർത്തകൾ വന്നിരുന്നു. ആ നടി ആരാണ് എന്ന് ഇപ്പോൾ സോഷ്യൽ മീഡിയ ചോദിക്കുകയാണ്. കൂടുതൽ ആളുകളും പറയുന്ന പേര് മഞ്ജു വാര്യരുടെ ആണ്. പിൻവാങ്ങിയ നടി മഞ്ജുവാണ് എന്നും ഹേമ കമ്മീഷൻ റിപ്പോർട്ടിനെ കുറിച്ച് ഒരു വാക്ക് പോലും മഞ്ജു പറയുന്നില്ല എന്നും ചിലർ പറയുന്നുണ്ട്.
അതേസമയം താരങ്ങൾക്കെതിരെ സംസാരിച്ചത് കൊണ്ട് ആദ്യ സമയങ്ങളിൽ മഞ്ജുവിന്റെ അവസരങ്ങൾ കുറഞ്ഞിരുന്നു എന്നും ഇപ്പോൾ കൈ നിറയെ സിനിമകളും അവസരങ്ങളും മഞ്ജുവിന് ലഭിക്കുന്നതിന് കാരണം താരം ഡബ്ല്യൂ സി സി യിൽ നിന്നും പുറത്തേക്കു വന്നതാണ് എന്നുമുള്ള തരത്തിലാണ് പലരും കമന്റ് ചെയ്യുന്നത്. മഞ്ജുവിന്റെ ചിത്രങ്ങൾക്കും മറ്റും താഴെ നിരവധി ആളുകളാണ് ഇത്തരത്തിലുള്ള കമന്റുകളുമായി എത്തിയിരിക്കുന്നത്. വളരെ മോശമായ തരത്തിലാണ് പലരും താരത്തെ വിമർശിക്കുന്നത്.
അതേസമയം മൗനമായിരിക്കുന്ന നടിമാരുടെ കൂട്ടത്തിൽ പാർവതി തിരുവോത്തുണ്ട് എന്നും ചിലർ പറയുന്നു. മഞ്ജുവാണോ പാർവതിയാണോ ഡബ്ലിയു സിസിയിൽ നിന്നും പുറത്തേക്ക് എത്തിയ നടി എന്നും ചിലർ ചോദിക്കുന്നുണ്ട്. പലരും പല തരത്തിലുള്ള ഊഹാപോഹങ്ങളുമായി രംഗത്ത് വരികയാണ്. ഈ സാഹചര്യത്തിലാണ് ഹേമ കമ്മീഷൻ റിപ്പോർട്ടിന്റെ നിജസ്ഥിതി പുറത്ത് വരേണ്ടത് എന്നും പലരും പറയുന്നുണ്ട്. എല്ലാ താരങ്ങളെയും സംശയത്തോടെ മാത്രമായിരിക്കും ആളുകൾ നോക്കി കാണുന്നത്
Story Highlights ;Manju warrier and Parvathi Thiruvothu
