മലയാളികളുടെ ഏറെ പ്രിയപ്പെട്ട താരപുത്രനാണ് പ്രണവ് മോഹലാൽ. വിരലിലെണ്ണാവുന്ന സിനിമകൾ കൊണ്ട് തന്നെ തന്റെതായ ഒരിടം താരം നേടിയെടുത്തിട്ടുണ്ട്. സിനിമകള്‍ മാത്രമല്ല പ്രണവിനെ പ്രേക്ഷകര്‍ക്ക് പ്രിയങ്കരനാക്കുന്നത്. യാത്രാപ്രിയനായ പ്രണവ് പങ്കുവയ്ക്കുന്ന ചിത്രങ്ങളും ആരാധകർ ഏറ്റെടുക്കാറുണ്ട്.
സിനിമയില്‍ എത്തുന്നതിന് മുന്‍പ് ആരാധകരെ നേടിയ താരമാണ് പ്രണവ് മോഹന്‍ലാല്‍. സൂപ്പര്‍ താരമായ അച്ഛന്റെ സാധാരണക്കാരനായ മകന്‍ എന്നാണ് പ്രണവ് അറിയപ്പെടുന്നത്. സിനിമയ്ക്കപ്പുറം താരപുത്രന്റെ സ്വകാര്യ ജീവിതമാണ് പ്രേക്ഷകരുടെ ഇടയില്‍ ചര്‍ച്ചയാവുന്നത്.അച്ഛന്റെ പേരിലൂടെ സിനിമയില്‍ എത്തിയതെങ്കിലും പ്രേക്ഷകരുടെ ഇടയില്‍ അറിയപ്പെട്ടത് താരപുത്രന്‍ എന്ന ലേബലില്‍ ആയിരുന്നില്ല. എന്നാല്‍ സിനിമയുടെ പരാജയ ഘട്ടത്തില്‍ താരമൂല്യം പ്രണവിന് വിമര്‍ശനം ഉയര്‍ത്തിയിരുന്നു. എന്നാല്‍ സിനിമയോ അതിലെ ജയപരാജയങ്ങളോ അദ്ദേഹത്തെ ബാധിച്ചിരുന്നില്ല.
അവസാനമായി പ്രണവിന്‍റെതായി പുറത്തിറങ്ങിയ ചിത്രം വിനീത് ശ്രീനിവാസന്‍ സംവിധാനം ചെയ്ത ചിത്രം ബോക്സോഫീസില്‍ മികച്ച പ്രകടനം തന്നെ നടത്തിയിരുന്നു. ചിത്രത്തിലെ മുരളി എന്ന സംഗീത സംവിധായകന്‍റെ വേഷത്തിലായിരുന്നു പ്രണവ് എത്തിയത്. ഹൃദയത്തിന് ശേഷം പ്രണവ് ചെയ്ത രണ്ടാമത്തെ വിനീത് ശ്രീനിവാസന്‍ ചിത്രമായിരുന്നു വര്‍ഷങ്ങള്‍ക്ക് ശേഷം.
അതേ സമയം ഈ ചിത്രത്തിന് ശേഷം പ്രണവ് മലയാളത്തില്‍ ചിത്രങ്ങളൊന്നും ഏറ്റെടുത്തിട്ടില്ലെന്നാണ് വിവരം. അതേ സമയം പ്രണവിനായി തെലുങ്കില്‍ ഒരു അവസരം ഒരുങ്ങുന്നു എന്നാണ് വിവരം. ചില ട്രേഡ് അനലിസ്റ്റുകളാണ് ഈ വിവരം പങ്കുവയ്ക്കുന്നത്.
പ്രണവ് നായകനായി എത്തുന്ന പ്രൊജക്ട് സജീവ ചര്‍ച്ചയിലാണ് എന്നാണ് വിവരം. മൈത്രി മൂവി മേക്കേഴ്‌സ് നിർമ്മിക്കുന്ന ഒരു തെലുങ്ക് ചിത്രം സംവിധാനം ചെയ്യാൻ കൊരട്ടാല ശിവയായിരിക്കും എന്നാണ് സൂചന. ഈ പ്രോജക്ടിനെക്കുറിച്ച് കൊരട്ടാല ശിവ മൈത്രി മൂവി മേക്കേഴ്‌സുമായി ചര്‍ച്ചയിലാണ് എന്നാണ് വിവരം.എന്നാല്‍ പ്രണവുമായി ചര്‍ച്ചകള്‍ നടക്കാനുണ്ട് എന്നാണ് വിവരം.
ജൂനിയര്‍ എന്‍ടിആറിനെ നായകനാക്കി ഒരുക്കുന്ന ബിഗ് ബജറ്റ് ചിത്രം ദേവര എഴുതി സംവിധാനം ചെയ്യുന്നത് കൊരട്ടാല ശിവയാണ്. ഈ വരുന്ന സെപ്തംബര്‍ 27നാണ് ചിത്രം റിലീസിന് തയ്യാറാകുന്നത്. ജൂനിയര്‍ എന്‍ടിആറിന്‍റെ നായികയായി ചിത്രത്തില്‍ എത്തുന്ന ജാന്‍വി കപൂറാണ്. കടലിന്‍റെ പാശ്ചത്തലത്തിലുള്ള റിവഞ്ച് സ്റ്റോറിയാണ് ദേവര. ഇതിന്‍റെ ആദ്യഭാഗമാണ് ഇപ്പോള്‍ പുറത്തിറങ്ങുന്നത്.
ആഗോള ശ്രദ്ധയും വന്‍ വിജയവും നേടിയ ആര്‍ആര്‍ആറിന് ശേഷം ജൂനിയര്‍ എന്‍ടിആര്‍ അഭിനയിക്കുന്ന ചിത്രമാണിത്. ചിത്രത്തില്‍ ജാന്‍വി കപൂര്‍, സെയ്ഫ് അലി ഖാന്‍ എന്നിവര്‍ക്ക് പുറമേ പ്രകാശ് രാജ്, ശ്രീകാന്ത്, ഷൈന്‍ ടോം ചാക്കോ, നരെയ്ന്‍, കലൈയരസന്‍, മുരളി ശര്‍മ്മ തുടങ്ങിയവരും അഭിനയിക്കുന്നു.
content highlight: pranav-mohanlal-next-project