അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടിയും മോഡലുമായ അമേയ മാത്യു വിവാഹിതയായി. കിരണ്‍ കട്ടിക്കാരനാണ് അമേയയുടെ വരന്‍. അമേയ തന്നെയാണ് വിവാഹക്കാര്യം സോഷ്യല്‍ മീഡിയയിലൂടെ അറിയിച്ചത്. ‘ബെസ്റ്റ് ഫ്രണ്ട്‌സില്‍ നിന്നും മിസ്റ്റര്‍ ആന്‍ഡ് മിസ്സിസിലേക്ക്.. സ്‌നേഹത്തിന്റെയും സന്തോഷത്തിന്റെയും ചിരിയുടെയും യാത്ര’ എന്നാണ് താരം ചിത്രങ്ങള്‍ക്ക് നല്‍കിയിരിക്കുന്ന അടിക്കുറിപ്പ്.
View this post on Instagram
വിവാഹ ആഘോഷത്തിന്റെ നിരവധി ചിത്രങ്ങളാണ് അമേയ സോഷ്യല്‍ മീഡിയയില്‍ പങ്കുവെച്ചത്. നിമിഷം നേരം കൊണ്ട് തന്നെ ആരാധകര്‍ ചിത്രങ്ങള്‍ ഏറ്റെടുക്കുകയായിരുന്നു. അമേയയുടെ ലുക്കിനും വരന്റെ ഡ്രസ്സിംഗ് സ്‌റ്റൈലിനുമെല്ലാം നിരവധി ആരാധകരാണ് കമന്റുമായി രംഗത്ത് എത്തിയിരിക്കുന്നത്. സോഫ്റ്റ്‌വെയര്‍ എഞ്ചിനീയറാണ് കിരണ്‍, ബന്ധുക്കളും സുഹൃത്തുക്കളും മാത്രമാണ് അമേയയുടെ വിവാഹത്തില്‍ പങ്കെടുത്തത്. ജയസൂര്യ നായകനായ ആടെന്ന് സിനിമയിലൂടെയാണ് അമേയ നടി എന്ന നിലയില്‍ അരങ്ങേറിയത്.
View this post on Instagram
നടി അമേയ മാത്യു അഭിരാമിയിലാണ് ഒടുവില്‍ വേഷമിട്ടത്. ഹരി കൃഷ്ണയായിരുന്നു നായകനായത്. സംവിധാനം മുഷ്താഖ് റഹ്‌മാനായിരുന്നു നിര്‍വഹിച്ചത്. മോഡലിംഗില്‍ തിളങ്ങിയാണ് അമേയ മാത്യു സിനിമയില്‍ എത്തുന്നത്. അമേയ മാത്യു ആടിന്റെ രണ്ടാം ഭാഗത്തിലും വേഷമിട്ടിരുന്നു. ഖജറാവോ ഡ്രീംസ്, രഥം വൂള്‍ഫ് സിനിമകളിലും നടി അമേയ മാത്യു വേഷമിട്ടിട്ടുണ്ട്.
STORY HIGHLIGHTS: -Ameya Mathew wedding photo
