അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമ ലോകത്ത് വളരെയധികം സ്വാധീനമുള്ള രണ്ടു നടന്മാരാണ് മോഹൻലാലും മമ്മൂട്ടിയും. ഇരുവരും ഒരുമിച്ചുള്ള ചിത്രങ്ങൾ വലിയ ഇഷ്ടത്തോടെ തന്നെ പ്രേക്ഷകർ ഏറ്റെടുക്കുകയും ചെയ്യാറുണ്ട്. ഈ ചിത്രങ്ങൾ വലിയ വിജയമായി മാറുകയും ചെയ്യാറുണ്ട്. മോഹൻലാലിന്റെ ചിത്രങ്ങൾ കൂടുതലായി എത്താറുള്ളത് ആന്റണി പെരുമ്പാവൂരിന്റെ നിർമ്മാണ കമ്പനിയായ ആശിർവാദ് സിനിമാസിലൂടെയാണ്. മോഹൻലാലിന് സ്വന്തമായി നിർമ്മാണ കമ്പനി ഉണ്ടായെങ്കിലും കൂടുതൽ ചിത്രങ്ങളും ആശിർവാദ് സിനിമാസിലൂടെയാണ് പുറത്തു വരുന്നത്. മമ്മൂട്ടി, മമ്മൂട്ടി കമ്പനി എന്ന് പറഞ്ഞുകൊണ്ട് പുതിയൊരു പ്രൊഡക്ഷൻ ഹൗസ് തുടങ്ങുന്നത്.
ഈ പ്രൊഡക്ഷൻ ഹൗസിന്റെ കീഴിൽ എത്തിയിട്ടുള്ള സിനിമകൾ എല്ലാം തന്നെ വലിയ വിജയം നേടുകയും ചെയ്തിട്ടുണ്ട്. ഇപ്പോൾ ഇതാ ആന്റണി പെരുമ്പാവൂർ തന്റെ ഫേസ്ബുക്കിൽ പങ്കുവെക്കുന്ന ചിത്രങ്ങളാണ് ശ്രദ്ധ നേടുന്നത്. മമ്മൂട്ടിക്കും മോഹൻലാലിനും ഒപ്പം ഉള്ള ചിത്രങ്ങൾ മമ്മൂട്ടി കമ്പനിയെ ടാഗ് ചെയ്തുകൊണ്ടാണ് ആന്റണി പെരുമ്പാവൂർ പങ്കുവയ്ക്കുന്നത്. ഒപ്പം ആശിർവാദ് സിനിമാസിനെയും ടാഗ് ചെയ്തിട്ടുണ്ട്. അതുകൊണ്ടു തന്നെ ആശിർവാദ് സിനിമാസും മമ്മൂട്ടി കമ്പനിയും കൈകോർക്കുകയാണോ എന്നും മമ്മൂട്ടിയും മോഹൻലാലും ഒരുമിച്ചുള്ള പുതിയൊരു ചിത്രം ഇറങ്ങാൻ തുടങ്ങുകയാണോ എന്നുമാണ് പ്രേക്ഷകർ ചോദിക്കുന്നത്.
കുറച്ചു ദിവസങ്ങൾക്കു മുൻപ് പങ്കുവെച്ച ഈ ഒരു പോസ്റ്റിന് താഴെ പലരും മമ്മൂട്ടിയും മോഹൻലാലും ഇനിയും ഒരുമിച്ച് അഭിനയിക്കാൻ തുടങ്ങുകയാണോ എന്ന് ചോദിക്കുന്നുണ്ട്. ഇതിനിടയിൽ അമ്മയുടെ പ്രശ്നങ്ങൾ നടന്നതു കൊണ്ടു തന്നെ അധികമാരും ഈ പോസ്റ്റ് കണ്ടിട്ടില്ല എന്നതും ശ്രദ്ധ നേടുന്നു. അതേസമയം കണ്ടവരൊക്കെ തന്നെ ഇതു പുതിയൊരു ക്ലൂ ആണോ എന്നും ഉടനെ തന്നെ മഹാനടന്മാരെ ഒരുമിച്ച് സ്ക്രീനിൽ കാണാൻ സാധിക്കുമോ എന്നും ചോദിക്കുന്നുണ്ട്.
Story Highlights ; Antony Perumbavoor New Post
