അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നാഷണല്‍ ക്യാപിറ്റല്‍ റീജിയന്‍ ട്രാന്‍സ്പോര്‍ട്ട് കോര്‍പ്പറേഷന്‍ ( എന്‍ സി ആര്‍ ടി സി ) ഡെപ്യൂട്ടേഷന്‍ അടിസ്ഥാനത്തില്‍ സെക്യൂരിറ്റി അസിസ്റ്റന്റ് തസ്തികയിലേക്ക് നിയമനം നടത്തുന്നു. തിരഞ്ഞെടുക്കപ്പെടുന്നവരെ അഞ്ച് വര്‍ഷത്തേക്കായിരിക്കും നിയമിക്കുക. നിലവില്‍ ഒരു ഒഴിവ് നികത്താനാണ് റിക്രൂട്ട്‌മെന്റ് ഡ്രൈവ് ലക്ഷ്യമിടുന്നത്. അഭിമുഖത്തിന്റെ അടിസ്ഥാനത്തിലാണ് ഉദ്യോഗാര്‍ത്ഥികളെ തിരഞ്ഞെടുക്കുന്നത്.
യോഗ്യതാ മാനദണ്ഡങ്ങള്‍ പാലിക്കുന്ന ഉദ്യോഗാര്‍ത്ഥികളെ അഭിമുഖത്തിന് വിളിക്കും. അഭിമുഖത്തിന്റെ സ്ഥലം, തീയതി, സമയം എന്നിവ മുന്‍കൂട്ടി അറിയിക്കും. ഉദ്യോഗാര്‍ത്ഥികളുടെ ഡോക്യുമെന്റ് വെരിഫിക്കേഷന്‍ ഇന്റര്‍വ്യൂവിന് മുമ്പ് നടത്തപ്പെടും. ഡോക്യുമെന്റ് വെരിഫിക്കേഷന്‍ സുഗമമാക്കുന്നതിന് ഉദ്യോഗാര്‍ത്ഥികള്‍ ഒറിജിനല്‍ സര്‍ട്ടിഫിക്കറ്റുകള്‍ കൈവശം വയ്‌ക്കേണ്ടതുണ്ട്.
ഇതില്‍ പരാജയപ്പെട്ടാല്‍ ഉദ്യോഗാര്‍ത്ഥിയെ അഭിമുഖത്തില്‍ പങ്കെടുക്കാന്‍ അനുവദിക്കില്ല. അപേക്ഷകരുടെ പരമാവധി പ്രായപരിധി 56 വയസാണ്. തിരഞ്ഞെടുക്കപ്പെടുന്നവര്‍ക്ക് 20250 രൂപ മുതല്‍ 65500 രൂപ വരെ പ്രതിമാസ ശമ്പളം ലഭിക്കും. മാനദണ്ഡങ്ങള്‍ പാലിക്കുന്ന സന്നദ്ധരും അനുയോജ്യരുമായ ഉദ്യോഗാര്‍ത്ഥികള്‍ക്ക് ഔദ്യോഗിക വെബ്സൈറ്റ് വഴി ഓണ്‍ലൈനായി അപേക്ഷിക്കാം.
പൂര്‍ണ്ണമായി പൂരിപ്പിച്ച ഓണ്‍ലൈന്‍ അപേക്ഷാ ഫോമിന്റെ പ്രിന്റൗട്ട് ആവശ്യമായ രേഖകള്‍ സഹിതം അവസാന തീയതിക്ക് മുമ്പ് താഴെ കൊടുത്തിരിക്കുന്ന വിലാസത്തില്‍ അയച്ചിരിക്കണം. സെപ്തംബര്‍ 22 ആണ് അപേക്ഷ സമര്‍പ്പിക്കേണ്ട അവസാന തിയതി. തല്‍പ്പരരും യോഗ്യതാ മാനദണ്ഡം പാലിക്കുന്നവരുമായ ഉദ്യോഗാര്‍ത്ഥികള്‍ക്ക് അവസാന തിയതിക്ക് മുന്‍പ് അപേക്ഷ സമര്‍പ്പിക്കണം.
പ്രസ്തുത തസ്തികയിലേക്ക് അപേക്ഷിക്കുന്നവര്‍ക്ക് ഏതെങ്കിലും വിഷയത്തില്‍ ബിരുദാനന്തര ബിരുദം ഉണ്ടായിരിക്കണം. സിവില്‍ പൊലീസ് / സി എ പി എഫ് / ആര്‍ പി എഫ് എന്നിവയില്‍ കുറഞ്ഞത് എട്ട് വര്‍ഷത്തെ യോഗ്യതാനന്തര പരിചയം ഉണ്ടായിരിക്കണം.
തിരഞ്ഞെടുക്കപ്പെടുന്ന ഉദ്യോഗാര്‍ത്ഥിയെ എന്‍സിആര്‍ടിസിയുടെ ഏതെങ്കിലും ഓഫീസ്/ പ്രൊജക്ട് യൂണിറ്റുകളിലോ എന്‍സിആര്‍ടിസിയുടെ ഏതെങ്കിലും അനുബന്ധ സ്ഥാപനങ്ങളിലോ/ സംയുക്ത സംരംഭങ്ങളിലോ പോസ്റ്റ് ചെയ്യും. കമ്പനി നിര്‍ദേശിക്കുന്ന ജോലികളും അസൈന്‍മെന്റുകളും ഏറ്റെടുക്കാന്‍ ഉദ്യോഗാര്‍ത്ഥികള്‍ ബാധ്യസ്ഥരായിരിക്കും. കമ്പനി ആവശ്യാനുസരണം ഷിഫ്റ്റ് അടിസ്ഥാനത്തില്‍ ജോലി ചെയ്യേണ്ടി വരും
അപേക്ഷ സമര്‍പ്പിക്കേണ്ട വിലാസം
കരിയര്‍ സെല്‍, എച്ച് ആര്‍ ഡിപ്പാര്‍ട്ട്മെന്റ്, ഗതിശക്തി ഭവന്‍, നാഷണല്‍ ക്യാപിറ്റല്‍ റീജിയന്‍ ട്രാന്‍സ്പോര്‍ട്ട് കോര്‍പ്പറേഷന്‍- ( എന്‍ സി ആര്‍ ടി സി ), ഐ എന്‍ എ, ന്യൂഡല്‍ഹി – 110023
content highlight: jobs-ncrtc-invites-application
