അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാള സിനിമ ഇപ്പോൾ വലിയ പ്രതിസന്ധിയുടെ ഘട്ടത്തിൽ നിലനിൽക്കുകയാണ്. ഈ സാഹചര്യത്തിൽ മലയാള സിനിമയിലെ പ്രധാന നടന്മാർ ഈ വിഷയത്തിൽ സംസാരിക്കേണ്ടത് അത്യാവശ്യമാണ്. അത്തരത്തിൽ കഴിഞ്ഞ ദിവസം നടൻ മോഹൻലാൽ പത്രസമ്മേളനം നടത്തിയിരുന്നതും അതിൽ ചില കാര്യങ്ങൾ പറഞ്ഞതും ഒക്കെ വളരെയധികം ശ്രദ്ധ നേടുകയും ചെയ്തിരുന്നു. എന്നാൽ അതോടൊപ്പം തന്നെ വളരെയധികം ശ്രദ്ധ നേടിയ മറ്റൊരു വിഷയം എന്നത് മമ്മൂട്ടി പറഞ്ഞ കാര്യങ്ങളായിരുന്നു. മോഹൻലാലിനെ പോലെ തന്നെ മമ്മൂട്ടിയുടെ മറുപടിയും വളരെ ശ്രദ്ധേയമായ ഒരു കാര്യമാണ്. ഈ ഒരു വിഷയത്തിൽ വലിയൊരു മൗനത്തിന് ശേഷമാണ് മോഹൻലാലും മമ്മൂട്ടിയും സംസാരിക്കാൻ എത്തിയത് എന്നത് വളരെയധികം ശ്രദ്ധ നേടുന്ന ഒരു കാര്യമാണ്. ഇത്രയും കാലം നീണ്ടുനിൽക്കേണ്ട ഒരു മൗനം ഇരുവരും ഈ കാര്യത്തിൽ എടുക്കേണ്ടിയിരുന്നില്ല എന്നതാണ് സത്യം. അതുകൊണ്ടു തന്നെ പലരും ഇക്കാര്യത്തെക്കുറിച്ച് ചോദിക്കുകയും ചെയ്യുന്നുണ്ട്. ഇപ്പോൾ തന്റെ അഭിപ്രായങ്ങൾ മമ്മൂട്ടി തന്റെ സോഷ്യൽ മീഡിയ പേജിൽ പങ്കുവെച്ചിരിക്കുന്നതാണ് ശ്രദ്ധ നേടിക്കൊണ്ടിരിക്കുന്നത്. ഫേസ്ബുക്കിലാണ് തന്റെ അഭിപ്രായം പറഞ്ഞുകൊണ്ട് മമ്മൂട്ടി എത്തിയിരിക്കുന്നത്. ഇതിന് വലിയ തോതിലുള്ള വിമർശനങ്ങളും ലഭിക്കുന്നുണ്ട്. മമ്മൂക്ക കുറച്ചുകൂടി താമസിച്ച് പ്രതികരിച്ചാൽ മതിയായിരുന്നു എന്ന് തുടങ്ങി പലരും വളരെ രീതിയിലുള്ള പ്രതികരണങ്ങളാണ് നടത്തുന്നത്. ഇപ്പോഴിതാ താരം പറയുന്ന പ്രസ്താവന ശ്രെദ്ധ നേടുന്നു.
മലയാള സിനിമാരംഗം ഇപ്പോൾ അഭിമുഖീകരിക്കുന്ന സംഭവവികാസങ്ങളാണ് ഈ കുറിപ്പിന് ആധാരം. അതേക്കുറിച്ച് അഭിനേതാക്കളുടെ സംഘടനയും നേതൃത്വവും ആദ്യം പ്രതികരിക്കുകയെന്നതാണ് സംഘടനാരീതി. അങ്ങനെയുള്ള ഔദ്യോഗികപ്രതികരണങ്ങൾക്ക് ശേഷമാണ് അംഗമെന്ന നിലയിൽ അഭിപ്രായം പറയേണ്ടത് എന്ന് വിശ്വസിക്കുന്നതുകൊണ്ടാണ് ഇത്രയും കാത്തത്. സമൂഹത്തിന്റെ പരിച്ഛേദം തന്നെയാണ് സിനിമ. സമൂഹത്തിലെ എല്ലാ നന്മതിന്മകളും സിനിമയിലുമുണ്ട്. സിനിമാമേഖല സമൂഹം സൂക്ഷ്മമായി ശ്രദ്ധിക്കുന്ന ഒന്നാണ്. അതുകൊണ്ടുതന്നെ അവിടെ സംഭവിക്കുന്ന ചെറുതും വലുതുമായ എല്ലാകാര്യങ്ങളും വലിയ ചർച്ചയ്ക്കിടയാക്കും. ഈ രംഗത്ത് അനഭിലഷണീയമായതൊന്നും സംഭവിക്കാതിരിക്കാൻ സിനിമാപ്രവർത്തകർ ശ്രദ്ധിക്കേണ്ടതും ജാഗരൂകരാകേണ്ടതുമാണ്. ഒരിക്കലും സംഭവിക്കാൻപാടില്ലാത്ത ചിലത് സംഭവിച്ചതിനെത്തുടർന്ന് സിനിമാമേഖലയെക്കുറിച്ച് പഠിച്ച് റിപ്പോർട്ട് തയ്യാറാക്കി പരിഹാരങ്ങൾ നിർദേശിക്കാനും നടപടികൾ ശുപാർശ ചെയ്യാനും സർക്കാർ രൂപീകരിച്ചതാണ് ജസ്റ്റിസ് ഹേമ കമ്മറ്റി. ആ റിപ്പോർട്ടിൽ പറഞ്ഞിരിക്കുന്ന നിർദേശങ്ങളെയും പരിഹാരങ്ങളെയും സർവ്വാത്മനാ സ്വാഗതം ചെയ്യുകയും പിന്തുണയ്ക്കുകയും ചെയ്യുന്നു. അവ നടപ്പാക്കാൻ സിനിമാ മേഖലയിലെ എല്ലാ കൂട്ടായ്മകളും വേർതിരിവുകളില്ലാതെ കൈകോർത്തുനില്കേണ്ട സമയമാണിത്. ഇപ്പോൾ ഉയർന്നുവന്ന പരാതികളിന്മേൽ പോലീസ് അന്വേഷണം ശക്തമായി മുന്നോട്ടുപോകുന്നു. ജസ്റ്റിസ് ഹേമ കമ്മറ്റി റിപ്പോർട്ടിന്റെ പൂർണരൂപം കോടതിയുടെ മുന്നിലുമാണ്. പോലീസ് സത്യസന്ധമായി അന്വേഷിക്കട്ടെ. ശിക്ഷാവിധികൾ കോടതി തീരുമാനിക്കട്ടെ. സിനിമയിൽ ഒരു ‘ശക്തികേന്ദ്ര’വുമില്ല. അങ്ങനെയൊന്നിന് നിലനില്ക്കാൻ പറ്റുന്ന രംഗവുമല്ല സിനിമ. ജസ്റ്റിസ് ഹേമ കമ്മറ്റി റിപ്പോർട്ടിലെ പ്രായോഗികമായ ശുപാർശകൾ നടപ്പാക്കണമെന്നും അതിന് നിയമതടസ്സങ്ങളുണ്ടെങ്കിൽ ആവശ്യമായ നിയമനിർമാണം നടത്തണമെന്നും അഭ്യർഥിക്കുന്നു. ആത്യന്തികമായി സിനിമ നിലനിൽക്കണം
ഇങ്ങനെയാണ് മമ്മൂട്ടി സംസാരിക്കുന്നത്
Story Highlights ; mammootty Facebook post
