അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാള സിനിമയിൽ കാസ്റ്റിംഗ് കൗച്ചുണ്ട് എന്ന് തന്നെയാണ് ഒട്ടുമിക്ക നടിമാരും വ്യക്തമാക്കുന്നത്. അതിനുള്ള ചില തെളിവുകളും ചിലയാളുകൾ പറയുന്നുണ്ട്. പലതരത്തിലുള്ള പ്രശ്നങ്ങളാണ് പലരും അനുഭവിച്ചിരിക്കുന്നത്. അത്തരത്തിൽ ഇപ്പോൾ ശ്രദ്ധ നേടുന്നത് നടിയായ ബീന ആന്റണി പറയുന്ന ചില കാര്യങ്ങളാണ്. അടുത്ത സമയത്ത് നടൻ സിദ്ദിഖിനെ ആശ്വസിപ്പിച്ചതിന്റെ പേരിൽ ബീന ആന്റണിയുടെ ഒരു വീഡിയോ വലിയതോതിൽ തന്നെ വൈറലായി മാറിയിരുന്നു. ഇതിന്റെ അടിസ്ഥാനത്തിലാണ് റിപ്പോർട്ടർ ചാനലിന് തന്റെ നിരപരാധിതങ്ങൾ വ്യക്തമാക്കി കൊണ്ട് ബീന ആന്റണി ഒരു അഭിമുഖം നൽകിയത്..
“സിനിമയിൽ മോശം അനുഭവങ്ങൾ എന്ന് പറയാൻ ഉണ്ടായിട്ടുള്ളത് വളരെ കുറച്ച് കാര്യങ്ങൾ മാത്രമാണ്. ഒരിക്കൽ ഒരു സിനിമയിൽ അഭിനയിക്കാൻ ചെന്നപ്പോൾ ഒരു ടവ്വൽ ഉടുത്ത് അഭിനയിക്കണം എന്ന് എന്നോട് പറഞ്ഞിരുന്നു. താല്പര്യമില്ല എന്ന് ഞാൻ അപ്പോൾ തന്നെ സംവിധായകനോട് പറഞ്ഞു. അങ്ങനെ ഒരു രംഗം ഞാൻ അഭിനയിക്കില്ല എന്ന്, എന്നാൽ കുഴപ്പമില്ല എന്നൊക്കെ അദ്ദേഹം പറഞ്ഞിരുന്നു. എങ്കിലും പിറ്റേദിവസം താൻ സെറ്റിൽ ചെന്നപ്പോൾ അത്ര നല്ല അനുഭവമായിരുന്നില്ല ഉണ്ടായിരുന്നത്. കാണാൻ കൊള്ളില്ല എന്ന് പറഞ്ഞ് ആ സിനിമയിൽ നിന്നും തന്നെ പറഞ്ഞു വിട്ടു. ഒരുപക്ഷേ ടവ്വൽ ഉടുത്തു അഭിനയിക്കാം എന്ന് താൻ സമ്മതിച്ചിരുന്നുവെങ്കിൽ ആ കഥാപാത്രം തനിക്ക് കിട്ടി പോയേനെ, മറ്റൊരു സിനിമയുടെ സെറ്റിൽ ചെന്നപ്പോൾ അവിടെ റൂം ഒക്കെ തന്നിട്ടുണ്ട്, രണ്ട് ദിവസമായിട്ടും എന്റെ രംഗമാവുന്നില്ല.
എന്താണ് എന്റെ സീൻ ആവാത്തത് എന്ന് പ്രൊഡക്ഷൻ കൺട്രോളറിനോട് ചോദിച്ചപ്പോഴാണ് അദ്ദേഹം എന്നാൽ നിങ്ങൾ പൊയ്ക്കോളൂ എന്ന് പറഞ്ഞത്. അതിനുശേഷം അദ്ദേഹം 2000 രൂപയും എന്റെ കയ്യിൽ എടുത്തു തന്നു എന്നിട്ട് എന്നോട് പറഞ്ഞത് നല്ലൊരു നടിയായി മാറും, താൻ കരയുന്നതൊക്കെ അദ്ദേഹം കണ്ടിരുന്നു അതുകൊണ്ടായിരിക്കാം അദ്ദേഹം അങ്ങനെ സംസാരിച്ചിരുന്നത് “എന്നും താരം പറയുന്നുണ്ട്
Story Highlights ;Beena Antony bad experience
