അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്റ്റാർ മാജിക് ഷോയിലൂടെ പ്രേക്ഷക ഹൃദയങ്ങളിൽ സ്ഥാനം നേടിയെടുത്ത നടി ശ്രീവിദ്യ മുല്ലച്ചേരിയുടെയും സംവിധായകൻ രാഹുല്‍ രാമചന്ദ്രന്റെയും സേവ് ദ് ഡേറ്റ്, പ്രി വെഡ്ഡിങ് ഫോട്ടോഷൂട്ട് വിഡിയോയാണ് ഇപ്പോൾ സമൂഹ മാധ്യമങ്ങളിൽ വൈറൽ. ബിഗ് സ്‌ക്രീനിലും മിനി സ്‌ക്രീനിലും ഒരുപോലെ തിളങ്ങി നിന്ന ശ്രീവിദ്യ സ്റ്റാര്‍ മാജിക്കിലൂടെയാണ് പ്രേക്ഷകര്‍ക്ക് സുപരിചിതയായത്. സംവിധായകനായ രാഹുല്‍ രാമചന്ദ്രന്‍ ആണ് ശ്രീവിദ്യയുടെ പ്രണയനായകൻ.
സെപ്റ്റംബര്‍ 8 ന് എറണാകുളത്ത് വച്ചാണ് വിവാഹം. ദീര്‍ഘ കാലത്തെ പ്രണയത്തിനു ശേഷമാണ് ഇരുവരും വിവാഹിതരാകാന്‍ തയ്യാറെടുക്കുന്നത്.
ഓ മൈ വെഡ് ക്യാപ്ച്ചർ ക്രൂ ആണ് ഈ മനോഹരമായ ചിത്രങ്ങൾക്ക് പിന്നിൽ. അധികം ആരും ചെയ്തു കാണാത്ത തരത്തിലുള്ള ഒരു തീം ആണ് ഫോട്ടോഷൂട്ടിനായി ഇരുവരും തിരഞ്ഞെടുത്തത്.
കാസര്‍ഗോഡ് സ്വദേശിയായ ശ്രീവിദ്യ ഇതിനോടകം തന്നെ നിരവധി ചിത്രങ്ങളില്‍ അഭിനയിച്ചിട്ടുണ്ട്. തന്റെ യൂട്യൂബ് ചാനലിലൂടെയാണ് വിവാഹത്തെ കുറിച്ചും ഭാവി വരനെ കുറിച്ചുമെല്ലാം ശ്രീവിദ്യ തുറന്നുപറഞ്ഞിരിക്കുന്നത്. ഇൻസ്റ്റാഗ്രാമിലൂടെ പങ്കുവെച്ച ചിത്രങ്ങൾ ഇതിനോടകം നിരവധിപേർ ഏറ്റെടുത്തു.
STORY HIGHLIGHT: actress sreevidhya save the date photoshoot
