അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചിന്‍ ഷിപ്പ്യാര്‍ഡ് ലിമിറ്റഡ് വിവിധ വിഷയങ്ങളില്‍ പ്രോജക്ട് അസിസ്റ്റന്റ് തസ്തികയിലേക്ക് താല്‍പ്പര്യവും യോഗ്യതയുമുള്ള ഉദ്യോഗാര്‍ത്ഥികളെ തിരയുന്നു. 90 ഒഴിവുകള്‍ നികത്താനാണ് റിക്രൂട്ട്‌മെന്റ് ഡ്രൈവ് ലക്ഷ്യമിടുന്നത്. ഓരോ തസ്തികയിലേക്കും വിദ്യാഭ്യാസ യോഗ്യത ഓരോ വിഷയത്തിനും വ്യത്യസ്തമാണ്. ഉദ്യോഗാര്‍ത്ഥികള്‍ക്ക് അവരുടെ മേഖലയില്‍ പ്രസക്തമായ വര്‍ഷങ്ങളുടെ അനുഭവപരിചയം ഉണ്ടായിരിക്കണം.
മൂന്ന് വര്‍ഷത്തേക്കായിരിക്കും നിയമനം. സെപ്തംബര്‍ 21 ആണ് അപേക്ഷ സമര്‍പ്പിക്കേണ്ട അവസാന തിയതി. അപേക്ഷാ ഫീസായി 600 രൂപ അടയ്ക്കേണ്ടതാണ്. ഓണ്‍ലൈന്‍ പേയ്മെന്റ് ഓപ്ഷനുകള്‍ (ഡെബിറ്റ് കാര്‍ഡ് / ക്രെഡിറ്റ് കാര്‍ഡ് / ഇന്റര്‍നെറ്റ് ബാങ്കിംഗ് / വാലറ്റുകള്‍ / യുപിഐ മുതലായവ) ഉപയോഗിച്ച് പണമടയ്ക്കാം. എസ്സി, എസ്ടി, പിഡബ്ല്യുബിഡി വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്ക് അപേക്ഷാ ഫീസ് ഇല്ല.
അപേക്ഷകരുടെ പ്രായപരിധി 30 വയസില്‍ കൂടരുത്. മെക്കാനിക്കല്‍ 29, ഇലക്ട്രിക്കല്‍ 15, ഇലക്ട്രോണിക്സ് 3, ഇന്‍സ്ട്രുമെന്റേഷന്‍ 4, സിവില്‍ 13, വിവര സാങ്കേതിക വിദ്യ 1, ഓഫീസ് 23, ധനകാര്യം 2 എന്നീ തസ്തികകളിലാണ് ഒഴിവുകള്‍ ഉള്ളത്. തിരഞ്ഞെടുക്കപ്പെട്ട ഉദ്യോഗാര്‍ത്ഥികള്‍ക്ക് ആദ്യ വര്‍ഷത്തില്‍ പ്രതിമാസ ശമ്പളമായി 24400 രൂപ നല്‍കും. രണ്ടാം വര്‍ഷം 25100 രൂപയും മൂന്നാം വര്‍ഷം 25900 രൂപയും ലഭിക്കും.
ആദ്യ വര്‍ഷത്തില്‍ ഒരു മാസം 25 മണിക്കൂര്‍ ഓവര്‍ ടൈം ഡ്യൂട്ടി എടുത്താല്‍ 6100 രൂപ അധികം ലഭിക്കും. രണ്ടാം വര്‍ഷം ഇത് 6280 രൂപയും മൂന്നാം വര്‍ഷം 6480 രൂപയും ആയിരിക്കും. മാനേജ്‌മെന്റ് നടത്തുന്ന ഒബ്ജക്റ്റീവ് ടൈപ്പ് ഓണ്‍ലൈന്‍ ടെസ്റ്റ്, ഡിസ്‌ക്രിപ്റ്റീവ് ടൈപ്പ് ഓണ്‍ലൈന്‍ ടെസ്റ്റ് എന്നിവയുടെ അടിസ്ഥാനത്തിലായിരിക്കും അര്‍ഹരായ ഉദ്യോഗാര്‍ത്ഥികളെ തിരഞ്ഞെടുക്കുക.
യോഗ്യതാ മാനദണ്ഡങ്ങള്‍ പാലിക്കുന്ന ഉദ്യോഗാര്‍ത്ഥികള്‍ക്ക് കൊച്ചിന്‍ ഷിപ്പ്യാര്‍ഡ് ലിമിറ്റഡിന്റെ ഔദ്യോഗിക വെബ്‌സൈറ്റ് സന്ദര്‍ശിച്ച് ഓണ്‍ലൈനായി അപേക്ഷിക്കാം. ഉദ്യോഗാര്‍ത്ഥികള്‍ പൂരിപ്പിച്ച അപേക്ഷകള്‍ക്കൊപ്പം പ്രസക്തമായ എല്ലാ രേഖകളും അറ്റാച്ചുചെയ്യേണ്ടതുണ്ട്.
വിദ്യാഭ്യാസ യോഗ്യത
മെക്കാനിക്കല്‍
അപേക്ഷകര്‍ക്ക് സ്റ്റേറ്റ് ബോര്‍ഡ് ഓഫ് ടെക്നിക്കല് എജ്യുക്കേഷനില്‍ നിന്ന് കുറഞ്ഞത് 60% മാര്‍ക്കോടെ മെക്കാനിക്കല്‍ എഞ്ചിനീയറിംഗില്‍ 3 വര്‍ഷത്തെ ഡിപ്ലോമ ഉണ്ടായിരിക്കണം. അപേക്ഷകര്‍ക്ക് എസ്എപി, എംഎസ് പ്രോജക്ട്, എംഎസ് ഓഫീസ് തുടങ്ങിയ കമ്പ്യൂട്ടര്‍ ആപ്ലിക്കേഷനുകളില്‍ പ്രാവീണ്യം ഉണ്ടായിരിക്കണം. ഷിപ്പ്യാര്‍ഡ്, എഞ്ചിനീയറിംഗ് കമ്പനി, സര്‍ക്കാര്‍/അര്‍ദ്ധ സര്‍ക്കാര്‍ കമ്പനി/ സ്ഥാപനം എന്നിവിടങ്ങളില്‍ കുറഞ്ഞത് 2 വര്‍ഷത്തെ യോഗ്യതാനന്തര പരിചയം ഉണ്ടായിരിക്കണം
ഇലക്ട്രിക്കല്‍
അപേക്ഷകര്‍ക്ക് സ്റ്റേറ്റ് ബോര്‍ഡ് ഓഫ് ടെക്നിക്കല് എജ്യുക്കേഷനില്‍ നിന്ന് കുറഞ്ഞത് 60% മാര്‍ക്കോടെ ഇലക്ട്രിക്കല്‍ എഞ്ചിനീയറിംഗില്‍ 3 വര്‍ഷത്തെ ഡിപ്ലോമ ഉണ്ടായിരിക്കണം. എസ്എപി, എംഎസ് പ്രോജക്ട്, എംഎസ് ഓഫീസ് തുടങ്ങിയ കമ്പ്യൂട്ടര്‍ ആപ്ലിക്കേഷനുകളില്‍ പ്രാവീണ്യം ഉണ്ടായിരിക്കണം. ഷിപ്പ്യാര്‍ഡ്, എഞ്ചിനീയറിംഗ് കമ്പനി, സര്‍ക്കാര്‍/അര്‍ദ്ധ സര്‍ക്കാര്‍ കമ്പനി/ സ്ഥാപനം എന്നിവിടങ്ങളില്‍ കുറഞ്ഞത് 2 വര്‍ഷത്തെ യോഗ്യതാനന്തര പരിചയം ഉണ്ടായിരിക്കണം
ഇലക്ട്രോണിക്സ്
അപേക്ഷകര്‍ക്ക് സ്റ്റേറ്റ് ബോര്‍ഡ് ഓഫ് ടെക്നിക്കല് എജ്യുക്കേഷനില്‍ നിന്ന് കുറഞ്ഞത് 60% മാര്‍ക്കോടെ ഇലക്ട്രോണിക്സ് എഞ്ചിനീയറിംഗില്‍ 3 വര്‍ഷത്തെ ഡിപ്ലോമ ഉണ്ടായിരിക്കണം. എസ്എപി, എംഎസ് പ്രോജക്ട്, എംഎസ് ഓഫീസ് തുടങ്ങിയ കമ്പ്യൂട്ടര്‍ ആപ്ലിക്കേഷനുകളില്‍ പ്രാവീണ്യം ഉണ്ടായിരിക്കണം. ഷിപ്പ്യാര്‍ഡ്, എഞ്ചിനീയറിംഗ് കമ്പനി, വാണിജ്യ സ്ഥാപനം, നെറ്റ്വര്‍ക്ക് സര്‍വീസ് പ്രൊവൈഡര്‍ കമ്പനി, സര്‍ക്കാര്‍/അര്‍ദ്ധ സര്‍ക്കാര്‍ കമ്പനി/ സ്ഥാപനം എന്നിവിടങ്ങളില്‍ കുറഞ്ഞത് 2 വര്‍ഷത്തെ യോഗ്യതാനന്തര പരിചയം ഉണ്ടായിരിക്കണം
ഇന്‍സ്ട്രുമെന്റേഷന്‍
അപേക്ഷകര്‍ക്ക് സ്റ്റേറ്റ് ബോര്‍ഡ് ഓഫ് ടെക്നിക്കല് എജ്യുക്കേഷനില്‍ നിന്ന് കുറഞ്ഞത് 60% മാര്‍ക്കോടെ ഇന്‍സ്ട്രുമെന്റേഷന്‍ എഞ്ചിനീയറിംഗില്‍ 3 വര്‍ഷത്തെ ഡിപ്ലോമ ഉണ്ടായിരിക്കണം. എസ്എപി, എംഎസ് പ്രോജക്ട്, എംഎസ് ഓഫീസ് തുടങ്ങിയ കമ്പ്യൂട്ടര്‍ ആപ്ലിക്കേഷനുകളില്‍ പ്രാവീണ്യം ഉണ്ടായിരിക്കണം. ഷിപ്പ്യാര്‍ഡ്, എഞ്ചിനീയറിംഗ് കമ്പനി, സര്‍ക്കാര്‍/അര്‍ദ്ധ സര്‍ക്കാര്‍ കമ്പനി/ സ്ഥാപനം എന്നിവിടങ്ങളില്‍ കുറഞ്ഞത് 2 വര്‍ഷത്തെ യോഗ്യതാനന്തര പരിചയം ഉണ്ടായിരിക്കണം
ശേഷിക്കുന്ന തസ്തികകളിലേക്കുള്ള വിദ്യാഭ്യാസ യോഗ്യത സംബന്ധിച്ച് കൂടുതല്‍ അറിയാന്‍ ഉദ്യോഗാര്‍ത്ഥികള്‍ക്ക് ഔദ്യോഗിക വിജ്ഞാപനം പരിശോധിക്കാം.
content highlight: jobs-cochin-shipyard
