അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിജയ് ചിത്രങ്ങള്‍ക്ക് വന്‍ വരവേല്‍പ്പാണ് തമിഴ്‌നാട്ടില്‍ ലഭിക്കുന്നത്. വിജയ്‌യുടെ സിനിമ റിലീസ് ചെയ്യുന്ന ദിവസങ്ങള്‍ എല്ലാം തന്നെ വലിയ ആഘോഷമാക്കാറുണ്ട് നടന്റെ ആരാധകര്‍. ഏറ്റവും ഒടുവില്‍ വിജയുടെ പുറത്തിറങ്ങിയ ചിത്രം ഗോട്ടിനും വലിയ പ്രശംസയാണ് ലഭിച്ചുകൊണ്ടിരിക്കുന്നത്. ആരാധകര്‍ വിജയ് ചിത്രത്തെ ഒരു ആഘോഷമാക്കി മാറ്റിക്കഴിഞ്ഞു. ഗോട്ടിന്റെ ആഘോഷ പരിപാടികള്‍ക്കിടയില്‍ വേറിട്ട് നില്‍ക്കുന്ന ഒരു വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറല്‍ ആയിരിക്കുന്നത്.
View this post on Instagram
നടന്‍ കൂള്‍ സുരേഷ് സിനിമ കാണുവാന്‍ റിയല്‍ ആടുമായി എത്തിയ വീഡിയോ ആണ് വൈറല്‍. ഒരു ആടിനെയും കൊണ്ട് കൂള്‍ സുരേഷ് തിയേറ്ററിലേക്ക് എത്തുന്നതും ആരാധകര്‍ക്കൊപ്പം വിജയ് ആരാധകര്‍ക്കൊപ്പം ചിത്രത്തിന്റെ റിലീസ് ആഘോഷിക്കുന്നതും ആണ് വീഡിയോയില്‍ കാണുന്നത്.
ഗോട്ട് എന്ന സിനിമയുടെ പ്രമോഷന് വേണ്ടിയിട്ടാണ് താന്‍ ആടുമായി സിനിമ കാണാന്‍ എത്തിയതെന്നാണ് കൂള്‍ സുരേഷ് പറയുന്നത്. ഗോട്ടിന്റെ റിലീസിനു ശേഷം സമ്മിശ്ര പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. പ്രത്യേകിച്ച് സോഷ്യല്‍ മീഡിയയില്‍. ചിത്രത്തിന് വലിയ ഹൈപ്പ് ഉണ്ടായിരുന്നു. എന്നാല്‍ ആ നിലയില്‍ പ്രേക്ഷകരെ തൃപ്തിപ്പെടുത്താന്‍ ആയില്ലെന്നാണ് പലരും സമൂഹ മാധ്യമങ്ങളില്‍ കമന്റ് രേഖപ്പെടുത്തിയിരിക്കുന്നത്.
STORY HIGHLIGHTS: Actor Cool Suresh brings a goat to watch Goat movie
