അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളത്തിന്റെ മെഗാസ്റ്റാര്‍ മമ്മൂട്ടിയുടെ 73-ാം ജന്മദിനം ആണിന്ന്. എല്ലാത്തവണത്തെയും പോലെ ഇത്തവണയും അദ്ദേഹത്തിന്റെ ആരാധകര്‍ താരത്തിന്റെ എറണാകുളത്തെ വീടിന്റെ മുന്നില്‍ ആശംസകള്‍ അറിയിക്കുവാന്‍ എത്തിയിരുന്നു. എല്ലാ തവണയും ആരാധകര്‍ എത്താറുണ്ടിവിടെ. തന്റെ ആരാധകരെ കാണാനായി മമ്മൂട്ടിയും വീടിന് പുറത്തേക്ക് ഇറങ്ങിനില്‍ക്കുമായിരുന്നു.
ഇതിന്റെ വീഡിയോസ് എല്ലാം സോഷ്യല്‍ മീഡിയയില്‍ വലിയ തരംഗവും ആയിരുന്നു. ഇത്തവണയും മമ്മൂട്ടി ആരാധകരെ നിരാശപ്പെടുത്തിയില്ല. വീഡിയോകോളില്‍ എത്തിയാണ് അദ്ദേഹം ആരാധകരെ കണ്ടത്. കുടുംബസമേതം ആണ് മമ്മൂട്ടി വീഡിയോകോളില്‍ എത്തിയത്. ഭാര്യയും ദുല്‍ഖറും ദുല്‍ഖറിന്റെ മകളും ഒപ്പമുണ്ടായിരുന്നു മമ്മൂട്ടിയുടെ കൂടെ. അദ്ദേഹം വീഡിയോകോളില്‍ പ്രത്യക്ഷപ്പെട്ടതോടെ വലിയ ആഹ്ളാദമാണ് ആരാധകരില്‍ ഉളവാക്കിയിരിക്കുന്നത്.
മമ്മൂട്ടിയുടെ വീഡിയോ കോള്‍ ദൃശ്യങ്ങള്‍ എല്ലാം ഇപ്പോള്‍ സോഷ്യല്‍ മീഡിയയില്‍ വലിയ വൈറല്‍ ആയിരിക്കുകയുമാണ്. കേക്ക് മുറിച്ചും പൂത്തിരി കത്തിച്ചും മമ്മൂട്ടിക്ക് ജയ് വിളിച്ചും ആഹ്ളാദം പങ്കുവെക്കുകയായിരുന്നു ഫാന്‍സ്. നവാഗതനായ ഡീനൊ ഡെന്നിസിന്റെ ബസൂക്കയും ഗൌതം വസുദേവ് മേനോന്‍ ആദ്യമായി മലയാളത്തില്‍ സംവിധാനം ചെയ്യുന്ന ചിത്രവുമാണ് മമ്മൂട്ടിയുടെ തൊട്ടടുത്ത റിലീസുകള്‍.
STORY HIGHLIGHTS: Mammootty’s birthday celebration infront of his house
