അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അനുദിനം വളരുന്ന ആത്മബന്ധവുമായി മലയാളികളുടെ പ്രിയ ഏഷ്യാനെറ്റ് ചാനലുകള്‍ വിസ്മയിപ്പിക്കുന്നതും പുതുമയാര്‍ന്നതുമായ ഓണപരിപാടികളുമായി പ്രേക്ഷകര്‍ക്ക് മുന്നില്‍ എത്തുന്നു. സൂപ്പര്‍ഹിറ്റ് ചലച്ചിത്രങ്ങളുടെ വേള്‍ഡ് പ്രീമിയര്‍ റിലീസുകള്‍, ടെലിവിഷന്‍ താരങ്ങളുടെ ഓണാഘോഷങ്ങള്‍ , ടെലിഫിലിമുകള്‍ , സംഗീതവിരുന്നുകള്‍ , കോമഡി സ്‌കിറ്റുകള്‍ , ഓണം കുക്കറി ഷോകള്‍ , ഓണം സ്‌പെഷ്യല്‍ സ്റ്റാര്‍ സിങ്ങര്‍, സൂപ്പര്‍ഹിറ്റ് ചലച്ചിത്രങ്ങള്‍ , ഐ എസ് എല്‍ 2024 – 25 ലൈവ് , കേരള വടംവലി ലീഗ് തുടങ്ങി നിരവധി പരിപാടികളുമായി ഏഷ്യാനെറ്റും ഏഷ്യാനെറ്റ് പ്ലസും ഏഷ്യാനെറ്റ് മൂവീസും പ്രേക്ഷകര്‍ക്കൊപ്പം ഓണം ആഘോഷിക്കാനെത്തുന്നു.
ഏഷ്യാനെറ്റ്
സെപ്റ്റംബര്‍ 14 , ഉത്രാടദിനത്തില്‍ രാവിലെ 8 മണിക്ക് രുചിയൂറുന്ന ഓണവിഭവങ്ങള്‍ പരിചയപ്പെടുത്തുന്ന ‘ ഓണരുചിമേളവും ഓണകാലവറയും ‘ സംപ്രേക്ഷണം ചെയ്യുന്നു. തുടര്‍ന്ന് 8.30 ന് നൂറിലധികം ഹാസ്യകലാകാരന്മാരും പ്രശസ്തചലച്ചിത്രതാരങ്ങളും പങ്കെടുത്ത ‘ ഓണം കോമഡി സ്റ്റാര്‍സ് ഫെസ്റ്റിവല്‍ 2024 ‘ ഉം 11 മണിക്ക് ഓണാഘോഷങ്ങളും ഓണപ്പാട്ടുകളുമായി ‘ ഓണം സ്‌പെഷ്യല്‍ സ്റ്റാര്‍ സിംഗറും ‘ ഉച്ചയ്ക്ക് 12.30 ന് സൂപ്പര്‍ഹിറ്റ് കോര്‍ട്ട് ഡ്രാമ ചലച്ചിത്രം , ജിത്തു ജോസഫ് – മോഹന്‍ലാല്‍ കൂട്ടുകെട്ടില്‍ പിറന്ന ‘ നേരും ‘ വൈകുന്നേരം 4 മണിക്ക് മലയാളത്തിലെ ഏറ്റവും വലിയ ഹിറ്റ് സിനിമയായ , അതിജീവനത്തിന്റെ കഥപറഞ്ഞ ‘ മഞ്ഞുമേല്‍ ബോയ്സും ‘ രാത്രി 7 മണിക്ക് വേള്‍ഡ് ടെലിവിഷന്‍ പ്രീമിയര്‍ ഷോയില്‍ ഫഹദ് ഫാസിലിന്റെ അനിയന്ത്രിതമായ അഭിനയം കൊണ്ട് തിയേറ്ററുകളെ ഇളക്കിമറിച്ച മാസ്സ് എന്റര്‍ടൈന്‍മെന്റ് ‘ ആവേശം ‘ ഉം സംപ്രേക്ഷണം ചെയ്യുന്നു.ആദ്യാവസാനം ആവേശം നിറയുന്ന ഒരു ഫുള്‍ എന്‍ര്‍ജി പടം അതാണ് ആവേശം. ബെംഗളൂരില്‍ പഠനത്തിനായി എത്തിയ കുറച്ചു വിദ്യാര്‍ഥികള്‍ രംഗ എന്ന ഗ്യാങ്സ്റ്ററെ പരിചയപ്പെടുന്നതും തുടര്‍ന്നുണ്ടാകുന്ന സംഭവങ്ങളുമാണ് കഥാപശ്ചാത്തലം.
സെപ്റ്റംബര്‍ 15 , തിരുവോണദിനത്തില്‍ രാവിലെ 8 മണിക്ക് , ഓണവിഭവങ്ങളുടെ രുചിഭേദങ്ങളുമായി ഓണരുചിമേളവും ഓണകാലവറയും ‘ 8.30 ന് ടെലിവിഷനിലെ ജനപ്രിയതാരങ്ങള്‍ അവതരിപ്പിക്കുന്ന ന്യത്തവും ഹാസ്യവും സംഗീതവും കൊണ്ട് സദസിനെ ഇളക്കിമറിച്ച സ്റ്റേജ് ഇവന്റ് ‘ ഓണ താരമേളവും ‘ 11 മണിക്ക് പ്രശസ്ത ചലച്ചിത്രതാരങ്ങളും സ്റ്റാര്‍ സിംഗേഴ്‌സും ജഡ്ജസും ചേര്‍ന്നൊരുക്കുന്ന ഓണം സ്‌പെഷ്യല്‍ വിരുന്നുമായി ‘ സ്റ്റാര്‍ സിംഗര്‍ സ്‌പെഷ്യല്‍ എപ്പിസോഡും ‘ ഉച്ചക്ക് 12.30 ന് യുവതലമുറയുടെ ഹരമായ നസ്ലിന്‍ – മമിത ബൈജുവും ജോഡികളായ സൗത്ത് ഇന്ത്യയാകെ സൂപ്പര്‍ ഹിറ്റായ ചലച്ചിത്രം ‘ പ്രേമലുവും ‘ സംപ്രേക്ഷണം ചെയ്യുന്നു . കൂടാതെ സുപ്പര്‍ഹിറ്റ് ചലച്ചിത്രങ്ങളുടെ വേള്‍ഡ് ടെലിവിഷന്‍ പ്രീമിയര്‍ ഷോയില്‍ വൈകുന്നേരം 4 മണിക്ക് കുഞ്ചാക്കോ ബോബന്‍ , സുരാജ് വെഞ്ഞാറമൂട് , അനഘ എന്നിവര്‍ക്കൊപ്പം ഒരു സിംഹവും പ്രധാനകഥാപാത്രമായി എത്തുന്ന , അതിജീവനവും കോമഡിയും സമന്വയിപ്പിച്ച ചലച്ചിത്രം ‘ ഗര്‍ര്‍ര്‍ ‘ ഉം രാത്രി 7 മണിക്ക് വിവാഹവും അതിനെ ചുറ്റിപ്പറ്റിയുണ്ടാകുന്ന സംഭവവികാസങ്ങളും രസകരമായി അവതരിപ്പിച്ച , തീര്‍ത്തും പൃഥ്വിരാജ് – ബേസില്‍ ജോസഫ് കോംബോയില്‍ തീര്‍ത്ത സൂപ്പര്‍ഹിറ്റ് ചലച്ചിത്രം ‘ ഗുരുവായൂര്‍ അമ്പലനടയില്‍ ‘ പ്രേക്ഷകര്‍ക്ക് മുന്നില്‍ എത്തുന്നു. നിഖില വിമല്‍ , അനശ്വര രാജന്‍ , ബൈജു സന്തോഷ് , ജഗദീഷ് , യോഗി ബാബു എന്നിവരും പ്രധാന കഥാപാത്രങ്ങളായി എത്തുന്നു.
ഏഷ്യാനെറ്റ് മൂവീസ് & ഏഷ്യാനെറ്റ് പ്ലസ്
ഏഷ്യാനെറ്റ് മൂവീസില്‍ ഉത്രാടദിനത്തില്‍ രാവിലെ 7 മണിമുതല്‍ സുപ്പര്‍ഹിറ്റ് ചലച്ചിത്രങ്ങളായ ഫാമിലി , കേശു ഈ വീടിന്റെ ഐശ്വര്യം , ഗരുഡന്‍ , നെയ്മര്‍ , വര്‍ഷങ്ങള്‍ക്കു ശേഷം , മിന്നല്‍ മുരളി , ഹോം , ചങ്ങതിപൂച്ച എന്നിവയും തിരുവോണദിനത്തില്‍ രാവിലെ 7 മണി മുതല്‍ നെയ്യാറ്റിന്‍കര ഗോപന്‍ , ഹൃദയം , തുണ്ട് , കണ്ണൂര്‍ സ്‌ക്വാഡ് , ആര്‍ ഡി എക്‌സ് , മാളികപ്പുറം , വണ്‍ , ഇവര്‍ വിവാഹിതരായാല്‍ എന്നീ സൂപ്പര്‍ഹിറ്റ് ചിത്രങ്ങളും ഒന്നിന് പുറകെ ഒന്നായി സംപ്രേക്ഷണം ചെയ്യുന്നു. ഏഷ്യാനെറ്റ് പ്ലസില്‍ ഉത്രാടദിനമായ സെപ്റ്റംബര്‍ 14 ന് , രാവിലെ 5.30 മുതല്‍ സൂപ്പര്‍ഹിറ്റ് ചലച്ചിത്രങ്ങളായ രാപ്പകല്‍ , കനകം കാമിനി കലഹം , മഹേഷും മാരുതിയും , ജാനകി ജാനേ , തീര്‍പ്പ് എന്നിവ സംപ്രേക്ഷണം ചെയ്യുന്നു. കൂടാതെ വൈകുന്നേരം 6 .45 മുതല്‍ ഐ എസ് എല്‍ 2024 – 25 ലൈവും രാത്രി 9.45 ന് കേരള വടംവലി ലീഗും പ്രേക്ഷകര്‍ക്ക് മുന്നില്‍ എത്തിക്കുന്നു. തിരുവോണദിനമായ സെപ്റ്റംബര്‍ 15 ന് രാവിലെ 6 മണി മുതല്‍ ചലച്ചിത്രങ്ങളായ അരവിന്ദന്റെ അതിഥികള്‍ , ലളിതം സുന്ദരം , മധുരം , വാലാട്ടി , വാശി , ഒരു തെക്കന്‍ തല്ലുകേസ് തുടങ്ങിയവയും രാത്രി 7.15 മുതല്‍ ഐ എസ് എല്‍ 2024 – 25 ലൈവും രാത്രി 9.45 ന് കേരള വടംവലി ലീഗും സംപ്രേക്ഷണം ചെയ്യുന്നു.
