അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സാഹചര്യത്തിന്റെ സമ്മര്‍ദ്ദം കാരണം കളളനാകേണ്ടി വന്ന മാധവന്റെ കഥ പറയുന്ന ചിത്രമാണ് മീശമാധവന്‍. റിലീസായി വര്‍ഷങ്ങള്‍ ഇത്ര കഴിഞ്ഞിട്ടും മീശമാധവനിലെ കഥാപാത്രങ്ങളെയെല്ലാം മലയാളികള്‍ക്ക് കാണാപാഠമാണ്. അവരുടെ പേരുകളും അവരുടെ ഡയലോഗുകളും ഉള്‍പ്പെടെ എല്ലാം ഓര്‍ത്തിരുന്നു വീണ്ടും വീണ്ടും ആസ്വദിക്കാറുണ്ട് മലയാളികള്‍. ഇപ്പോള്‍ ഇതാ മീശമാധവനെ സംബന്ധിച്ച വളരെ നിര്‍ണായകമായ ഒരു വെളിപ്പെടുത്തല്‍ നടത്തിയിരിക്കുകയാണ് ചിത്രത്തിന്റെ സംവിധായകന്‍ ലാല്‍ ജോസ്.
View this post on Instagram
‘മീശമാധവന്‍ എന്ന് പറയുന്ന കള്ളന്റെ ക്യാരക്ടര്‍ ഒരു ഒറിജിനല്‍ ക്യാരക്ടര്‍ ആണ്. ഒറിജിനല്‍ വേറെ ഒരാളുടെ കഥയുണ്ട്. നിലമ്പൂര് എന്ന് പറയുന്ന സ്ഥലത്ത് ജീവിച്ചിരുന്ന, മരിച്ചുപോയ.. ആത്മഹത്യ ചെയ്ത ഒരു കള്ളന്റെ കഥയില്‍ നിന്നാണ് മീശമാധവനുള്ള ഇന്‍സ്പിറേഷന്‍. പക്ഷേ മാധവന്‍ എന്ന ക്യാരക്റ്ററിനെ നമ്മള്‍ ഷേപ്പ് ചെയ്യുമ്പോള്‍ ഒറ്റപ്പാലത്ത് ചാട്ടവാര്‍ ഉണ്ണി എന്ന് പറയുന്ന ഒരു കള്ളന്‍ ഉണ്ടായിരുന്നു. ചാട്ടവാര്‍ ഉണ്ണിയുടെ ബോഡി സ്ട്രക്ചര്‍ ആണ് നമ്മള്‍ ദിലീപിന് വേണ്ടിയിട്ട് എടുത്തത്.
കോസ്റ്റ്യൂമും സ്റ്റൈലും ഒക്കെ. പിള്ളേച്ചന് വേണ്ടിയിട്ട് ഞാന്‍ മോഡല്‍ ചെയ്തത് ഒറ്റപ്പാലത്ത് വേലായുധന്‍ വൈദ്യര്‍ എന്ന് പറയുന്ന ഒരു വൈദ്യര്‍ ഉണ്ടായിരുന്നു. അദ്ദേഹത്തെയാണ്. അദ്ദേഹത്തിന്റെ ആണ് ഈ ചെവിയിലെ രോമവും ഒക്കെ. കഥാപാത്രത്തിന്റെ ഹെയര്‍ സ്‌റ്റൈല്‍ ഒക്കെ പുള്ളിയുടെ കയ്യില്‍ നിന്ന് അടിച്ചുമാറ്റിയതാണ്.’, ലാല്‍ജോസ് പറഞ്ഞു.
ലാല്‍ ജോസ് സംവിധാനം ചെയ്ത് ദിലീപ് നായകനായി 2002-ല്‍ പ്രദര്‍ശനത്തിനെത്തിയ ഹാസ്യ മലയാളചലച്ചിത്രമാണ് മീശമാധവന്‍. രഞ്ജന്‍ പ്രമോദ് ആണ് ഈ ചിത്രത്തിന്റെ രചന നിര്‍വ്വഹിച്ചിരിക്കുന്നത്. നല്ല സാമ്പത്തിക വിജയം നേടിയ ഈ ചിത്രം ഇതേ പേരില്‍ തമിഴിലും ദൊന്‍ഗഡു എന്ന് പേരില്‍ തെലുങ്കിലും പുനര്‍നിര്‍മ്മിക്കുകയുണ്ടായി. തമിഴില്‍ കാര്‍ത്തിക്കും തെലുങ്കില്‍ രവി തേജയുമാണ് മുഖ്യകഥാപാത്രത്തെ അവതരിപ്പിച്ചത്. കാര്‍ത്തികയുടെ കന്നി വേഷമായിരുന്നു മീശമാധവനിലേത്. മൂവിക്ഷേത്രയുടെ ബാനറില്‍ സുബൈര്‍, സുധീഷ് എന്നിവര്‍ ചേര്‍ന്ന് നിര്‍മ്മിച്ച ഈ ചിത്രം വിതരണം ചെയ്തത് കലാസംഘം, കാസ്, വര്‍ണ്ണചിത്ര എന്നിവരാണ്.
STORY HIGHLIGHTS: Laljose about Meeshamadhavan movie
