ദുല്‍ഖര്‍ സല്‍മാന്റെ നിര്‍മ്മാണ കമ്പനിയായ വേഫെറര്‍ ഫിലിംസിന്റെ പുതിയ ചിത്രത്തില്‍ കല്യാണി പ്രിയദര്‍ശനും നസ്‌ലിനും ഒന്നിക്കുന്നു. ചിത്രത്തിന്റെ രചനയും സംവിധാനവും അരുണ്‍ ഡൊമിനിക് നിര്‍വഹിക്കുന്നു. വേഫെറര്‍ ഫിലിംസിന്റെ എഴാമത്തെ ചിത്രമാണിത്. ചിത്രത്തിന്റെ പൂജ നടന്നു.
‘എല്ലാ പുതിയ തുടക്കവും പോലെ ഈ ചിത്രവും വളരെ സ്‌പെഷ്യല്‍ ആണ്. ചെറിയൊരു ഇടവേളയ്ക്ക് ശേഷം ആവേശകരമായ ഒരു ചിത്രത്തിന്റെ നിര്‍മ്മാണമാണ് ഞങ്ങള്‍ ആരംഭിച്ചിരിക്കുന്നത്.’, ദുല്‍ഖര്‍ സല്‍മാന്‍ സോഷ്യല്‍ മീഡിയയില്‍ കുറിച്ചു. എല്ലാവരുടെയും പ്രാര്‍ത്ഥനയും പിന്തുണയും ഒപ്പം ഉണ്ടാകണം എന്നും അദ്ദേഹം കൂട്ടിച്ചേര്‍ത്തു.
ഛായാഗ്രഹണം -നിമിഷ് രവി, എഡിറ്റര്‍ – ചമന്‍ ചാക്കോ എക്സിക്യൂട്ടീവ് പ്രൊഡ്യൂസേഴ്‌സ്-ജോം വര്‍ഗീസ്, ബിബിന്‍ പെരുമ്പള്ളി, അഡീഷണല്‍ തിരക്കഥ- ശാന്തി ബാലചന്ദ്രന്‍, പ്രൊഡക്ഷന്‍ ഡിസൈനര്‍-ബംഗ്ലാന്‍ കലാസംവിധായകന്‍- ജിത്തു സെബാസ്റ്റ്യന്‍, മേക്കപ്പ് – റൊണക്സ് സേവ്യര്‍, കോസ്റ്റ്യൂം ഡിസൈനര്‍- മെല്‍വി ജെ, അര്‍ച്ചന റാവു, സ്റ്റില്‍സ്- രോഹിത് കെ സുരേഷ്, അമല്‍ കെ സദര്‍, ആക്ഷന്‍ കൊറിയോഗ്രാഫര്‍- യാനിക്ക് ബെന്‍, പ്രൊഡക്ഷന്‍ കണ്‍ട്രോളര്‍ – റിനി ദിവാകര്‍, വിനോഷ് കൈമള്‍, ചീഫ് അസോസിയേറ്റ്-സുജിത്ത് സുരേഷ്, പിആര്‍ഒ – ശബരി.
STORY HIGHLIGHTS: Dulquer Salmaan’s new project with naslen and kalyani priyadarshan