അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാള സിനിമയില്‍ വേറിട്ട കഥാപാത്രങ്ങളിലൂടെ മലയാളി മനസ്സ് കീഴടക്കിയ നടിയാണ് ഉര്‍വശി. അന്നും ഇന്നും മലയാളികളുടെ പ്രിയതാരമാണ് ഉര്‍വശി. മലയാളത്തില്‍ മാത്രമല്ല അന്യഭാഷ ചിത്രങ്ങളിലും പേരുകേട്ട നടി തന്നെയാണ് ഉര്‍വശി. ഉര്‍വശിയാണ് തങ്ങളുടെ ലേഡി സൂപ്പര്‍സ്റ്റാര്‍ എന്ന് സിനിമ മേഖലയില്‍ നിന്നുളളവര്‍ പോലും പറഞ്ഞിട്ടുണ്ട്. ഇപ്പോളിതാ തന്റെ സ്വകാര്യ ജീവിതത്തെക്കുറിച്ച് സംസാരിക്കുകയാണ് താരം.
‘പ്രസവിച്ച് പത്താംദിവസമായപ്പോള്‍ തീര്‍ക്കാനുള്ള ഒരു പടത്തിന്റെ വര്‍ക്കിന് പോയി. എ.വി.എം. സ്റ്റുഡിയോയിലാണ്. കാരവനില്‍ മാഡം കുഞ്ഞിനെയും കൊണ്ട് ഇരുന്നുകൊള്ളു എന്ന് അവര്‍ പറഞ്ഞു. ആ സീനില്‍ ഇരിക്കുന്നതേയുള്ളു. കുടുംബപ്രശ്‌നം തീര്‍ക്കുന്ന തരത്തിലുള്ള കഥാപാത്രമാണ്. ഇരുന്നുസംസാരിക്കുന്നതേയുള്ളു. ദയവുചെയ്തു വരണം എന്നു പറഞ്ഞാണ് അവര്‍ എന്നെ വിളിച്ചത്. ഞാന്‍ എ.വി.എം. സ്റ്റുഡിയോയില്‍ കൊച്ചിനെയും പരിവാരങ്ങളെയും എല്ലാവരെയും കൊണ്ടുപോയി. ചേട്ടനും വന്നു. അവിടെ ഇരിക്കുന്നു. ഷോട്ട് റെഡി എന്നുപറയുന്നു. പതുക്കെ ഇറങ്ങിപ്പോകും. ഞാന്‍ കാരവനില്‍ ഇറങ്ങുകയും കയറുകയും ചെയ്യുമ്പോള്‍ ചുറ്റിലും ഇരിക്കുന്നവര്‍ക്ക് ആശങ്കയാണ്. അയ്യയ്യോ, പ്രസവിച്ചിട്ട് പത്തുദിവസമേ ആയുള്ളു എന്നാണ് പറയുന്നത്. പക്ഷേ എനിക്ക് എന്തോ അതില്‍ ഒന്നും തോന്നിയില്ല,’ ഉര്‍വശി പറഞ്ഞു.
40 വയസ്സിനുശേഷം ശേഷവും ഒരു കുഞ്ഞ് എന്ന തീരുമാനം തന്റേതായിരുന്നു എന്നും ഉര്‍വശി പറഞ്ഞു.’എന്റെ ഭര്‍ത്താവിന്റെ അച്ഛനും അമ്മയും നാട്ടിന്‍പുറത്തുകാരാണ്. കൃഷിയൊക്കെ ചെയ്താണ് അവര്‍ ജീവിക്കുന്നത്. ഇന്നല്ലെങ്കില്‍ നാളെ എന്റെ മോന്റെ ഒരു കൊച്ചിനെ കാണാന്‍ ഒത്തില്ലല്ലോ എന്ന് അവര്‍ക്ക് തോന്നരുതല്ലോ. ആ ചിന്ത എന്റെ ഉള്ളില്‍ ഉണ്ടായിരുന്നു. മറ്റുള്ളവരുടെ ഇഷ്ടത്തിന് വേണ്ടിയിട്ടാണോ എന്ന് ചോദിച്ചാല്‍ അതാണല്ലോ ഇഷ്ടം. അവരെ കാണുമ്പോള്‍ മോള്‍ ഉണ്ടല്ലോ നമുക്ക് അത് മതി എന്ന് ഉള്ള ചിന്തയില്‍ കവിഞ്ഞ് കുഴപ്പമൊന്നുമില്ല.. അവര്‍ ഇതുവരെ എന്നോട് ഇതിനെപ്പറ്റി നിര്‍ബന്ധിച്ചിട്ടില്ല. എന്റെ ഭര്‍ത്താവ് പോലും എന്നോട് ഇതിനെപ്പറ്റി പറഞ്ഞിട്ടില്ല. പക്ഷെ എന്റെ മനസ്സില്‍ തോന്നിയതാണ് അത് വേണമെന്ന്.’, ഉര്‍വശി പറഞ്ഞു.
STORY HIGHLIGHTS: Urvashi about her experience in film
