അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അടുത്തകാലത്തായി മലയാള സിനിമയില്‍ പുറത്തിറങ്ങുന്ന ചിത്രങ്ങളൊക്കെ തന്നെയും സൂപ്പര്‍ ഹിറ്റായിരുന്നു. എന്നാല്‍ ഒരു സര്‍പ്രൈസ് ഹിറ്റായിരുന്നു വാഴ: ബയോപിക് ഓഫ് എ ബില്യണ്‍ ബോയ്‌സ്. ഒരുകൂട്ടം യുവാക്കളുടെ കഥ പറയുന്ന ചിത്രം ഇരുകൈയ്യും നീട്ടിയാണ് പ്രേക്ഷകര്‍ സ്വീകരിച്ചത്. തിയേറ്ററില്‍ വന്‍ വരവേല്‍പ്പ് ആയിരുന്നു വാഴയ്ക്ക് ലഭിച്ചത്. ഇപ്പോളിതാ ചിത്രം ഒടിടിയില്‍ എത്തുന്നു.
ഡിസ്‌നി പ്ലസ് ഹോട്ട്സ്റ്റാറിലൂടെയാണ് ചിത്രം സ്ട്രീമിംഗിന് എത്തുന്നത്. സെപ്റ്റംബര്‍ 23 ന് ചിത്രം എത്തും. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം കാണാനാവും. ജയ ജയ ജയ ജയ ഹേ, ഗുരുവായൂരമ്പല നടയില്‍ എന്നീ ചിത്രങ്ങളുടെ സംവിധായകന്‍ വിപിന്‍ ദാസ് ആണ് വാഴയുടെ തിരക്കഥ ഒരുക്കിയിരിക്കുന്നത്. ആനന്ദ് മേനന്‍ ആണ് സംവിധാനം ചെയ്തത്. ചിത്രത്തിന്റെ തിയറ്റര്‍ റിലീസ് ഓഗസ്റ്റ് 15 ന് ആയിരുന്നു.
ഡബ്ല്യുബിടിഎസ് പ്രൊഡക്ഷന്‍സ്, ഇമാജിന്‍ സിനിമാസ്, ഐക്കണ്‍ സ്റ്റുഡിയോസ്, സിഗ്‌നേച്ചര്‍ സ്റ്റുഡിയോസ് എന്നീ ബാനറുകളില്‍ വിപിന്‍ ദാസ്, ഹാരിസ് ദേശം, പി ബി അനീഷ്, ആദര്‍ശ് നാരായണ്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സോഷ്യല്‍ മീഡിയ താരങ്ങളായ സിജു സണ്ണി, സാഫ് ബോയ്, ജോമോന്‍ ജ്യോതിര്‍, ഹാഷിര്‍, അലന്‍, വിനായക്, അജിന്‍ ജോയ്, അമിത് മോഹന്‍, അനുരാജ്, അന്‍ഷിദ് അനു, അശ്വിന്‍ വിജയന്‍ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്.
STORY HIGHLIGHTS: Vaazha movie ott release
