അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളി പ്രേക്ഷകർക്ക് വളരെ പ്രിയപ്പെട്ട നടനാണ് ടോവിനോ തോമസ്. ചെറിയ ചെറിയ കഥാപാത്രങ്ങളിലൂടെ മലയാളികളുടെ മനസ്സിൽ തന്റേതായ സ്ഥാനം നേടിയെടുത്ത താരമാണ് ടോവിനോ. നിരവധി ആരാധകരെയും താരം സ്വന്തമാക്കിയിട്ടുണ്ട്. താരത്തിന്റെ ഓരോ വാർത്തകളും വളരെ വേഗമാണ് ആരാധകർ ഏറ്റെടുത്തിട്ടുള്ളത്. ഇപ്പോൾ അജയന്റെ രണ്ടാം മോഷണം എന്ന പുതിയ ചിത്രത്തിന്റെ തിരക്കിലാണ് താരം. ഈ ചിത്രത്തിന്റെ പ്രമോഷൻ സംബന്ധമായി ക്ലബ്ബ് എഫ് എമിന് നൽകിയ അഭിമുഖത്തിൽ താരം പറയുന്ന ചില കാര്യങ്ങളാണ് ശ്രദ്ധ നേടിക്കൊണ്ടിരിക്കുന്നത്.
മോഹൻലാൽ, മമ്മൂട്ടി,പൃഥ്വിരാജ്, മഞ്ജു വാര്യർ, ദുൽഖർ സൽമാൻ, ഫഹദ്, ബേസിൽ ഇത്രയും ആളുകളിൽ നിന്നും എന്തായിരിക്കും ടോവിനോ മോഷ്ടിക്കുക എന്ന ചോദ്യത്തിന് ആയിരുന്നു. ഇതിനാണ് ടോവിനോ മറുപടി നൽകിയത്. വാക്കുകൾ ഇങ്ങനെയായിരുന്നു..
” ബേസിൽ ജോസഫിൽ നിന്നും മോഷ്ടിക്കുകയാണെങ്കിൽ അത് അദ്ദേഹത്തിന്റെ ചിരിയും, അതേപോലെ കുരുട്ട് ബുദ്ധിയുമായിരിക്കും. അത് അത്യാവശ്യമാണ് ഒരു ഫിലിം മേക്കർക്ക്. പൃഥ്വിരാജിൽ നിന്ന് മോഷ്ടിക്കാൻ ആണെങ്കിൽ ഒരുപാട് കാര്യങ്ങൾ ഉണ്ട്. അദ്ദേഹത്തിന്റെ കഠിനാധ്വാനം ഓർമ്മശക്തി പലപ്പോഴും പല കഥാപാത്രങ്ങളുടെ അദ്ദേഹം ഇടപെടുന്ന രീതികൾ അതൊക്കെ മോഷ്ടിക്കാൻ സാധ്യതയുള്ള കാര്യങ്ങൾ തന്നെയാണ്. മഞ്ജു വാര്യരിൽ നിന്നാണെങ്കിൽ ബിഎംഡബ്ല്യു ബൈക്കാണ് മോഷ്ടിക്കുന്നത്. നൃത്തം മോഷ്ടിച്ചിട്ട് തനിക്കൊന്നും കിട്ടാനില്ലല്ലോ. താൻ നൃത്തം ചെയ്യാൻ പോകുന്നില്ല, മമ്മൂക്കയിൽ നിന്നാണെങ്കിൽ അദ്ദേഹത്തിന്റെ ഇന്റലിജൻസ് ആണ് മോഷ്ടിക്കാൻ ആഗ്രഹിക്കുന്നത്. ലാലേട്ടനിൽ നിന്നും അദ്ദേഹത്തിന്റെ ചാം മോഷ്ടിക്കാൻ ആണ് ഇഷ്ടം. അതേപോലെ ഓരോ കാര്യങ്ങളെ അദ്ദേഹം നേരിടുന്ന രീതികളെയും മോഷ്ടിക്കണമെന്ന് താല്പര്യമുണ്ട്. ദുൽഖർ സൽമാനിൽ നിന്നും അദ്ദേഹത്തിന്റെ സ്വഭാവമാണ് ഇഷ്ടം. കാരണം ഒരു വലിയ മെഗാസ്റ്റാറിന്റെ മകനായിട്ട് പോലും അദ്ദേഹം എങ്ങനെയായിരുന്നു അങ്ങനെ തന്നെയാണ് നിൽക്കുന്നത്. ഫഹദിന്റെ കണ്ണുകൾ മോഷ്ടിക്കണം എന്ന് ആഗ്രഹമുണ്ട്. ”
Story Highlights ; Tovino Thomas talkes actors
