അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കെ.സി.എല്‍ മത്സരങ്ങള്‍ കഴിഞ്ഞിട്ടും ആവേശം കെടാതെ ഒരുക്കിയ ഫാന്‍ മെയ്ഡ് ആന്തം ഹൃദയത്തിലേറ്റുകയാണ് ക്രിക്കറ്റ് ആരാധകര്‍. കേരള ക്രിക്കറ്റ് അസോസിയേഷൻ സംഘടിപ്പിച്ച പ്രഥമ കേരള ക്രിക്കറ്റ് ലീഗിന് ആവേശം പകര്‍ന്നുകൊണ്ടും, മത്സരം യഥാര്‍ത്ഥ്യമാക്കിയ കെസിഎയ്ക്ക് നന്ദി പറഞ്ഞു കൊണ്ടുമാണ് സാധാരണക്കാരുടെ ക്രിക്കറ്റ് ആവേശം ട്രിബ്യൂട്ട് വീഡിയോയുടെ രൂപത്തില്‍ പുറത്തിറങ്ങിയത്. വിവിധ മേഖലയില്‍ ജോലി ചെയ്യുന്നവരും, വിവിധ പ്രായത്തിലുള്ളവരുമടക്കം ആണ്-പെണ്‍ വ്യത്യാസമില്ലാതെ ഓരോ മനുഷ്യരിലും ക്രിക്കറ്റ് ആവേശം നിറയുകയാണെന്ന ആശയമാണ് ഫൈനലിന് മുന്നോടിയായി പുറങ്ങിറങ്ങിയ വീഡിയോ പങ്കുവയ്ക്കുന്നത്. പഴയകാല ക്രിക്കറ്റിന്റെ ഓര്‍മ്മകളിലേക്കും, നാട്ടിന്‍ പുറത്തെ ക്രിക്കറ്റ് കാഴ്ചകളിലേക്കുമെല്ലാം വീഡിയോ കാഴ്ചക്കാരെ കൂട്ടിക്കൊണ്ട് പോകുന്നുണ്ട്. ഓരോ ക്രിക്കറ്റ് ആരാധകന്റെയും ഹൃദയ വികാരം തൊട്ടറിഞ്ഞ്, മനസില്‍ ക്രിക്കറ്റ് ആവേശം നിറച്ചാണ് വീഡിയോ അവസാനിക്കുന്നത്.
വൂലാബ് നിര്‍മ്മിച്ച വീഡിയോയുടെ ആശയവും ആവിഷ്‌കാരവും സി.പി ദീപുവാണ്. വി.എസ് കൃഷ്ണരാജിന്റെ വരികള്‍ക്ക് സംഗീത നല്‍കി ഗാനം ആലപിച്ചിരിക്കുന്നത് ടി.എസ് വിഷ്ണുവാണ്. സോഷ്യല്‍ മീഡിയയിലും ക്രിക്കറ്റ് ഗ്രൂപ്പുകളിലും ഇതിനോടകം ട്രെന്‍ഡ് ആയി മാറിയിരിക്കുകയാണ് സാധാരണകാരായ ക്രിക്കറ്റ് പ്രേമികളുടെ ട്രിബ്യൂട്ട് വീഡിയോ.
Content Highlights; KCL FAN-MADE ANTHEM | A TRIBUTE TO KERALA CRICKET LEAGUE
