അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നവാഗതനായ സനൂപ് സത്യൻ സംവിധാനം ചെയ്ത ‘സിഐഡി രാമചന്ദ്രൻ റിട്ട. എസ്ഐ’ എന്ന ചിത്രം ഒടിടിയിലെത്തി. കലാഭവൻ ഷാജോൺ നായകനായ ചിത്രം മെയ് 17നാണ് തിയേറ്ററുകളിലെത്തിയത്. എഡി 1877 പിക്‌ചേഴ്‌സ്, സെൻസ് ലോഞ്ച് എൻ്റർടൈൻമെൻ്റ എന്നിവർ ചേർന്നാണ് ചിത്രത്തിന്റെ നിർമ്മാണം.
മാനോരമ ഗ്രൂപ്പിൻ്റെ ഒടിടി പ്ലാറ്റ്ഫോമായ മാനോരമ മാക്സാണ് സിഐഡി രാമചന്ദ്രൻ റിട്ട. എസ്ഐ സിനിമയുടെ ഡിജിറ്റൽ അവകാശം സ്വന്തമാക്കിയത്. ചിത്രം സെപ്റ്റംബർ 20-ാം തീയതി മുതൽ മനോരമ മാക്സിൽ സംപ്രേഷണം ചെയ്ത് തുടങ്ങി. ചിത്രം ഒടിടി സംപ്രേഷണം ആരംഭിച്ചതായി സംവിധായകൻ സനൂപ് ഫേസ്‌ബുക്ക് പോസ്റ്റിലൂടെ അറിയിക്കുകയായിരുന്നു.
ഇൻവെസ്റ്റിഗേറ്റീവ് ത്രില്ലറായ ചിത്രത്തിൽ അനുമോൾ, ബൈജു സന്തോഷ്, സുധീർ കരമന, പ്രേം കുമാർ തുടങ്ങിയ താരങ്ങൾ പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകൻ സനൂപ്, അനീഷ് വി.ശിവദാസ് എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്.
ജോ ക്രിസ്റ്റോ സേവ്യറാണ് ചിത്രത്തിനായി ഛായാഗ്രാഹണം നിർവഹിച്ചിരിക്കുന്നത്. അനു ബി. ഐവർ ഗാനങ്ങളും, ആൻ്റോ ഫ്രാൻസിസ് പശ്ചാത്തല സംഗീതവും ഒരുക്കിയിരിക്കുന്നു.
STORY HIGHLIGHT: CID Ramachandran Retd si ott
