കുവൈത്തിൽ അഗ്‌നി സുരക്ഷാ ചട്ടം ലംഘിച്ച 35 വ്യാപാര സ്ഥാപനങ്ങൾ അടച്ചുപൂട്ടി. വിവിധ ഗവർണറേറ്റുകളിലാണ് 35 സ്ഥാപനങ്ങൾ ജനറൽ ഫയർഫോഴ്‌സ് അടച്ചുപൂട്ടിയത്.
അഗ്‌നിശമന ലൈസൻസ് നേടാത്തതും സുരക്ഷാ മാനദണ്ഡങ്ങൾ പാലിക്കാത്തതുമാണ് അടച്ചുപൂട്ടലിന് കാരണമെന്നാണ് ജനറൽ ഫയർഫോഴ്‌സ് വ്യക്തമാക്കുന്നത്. നിയമലംഘനങ്ങൾ പരിഹരിക്കാൻ ഈ സ്ഥാപനങ്ങൾക്ക് മുമ്പ് മുന്നറിയിപ്പ് നൽകിയിരുന്നെങ്കിലും തിരുത്തൽ നടപടിയെടുക്കുന്നതിൽ പരാജയപ്പെട്ടതായി വകുപ്പ് ചൂണ്ടിക്കാട്ടി.