അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആഗസ്റ്റ് 15 ന് റിലീസ് ചെയ്ത തങ്കലാൻ ഒടിടി പ്രദർശനത്തിനെത്തി. വിജയകരമായി തിയറ്ററുകളിൽ പ്രദർശനം ആരംഭിച്ചതിന് ശേഷം, സെപ്റ്റംബർ 20 നാണ് സ്ട്രീമിംഗ് പ്ലാറ്റ്‌ഫോമിൽ ചിത്രം എത്തുന്നത്. തമിഴ്, തെലുങ്ക്, കന്നഡ, മലയാളം ഭാഷകളിൽ സ്ട്രീമിംഗിനായി ചിത്രം ലഭ്യമാകും. നെറ്റ്ഫ്‌ളിക്സാണ് ചിത്രത്തിന്റെ ഒടിടി അവകാശം സ്വന്തമാക്കിയിരിക്കുന്നത്.
കോലാർ സ്വർണ്ണ ഖനികളുടെ പശ്ചാത്തലത്തിലുള്ള തങ്കലാൻ, ഖനനം മൂലം ദുരിതമനുഭവിക്കുന്ന തദ്ദേശീയ ഗോത്രങ്ങളുടെ പ്രശ്നങ്ങളും പോരാട്ടങ്ങളുമാണ് വെള്ളിത്തിരയിലെത്തിച്ചത്.
ചിത്രത്തിന് വേണ്ടി ചിയാൻ വിക്രം നടത്തിയ ബോഡി ട്രാൻസ്ഫർമേഷനും ഏറെ ശ്രദ്ധനേടിയിരുന്നു. വിക്രം, പാര്‍വതി തിരുവോത്ത്, മാളവിക മോഹനൻ എന്നിവർ പ്രധാന കഥാപാത്രമായി തങ്കലാനിൽ എത്തുന്നു.
ചിയാന്‍ വിക്രം നായകനാകുന്ന അറുപത്തിയൊന്നാമത്തെ ചിത്രമാണിത്. ഏറ്റവും കൂടുതൽ കളക്ഷൻ നേടിയ രണ്ടാമത്തെ ചിത്രമായി തങ്കലാൻ ഇടം നേടിയെടുത്തിരുന്നു.
സ്റ്റുഡിയോ ഗ്രീനും നിലം പ്രൊഡക്ഷൻസും ചേർന്നാണ് ചിത്രം നിർമ്മിച്ചത്. പാ രഞ്ജിത്ത്, തമിഴ് പ്രഭ, അഴകിയ പെരിയവാണൻ എന്നിവരാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
STORY HIGHLIGHT: thangalaan ott release
