അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രായം വെറും അക്കങ്ങൾ മാത്രമാണെന്ന് വീണ്ടും വീണ്ടും തെളിയിച്ചു കൊണ്ടിരിക്കുകയാണ് മലയാളികളുടെ സ്വന്തം മമ്മൂക്ക. 73-മത്തെ വയസ്സിലും യൗവനം കാത്തുസൂക്ഷിക്കുന്ന മമ്മൂട്ടി എല്ലാവര്ക്കും അത്ഭുതം തന്നെയാണ്. മമ്മൂക്കയുടെ സ്റ്റൈലിഷ് ചിത്രങ്ങൾ സോഷ്യൽ മീഡിയയിലെല്ലാം വൈറലായി മാറാറുണ്ട്. ഇപ്പോഴിതാ മമ്മൂട്ടിയുടെ ഏറ്റവും പുതിയ ചിത്രങ്ങളാണ് വൈറലാവുന്നത്. ഫാഷന്‍ ഫോട്ടോഗ്രാഫറും അഭിനേതാവുമായ ഷാനി ഷാകിയാണ് ഫോട്ടോ പകർത്തിയത്.
പ്രിന്‍റുകള്‍ ഉള്ള പ്ലസ് സൈസ് ഹാഫ് സ്ലീവ് ഷര്‍ട്ടും അതേ നിറത്തിലുള്ള പാന്‍റ്സും മാച്ച് ചെയ്യുന്ന ഷൂസും തൊപ്പിയുമൊക്കെയാണ് വൈറല്‍ ചിത്രത്തില്‍ മമ്മൂട്ടി ധരിച്ചിരിക്കുന്നത്. ഒപ്പം സണ്‍ ഗ്ലാസും ധരിച്ചിട്ടുണ്ട്. ഫേസ്ബുക്ക്, ഇന്‍സ്റ്റഗ്രാം, എക്സ് എന്നീ സോഷ്യല്‍ മീഡിയ പ്ലാറ്റ്ഫോമുകളിലൊക്കെ മമ്മൂട്ടി തന്നെയാണ് ഈ ചിത്രം പങ്കുവച്ചത്. ഫേസ്ബുക്കില്‍ 68,000, എക്സില്‍ 6800, ഇന്‍സ്റ്റയില്‍ 6.14 ലക്ഷം എന്നിങ്ങനെയാണ് ചിത്രത്തിന് ലഭിച്ച ലൈക്കുകള്‍. ഏജ് ഇന്‍ റിവേഴ്സ് ഗിയര്‍ കമന്‍റുകളാണ് ആരാധകരില്‍ അധികവും നല്‍കിയിരിക്കുന്നത്.
അതേസമയം സിനിമകളുടെ തെരഞ്ഞെടുപ്പിലും നടത്തിയ പ്രകടനത്തിലും ഇന്ത്യന്‍ സിനിമയില്‍ തന്നെ സമീപകാലത്ത് ഏറ്റവും വിസ്മയിപ്പിച്ചുകൊണ്ടിരിക്കുന്ന നടനാണ് മമ്മൂട്ടി. വൈശാഖിന്‍റെ സംവിധാനത്തിലെത്തിയ ടര്‍ബോ ആണ് മമ്മൂട്ടിയുടേതായി അവസാനം എത്തിയ റിലീസ്. നവാഗതനായ ഡീനൊ ഡെന്നിസിന്‍റെ സംവിധാനത്തിലെത്തുന്ന ബസൂക്ക, ഗൗതം വസുദേവ് മേനോന്‍ സംവിധാനം ചെയ്യുന്ന ഡൊമിനിക് ആന്‍ഡ് ദി ലേഡീസ് പഴ്സ് എന്നിവയാണ് മമ്മൂട്ടിയുടേതായി വരാനിരിക്കുന്ന ചിത്രങ്ങള്‍. ഇതില്‍ ഡൊമിനിക് ആന്‍ഡ് ദി ലേഡീസ് പഴ്സ് ഗൗതം മേനോന്‍റെ മലയാളത്തിലെ സംവിധാന അരങ്ങേറ്റമാണ്.
content highlight: mammoottys-new-photo
