അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബെംഗളൂരു: ബെംഗളൂരുവില്‍ നിന്ന് മാത്രം നിരവധി വീഡിയോകളാണ് ദിനംപ്രതി വൈറല്‍ ആകുന്നത്. ഇപ്പോള്‍ ഇതാ അത്തരത്തിലുളള ഒരു വീഡിയോ ആണ് സോഷ്യല്‍ മീഡിയയില്‍ വലിയ ചര്‍ച്ചയായിരിക്കുന്നത്. ബെംഗളൂരുവില്‍ യൂബര്‍, ഓല സര്‍വീസുകളെ ആശ്രയിക്കുന്നവരാണ് നിരവധി പേരും. ഇത്തരത്തില്‍ ഒരു ഓട്ടോ ചേട്ടനാണ് ഇന്നത്തെ വീഡിയോയിലെ താരം.
auto driver’s seat had an office chair fixed for extra comfort, man i love bangalore @peakbengaluru 🤌🏼 pic.twitter.com/D1LjGZOuZl
— Shivani Matlapudi (@shivaniiiiiii_) September 23, 2024
സാധാരണ ഒരു ഓട്ടോ അല്ല ഇത്, അത് ഈ ഓട്ടോയുടെ ഡ്രൈവറുടെ സീറ്റ് കാണുമ്പോള്‍ തന്നെ മനസ്സിലാകും. മറ്റ് ഓട്ടോറിക്ഷയെക്കാള്‍ വ്യത്യസ്തമായി ഒരു ഓഫീസ് ചെയര്‍ ഘടിപ്പിച്ച ഓട്ടോയാണ് ഇപ്പോള്‍ വൈറല്‍ ആയിരിക്കുന്നത്. ഓട്ടോ ഡ്രൈവറുടെ സീറ്റ് ഇളക്കി മാറ്റി, അവിടെയാണ് ഈ ഓഫീസ് ചെയര്‍ ഘടിപ്പിച്ചിരിക്കുന്നത്. വീഡിയോ കാണുമ്പോള്‍ എല്ലാവരും ഒന്ന് ഞെട്ടും, അത്രയ്ക്ക് പ്രത്യേകത തോന്നും ഈ ഓട്ടോ കണ്ടു കഴിയുമ്പോള്‍. ഒരു യുവതിയാണ് സമൂഹമാധ്യമമായ എക്‌സില്‍ ഈ വീഡിയോ പങ്കുവെച്ചത്. നിരവധി ആളുകളാണ് വീഡിയോയ്ക്ക് താഴെ കമന്റു്മായി എത്തിയിരിക്കുന്നത്.
‘ഇത് ബെംഗളൂരുവിന്റെ സൗന്ദര്യമാണ്’ എന്നാണ് ഒരാള്‍ കമന്റ് ചെയ്തിരിക്കുന്നത്. ‘ദീര്‍ഘനേരം ഇരിക്കേണ്ടതല്ലേ, അതുകൊണ്ട് സുഖമായിരിക്കാന്‍ വേണ്ടിയിട്ടാണ് അദ്ദേഹം അങ്ങനെ ചെയ്തത്’ എന്നാണ് മറ്റൊരു ഉപയോക്താവ് കുറിച്ചിരിക്കുന്നത്. ചിലര്‍ പറയുന്നത് ഒരുപാടുനേരം ഇരിക്കുന്നത് കൊണ്ടുള്ള നട്ടെല്ലിന്റെ ബുദ്ധിമുട്ട് മാറ്റാനാണ് അദ്ദേഹം ഇത്തരത്തില്‍ ഒരു കസേര ഘടിപ്പിച്ചത് എന്നാണ്. ‘ബാക്ക് കെയര്‍ അള്‍ട്രാ പ്രോ മാക്‌സ്’ എന്നാണ് ഒരു കമന്റ്.
STORY HIGHLIGHTS: Auto Driver Installs Office Chair For Extra Comfort
