അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു നൃത്ത വീഡിയോയാണ് ഇപ്പോള്‍ സമൂഹമാധ്യമങ്ങളില്‍ ഏറെ ചര്‍ച്ച ചെയ്യപ്പെടുന്നത്. ഒരു ഡാന്‍സ് വീഡിയോ ഇത്രയധികം ചര്‍ച്ച ചെയ്യപ്പെടണോ എന്ന് നിങ്ങള്‍ ചിന്തിക്കുകയാണെങ്കില്‍ ഈ ഡാന്‍സ് നടന്ന സ്ഥലത്തിന്റെ പ്രത്യേകത കൊണ്ടാണ് ഈ വീഡിയോ ഇത്രയും ചര്‍ച്ച ആയിരിക്കുന്നത്. ചെന്നൈയില്‍ മെഡിക്കല്‍ കോണ്‍ഫറന്‍സിനിടയില്‍ അശ്ലീല നൃത്തം നടത്തി എന്ന അടിക്കുറിപ്പോടുകൂടി ഉള്ള ഒരു വീഡിയോയാണ് ഇപ്പോള്‍ ഏറെ ചര്‍ച്ച ആയിരിക്കുന്നത്.
ഐഡി കാര്‍ഡ് ധരിച്ച ഒരു കൂട്ടം പുരുഷന്‍മാര്‍ ഒരു യുവതിയുടെ നൃത്തം ആസ്വദിക്കുന്നതായി വീഡിയോയില്‍ കാണാം. ബോളിവുഡ് ഗാനത്തിനാണ് യുവതി നൃത്തം ചെയ്യുന്നത്. ബെല്ലി ഡാന്‍സേഴ്‌സിന്റെ വേഷവിധാനത്തോട് സാമ്യമുള്ള രീതിയിലുള്ള വേഷമായിരുന്നു ഈ യുവതി ധരിച്ചിരുന്നത്. ചുറ്റും നില്‍ക്കുന്ന പുരുഷന്മാരില്‍ ചിലര്‍ യുവതിക്കൊപ്പം നൃത്തം ചെയ്യുന്നതും കാണാം. അസോസിയേഷന്‍ ഓഫ് കോളന്‍ ആന്‍ഡ് റെക്ടല്‍ സര്‍ജന്‍സ് ഓഫ് ഇന്ത്യയുടെ 47-ാമത് വാര്‍ഷിക സമ്മേളനത്തിലാണ് നൃത്തപ്രകടനം നടന്നതെന്ന് സോഷ്യല്‍ മീഡിയ ക്യാപ്ഷനില്‍ പറയുന്നു.
This annual conference of the Association of Colon and Rectal Surgeons of India, held in Chennai on 19th to 21st Sep . What I want to know from @IMAIndiaOrg is this some kind of training in human anatomy? Old doctors grabbing a women in public is what part of medicine practice? pic.twitter.com/KGQIXk4QFW
— Sutirtha (@ginger_bread_s) September 23, 2024
നിരവധി കമന്റുകളാണ് വീഡിയോയ്ക്ക് താഴെ വന്നുകൊണ്ടിരിക്കുന്നത്. ഒരുപാട് പേര്‍ വീഡിയോയെ വിമര്‍ശിച്ചു കൊണ്ടും രംഗത്ത് എത്തിയിട്ടുണ്ട്. ‘ഇത് ഏതെങ്കിലും മനുഷ്യ ശരീരഘടനയിലെ പരിശീലനം ആണോ’ എന്നാണ് ഒരാളുടെ കമന്റ്. ‘ഒരു സ്ത്രീയെ പൊതുസ്ഥലത്ത് പിടിക്കുന്നത് മെഡിസിന്‍ പരിശീലനത്തിന്റെ ഭാഗമാണോ’ എന്ന് മറ്റൊരാള്‍ കമന്റ് ചെയ്തിരിക്കുന്നു.
STORY HIGHLIGHTS: Viral dance video
