പൊറിഞ്ചു മറിയം ജോസ്, പുണ്യാളൻ അഗർബത്തീസ്‌ എന്നീ ചിത്രങ്ങൾ കൊണ്ട് തന്നെ പ്രേക്ഷക ഹൃദയങ്ങളിൽ പ്രത്യേക സ്ഥാനം നേടിയെടുത്ത താരമാണ് നൈല ഉഷ. അഭിനയം, മോഡലിങ്, നൃത്തമൊക്കെയായി വളരെ തിരക്കിലാണ് താരം. സമൂഹമാധ്യമങ്ങളിലൂടെ ഇടയ്ക്കിടെ തന്റെ സുഹൃത്തുക്കൾക്കൊപ്പമുള്ള ഡാൻസ് വീഡിയോയുമായി നൈല ഏത്താറുണ്ട്.
തന്റെ തന്നെ ഇൻസ്റ്റാഗ്രാം പേജിലൂടെ പങ്കുവെച്ച ഡാൻസ് വീഡിയോയാണ് ആരാധകശ്രദ്ധ നേടുന്നത്. സുഹൃത്തുക്കൾക്കൊപ്പം ഓണാഘോഷ വേളയിൽ ആയിരുന്നു ഈ തകർപ്പൻ ഡാൻസ്. തെങ്കാശിപ്പട്ടണം എന്ന ചിത്രത്തിലെ ‘ഗോലുമാല്’ എന്ന പാട്ടിനൊപ്പം ആണ് നൈല ഉഷയും സുഹൃത്തുക്കളും ചുവടുവെച്ചത്. നിരവധി പേരാണ് താരം ഇൻസ്റ്റാഗ്രാമിലൂടെ പങ്കുവെച്ച വീഡിയോയ്ക്ക് കമന്റുമായി എത്തിയിരിക്കുന്നത്.
മനോ, സുജാത മോഹൻ, എം ജി ശ്രീകുമാർ എന്നിവർ ചേർന്ന് ആലപിച്ച ഈ ഗാനത്തിന് ഇന്നും ആരാധകർ ഏറെയാണ്.
STORY HIGHLIGHT: Nyla Usha latest dance video with her friends