അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുഷ്പ ഫീവര്‍ ഇതുവരെ സോഷ്യല്‍ മീഡിയയെ വിട്ടു പോയിട്ടില്ല. ചിത്രത്തിലെ ഗാനം പുറത്തിറങ്ങിയതിന് പിന്നാലെ നിരവധി റീസുകള്‍ ആണ് ആളുകള്‍ ക്രിയേറ്റ് ചെയ്യുന്നത്. സോഷ്യല്‍ മീഡിയയില്‍ വലിയ തരംഗമായി മാറുകയായിരുന്നു പുഷ്പയിലെ ‘അംഗാരോണ്‍’ എന്ന ഗാനം. ഗാനത്തില്‍ അല്ലു അര്‍ജുനും രശ്മിക മന്ദാനയും ആണ് പ്രത്യക്ഷപ്പെടുന്നത്. ഇരുവരുടെയും സിഗ്‌നേച്ചര്‍ സ്റ്റെപ്പുകള്‍ അതേപടി പകര്‍ത്തിയാണ് പലരും റിലീസ് ചെയ്തുകൊണ്ടിരിക്കുന്നത്.
ഇപ്പോള്‍ ഇതാ അംഗാരോണിന്റെ ഒരു പുത്തന്‍ റീലാണ് സോഷ്യല്‍ മീഡിയയില്‍ വൈറല്‍ ആയിരിക്കുന്നത്. രണ്ട് ചെറിയ കുട്ടികളാണ് ഇത്തരത്തില്‍ കുട്ടി അല്ലു അര്‍ജുന്‍ ആയും കുട്ടി രശ്മിക മന്ദാനയുമായി പ്രത്യക്ഷപ്പെടുന്നത്. ഗാനത്തിലേക്ക് പോലെ തന്നെയാണ് ഈ കുട്ടികള്‍ വേഷവിധാനം ചെയ്തിരിക്കുന്നതും. അല്ലു അര്‍ജുന്റെയും രശ്മികയുടെയും സിഗ്‌നേച്ചര്‍ സ്റ്റെപ്പുകള്‍ അതേപടി പകര്‍ത്തിയിട്ടുണ്ട് ഈ കുട്ടികള്‍. അതുതന്നെയാണ് ഈ വീഡിയോയുടെ പ്രത്യേകതയും.
View this post on Instagram
വളരെ എക്‌സ്പ്രസീവ് ആയിട്ടുള്ള ഒരു റീലാണ് ഇപ്പോള്‍ പുറത്തുവന്നിരിക്കുന്നത്. ഒരു റോഡ് സൈഡില്‍ നിന്നുമാണ് കുട്ടികള്‍ ഈ വീഡിയോ എടുത്തിരിക്കുന്നത്. ചുറ്റും ധാരാളം ആളുകള്‍ നില്‍ക്കുന്നതായും ഏവരും കുട്ടികളുടെ നൃത്തത്തെ അഭിനന്ദിക്കുന്നതായും കാണാം. കുട്ടികളെ പ്രശംസിച്ചു കൊണ്ട് നിരവധി പേരാണ് വീഡിയോയ്ക്ക് താഴെ കമന്റ്‌സുമായി എത്തുന്നതും. നിമിഷ നേരംകൊണ്ടുതന്നെ വൈറല്‍ ആകുകയായിരുന്നു ഈ വീഡിയോ.
സുകുമാര്‍ സംവിധാനം ചെയ്ത് മൈത്രി മൂവി മേക്കേഴ്സ് നിര്‍മ്മിച്ച ഈ ചിത്രത്തില്‍ അല്ലു അര്‍ജുന്‍, രശ്മിക മന്ദാന, ഫഹദ് ഫാസില്‍ എന്നിവര്‍ പ്രധാന വേഷങ്ങളില്‍ അഭിനയിച്ചിരിക്കുന്നു. ചിത്രത്തിന്റെ സംഗീതം ടി-സീരീസില്‍ നിന്നുള്ളതാണ്. പുഷ്പ 2: ദി റൂള്‍, 2024 ഡിസംബര്‍ 6 ന് ലോകമെമ്പാടുമുള്ള തിയേറ്ററുകളില്‍ റിലീസ് ചെയ്യും.
STORY HIGHLIGHTS: Kids Perfectly Imitate Allu Arjun And Rashmika Mandanna’s Dance From Pushpa 2
