അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡ് താരം ആലിയ ഭട്ട് പ്രധാന കഥാപാത്രമായി എത്തുന്ന ‘ജിഗ്ര’യുടെ ഒഫീഷ്യല്‍ ട്രെയിലര്‍ പുറത്തിറങ്ങി. വസന്‍ ബാലയാണ് ചിത്രം സംവിധാനം ചെയ്യുന്നത്. അതിശയിപ്പിക്കുന്ന ആക്ഷൻ സീക്വൻസുകളും ജയിൽ ബ്രേക്കും ഇമോഷണല്‍ രംഗങ്ങളും കോർത്തിണക്കിയാണ് ചിത്രം പ്രേക്ഷകർക്ക് മുന്നിൽ എത്തിച്ചിരിക്കുന്നത്. ഒക്‌ടോബര്‍ 11ന് ചിത്രം തിയേറ്ററുകളില്‍ എത്തും.
വാസൻ ബാലയും ദേബാശിഷ് ഇറെങ്ബാമും ചേർന്നാണ് ജിഗ്രയുടെ രചന നിർവഹിച്ചിരിക്കുന്നത്. ആലിയ ഭട്ടിന്‍റെ എറ്റേണല്‍ സണ്‍ഷൈന്‍ പ്രൊഡക്ഷന്‍സും കരണ്‍ ജോഹറിന്‍റെ ധര്‍മ പ്രൊഡക്ഷന്‍സും ചേര്‍ന്നാണ് ചിത്രം നിര്‍മിക്കുന്നത്.
വിദേശത്ത് ജയിലില്‍ കഴിയുന്ന സഹോദരനെ രക്ഷപ്പെടുത്താന്‍ സത്യ എന്ന പെണ്‍കുട്ടി നടത്തുന്ന ശ്രമങ്ങളെപ്പറ്റിയാണ് ചിത്രത്തിലൂടെ പറയുന്നത്. വേദങ് റെയ്‌നയാണ് ആലിയയുടെ സഹോദരനായി എത്തുന്നത്.
വസന്‍ ബാലയും ആലിയ ഭട്ടും ആദ്യമായി ഒരുമിക്കുന്ന ചിത്രമെന്ന പ്രത്യേകതയും ഈ ചിത്രത്തിനുണ്ട്. ബ്രിട്ടീഷ് താരമായ ജെയ്‌സണ്‍ ഷാ, ആദിത്യ നന്ദ, ശോഭിത ധൂലിപാല എന്നിവരും മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
STORY HIGHLIGHT: JIGRA OFFICIAL TRAILER
