അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യു എ ഇയില്‍ ജോലി നേടാന്‍ ആഗ്രഹിക്കുന്നവർക്ക് സുവർണ്ണാവസരം ഒരുക്കി കേരള സർക്കാറിന് കീഴില്‍ പ്രവർത്തിക്കുന്ന പൊതുമേഖല സ്ഥാപനമായ ഒഡെപെക്. സെക്യുരിറ്റി വിഭാഗത്തിലാണ് നിലവിലെ ഒഴിവുകള്‍ പ്രഖ്യാപിച്ചിരിക്കുന്നത്. രണ്ട് വർഷത്തെ പ്രവർത്തി പരിചയമുള്ള പുരുഷന്‍മാർക്കാണ് ഈ ഒഴിവിലേക്ക് അപേക്ഷിക്കാന്‍ സാധിക്കുക.
പത്താംതരം പാസാണ് അടിസ്ഥാന വിദ്യാഭ്യാസ യോഗ്യത ചോദിക്കുന്നത്. മതിയായ ശാരീരിക യോഗ്യതകള്‍ ഉണ്ടായിരിക്കണം. പ്രായം 25 നും 40 നും ഇടയിലായിരിക്കണം. ഉയരം ഏറ്റവും കുറഞ്ഞത് അഞ്ച് അടി ഒമ്പത് ഇഞ്ച്. ഇംഗ്ലീഷില്‍ എഴുതാനും വായിക്കാനും സംസാരിക്കാനും അടിസ്ഥാന അറിവ് ഉണ്ടായിരിക്കണം.
ഇംഗ്ലീഷിന് പുറമെ മറ്റേതെങ്കിലും ഭാഷ കൂടുതലായി അറിയുന്നത് അധിക നേട്ടമായി കണക്കാക്കും. സുരക്ഷയുമായി ബന്ധപ്പെട്ട നിയമ മാർഗ്ഗനിർദ്ദേശങ്ങളെക്കുറിച്ച് നല്ല ധാരണ, സാധാരണ സുരക്ഷാ ആശയങ്ങൾ, സമ്പ്രദായങ്ങൾ, നടപടിക്രമങ്ങൾ എന്നിവയെക്കുറിച്ചുള്ള അറിവും ഉണ്ടായിരിക്കണം.
ഏതെങ്കിലും സുരക്ഷാ ഫീൽഡിൽ (ആർമി, പോലീസ്, സെക്യൂരിറ്റി മുതലായവ) കുറഞ്ഞത് 2 വർഷത്തെ പരിചയമുള്ളത് ജോലി ലഭിക്കാന്‍ അനുകൂലമായിരിക്കം. എക്സ്പീരിയൻസ് സർട്ടിഫിക്കറ്റ് സമർപ്പിക്കണം. 2262 യു എ ഇ ദിർഹമായിരിക്കും അടിസ്ഥാന ശമ്പളമായി തുടക്കത്തില്‍ ലഭിക്കുക.
താൽപ്പര്യമുള്ള ഉദ്യോഗാർത്ഥികൾ അവരുടെ സിവിയും പാസ്‌പോർട്ടിൻ്റെ പകർപ്പും [email protected] എന്ന വിലാസത്തിൽ 2024 സെപ്റ്റംബർ 30-നോ അതിനു മുമ്പോ അയയ്‌ക്കാവുന്നതാണ്. സിവിയില്‍ ശരീര ഭാരവും ഉയരവും അടയാളപ്പെടുത്തിയിരിക്കണം. കൂടുതല്‍ വിവരങ്ങള്‍ക്ക് ഒഡെപെക്കിന്റെ ഔദ്യോഗിക വെബസൈറ്റ് സന്ദർശിക്കുക.
content hihglight: uae-job-opportunities
