അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിവിധ ഒടിടി പ്ലാറ്റ്ഫോമുകളിലൂടെ പ്രേക്ഷകരിലേക്ക് എത്താൻ ഒരുങ്ങി നിരവധി ചിത്രങ്ങൾ. സെപ്റ്റംബർ 27ന് സ്ട്രീമിംഗ് ആരംഭിക്കുകയാണ് ഈ ചിത്രങ്ങൾ.
ഭരതനാട്യം
നടൻ സൈജു കുറിപ്പ് പ്രധാന കാഥാപാത്രത്തെ അവതരിപ്പിച്ച നവാഗതനായ കൃഷ്ണദാസ് മുരളി തിരക്കഥയെഴുതി സംവിധാനം ചെയ്ത ഭരതനാട്യം. സെപ്റ്റംബര്‍ 27 മുതൽ മനോരമ മാക്സിലൂടെ സ്ട്രീമിങ്ങ് ആരംഭിക്കും. ചിത്രത്തിൽ സായ്കുമാർ, കലാരഞ്ജിനി, മണികണ്ഠൻ പട്ടാമ്പി, അഭിറാം രാധാകൃഷ്ണൻ, നന്ദു പൊതുവാൾ, സോഹൻ സീനുലാൽ, ദിവ്യ എം നായർ തുടങ്ങി നിരവധി താരങ്ങളും അണിനിരക്കുന്നു.
ലവ്, സിതാര
ശോഭിത ധൂലിപാല പ്രധാന കഥാപാത്രത്തെ അവതരിപ്പിക്കുന്ന ലവ്, സിതാര ഒടിടിയിലേക്ക്. നേരിട്ട് ഒടിടി സ്ട്രീമിംഗ് പ്ലാറ്റ്‌ഫോമിലാണ് ചിത്രം റിലീസ് ചെയ്യുന്നത്. ചിത്രത്തിനു തിയേറ്റർ റിലീസ് ഇല്ല. സെപ്റ്റംബർ 27ന് സീ 5ൽ ചിത്രം സ്ട്രീമിംഗ് ആരംഭിക്കും. സൊനാലി കുൽക്കർണി, ബി ജയശ്രീ, വിർജീനിയ റോഡ്രിഗസ്, സഞ്ജയ് ബൂട്ടിയാനി, താമര ഡിസൂസ, റിജുൽ റേ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
കൊട്ടുകാളി
സൂരി, അന്ന ബെൻ എന്നിവരെ പ്രധാന കഥാപാത്രങ്ങളാക്കി പി.എസ്. വിനോദ് രാജ് സംവിധാനം ചെയ്ത ‘കൊട്ടുകാളി’ ഒടിടിയിലേക്ക്. സെപ്റ്റംബർ 27ന് ചിത്രം ആമസോൺ പ്രൈമിൽ സ്ട്രീമിംഗ് ആരംഭിക്കും. ചിത്രം ചലച്ചിത്ര മേളയിൽ ഗ്രാന്റ് പ്രീ അവാർഡും നേടിയിരുന്നു. അന്ന ബെന്നിന്റെ ആദ്യ തമിഴ് ചിത്രമായ കൊട്ടുകാളി ആഗസ്റ്റ് 23 നാണ് തിയേറ്ററിൽ എത്തിയത്.
സ്ത്രീ 2
ബോക്സ് ഓഫീസിൽ മിന്നും പ്രകടനം കാഴ്ചവെച്ച ‘സ്ത്രീ 2’ ഒടിടിയിലേക്ക്. അമർ കൗശിക് സംവിധാനം ചെയ്ത ചിത്രത്തിൽ രാജ്കുമാർ റാവു, ശ്രദ്ധ കപൂർ, അപർശക്തി ഖുറാന, പങ്കജ് ത്രിപാഠി, അഭിഷേക് ബാനർജി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സെപ്റ്റംബർ 27 മുതൽ ചിത്രം ആമസോൺ പ്രൈം വീഡിയോയിൽ സ്ട്രീമിംഗ് ആരംഭിക്കുമെന്നാണ് റിപ്പോർട്ട്. ചിത്രത്തിൽ തമന്നയും അക്ഷയ് കുമാറും വരുൺ ധവാനും അതിഥി വേഷങ്ങളിൽ എത്തുന്നു.
ഡിമോണ്ടെ കോളനി 2
സൂപ്പർ നാച്യുറൽ ത്രില്ലർ ചിത്രമായ ഡിമോണ്ടെ കോളനി 2 ഒടിടിയിലേക്ക്. ആർ. അജയ് ജ്ഞാനമുത്തു സംവിധാനം ചെയ്തത ചിത്രം തിയേറ്ററുകളിൽ വൻ വിജയമായിരുന്നു. അരുൾനിതി തമിഴരസുവും പ്രിയ ഭവാനിയുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ത്രില്ലിംഗും ഭയപ്പെടുത്തുന്നതുമായ കഥാഗതിയിലൂടെയാണ് ചിത്രം അവതരിപ്പിച്ചിരിക്കുന്നത്. സെപ്റ്റംബർ 27 മുതൽ ചിത്രം സീ 5ൽ കാണാം.
STORY HIGHLIGHT: New OTT Release
