അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റോഡിലൂടെ പോകുന്ന ലംബോര്‍ഗിനി ഉള്‍പ്പെടെയുള്ള ആഡംബര കാറുകളുടെ വീഡിയോ സമൂഹമാധ്യമങ്ങളില്‍ വലിയ രീതിയില്‍ വൈറലാകാറുണ്ട്. ആഡംബര കാറുകളുടെ ആരാധകര്‍ ഏറെയാണ് സമൂഹമാധ്യമങ്ങളില്‍. ഇപ്പോള്‍ ഇതാ ഒരു ലംബോര്‍ഗിനിയുടെ വീഡിയോ ആണ് വൈറല്‍ ആയിരിക്കുന്നത്. എന്നാല്‍ കാറിന്റെ ഭംഗി കൊണ്ടോ പ്രത്യേകത കൊണ്ട് ഒന്നുമല്ല ഈ വീഡിയോ വൈറല്‍ ആയിരിക്കുന്നത്.
He must have Paid atleast 62 Lacs in Road Tax 🤡🤡🤡
Absolute State of Vishwagooroo 😞 pic.twitter.com/6gDu1EpchQ
— Oxygen 💨 (@WhateverVishal) September 24, 2024
കുഴികള്‍ നിറഞ്ഞ റോഡിലൂടെ വളരെ കഷ്ടപ്പെട്ട് ഒരു ലംബോര്‍ഗിനി വരുന്നതാണ് വീഡിയോയില്‍ കാണുന്നത്. തെലങ്കാനയില്‍ നിന്നുള്ള വീഡിയോ ആണ് ഇത് എന്ന് പറയപ്പെടുന്നു. റോഡ് നിറയെ കുഴികളും കുഴികളില്‍ മിക്കതിലും വെള്ളക്കെട്ടുകളും ആണ്. ലംബോര്‍ഗിനിക്കൊപ്പം ഓട്ടോറിക്ഷയും ബൈക്കുകളും ഒക്കെ കടന്നു വരുന്നുണ്ട്. ചുറ്റുമുള്ള ആളുകള്‍ ഈ ആഡംബരക്കാറിനെ ആശ്ചര്യത്തോടെ നോക്കുന്നതും കാണാം. ചില ബൈക്ക് യാത്രികരാകട്ടെ ലംബോര്‍ഗിനിയുടെ വീഡിയോയും എടുക്കുന്നുണ്ട്. കുഴികളില്‍ വീണ് വീണ് കാര്‍ നിയന്ത്രിക്കാന്‍ പ്രയാസപ്പെടുന്നത് പോലെയാണ് വീഡിയോയില്‍ കാണുന്നത്.
നിമിഷ നേരം കൊണ്ട് തന്നെ വൈറലായ ഈ വീഡിയോ ഇതിനോടകം തന്നെ രണ്ട് മില്യണ്‍ ആളുകള്‍ കണ്ടു കഴിഞ്ഞു. ‘അദ്ദേഹം കുറഞ്ഞത് 62 ലക്ഷം രൂപയെങ്കിലും റോഡ് നികുതിയില്‍ അടച്ചിരിക്കണം, ഒരു അവസ്ഥ’ എന്നാണ് ഈ വീഡിയോയുടെ ക്യാപ്ഷന്‍. നിരവധി പേരാണ് റോഡിന്റെ പരിതാപകരമായ അവസ്ഥ ചൂണ്ടിക്കാണിച്ചുകൊണ്ട് അഭിപ്രായം രേഖപ്പെടുത്തിയിരിക്കുന്നത്.
STORY HIGHLIGHTS: Lamborghini Struggling On Roads
