അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ടൊവിനോ തോമസ്, സുരഭി ലക്ഷ്മി എന്നിവര്‍ കേന്ദ്ര കഥാപാത്രങ്ങളെ അവതരിപ്പിച്ച അജയന്റെ രണ്ടാം മോഷണം എന്ന ചിത്രം വലിയ പ്രേക്ഷക പിന്തുണയോട് കൂടി തിയേറ്ററില്‍ മുന്നേറുകയാണ്. നൂറ് കോടിക്ക് മുകളിലാണ് ഇപ്പോള്‍ ചിത്രത്തിന്റെ കളക്ഷന്‍. ചിത്രത്തില്‍ സുരഭി ലക്ഷ്മി വളരെ മികച്ച ഒരു കഥാപാത്രത്തെയാണ് അവതരിപ്പിച്ചിരിക്കുന്നത്. ഇപ്പോളിതാ സിനിമ സെറ്റുകളില്‍ താന്‍ അനുഭവിച്ചിട്ടുളള ദുരനുഭവങ്ങള്‍ പങ്കുവെയ്ക്കുകയാണ് താരം.
‘കാരവാന്‍ വന്ന സമയത്ത് നമുക്കൊന്നും ഒന്ന് കയറാന്‍, എന്താണ് ഇതിനകത്ത് എന്നുപോലും നമുക്ക് അറിയില്ല. ആരെങ്കിലും ഒന്ന് ഡോര്‍ തുറക്കുമ്പോള്‍ ആയിരിക്കും നമ്മള്‍ ഒന്നു നോക്കുക എങ്ങനെയാണ് കാരവാന്‍ എന്ന്. അപ്പോള്‍ ആ സമയത്ത് നമുക്ക് ഒരു ആവശ്യം വന്നപ്പോള്‍, അതായത് ഷൂട്ടിനിടെ ഭയങ്കര മഴയൊക്കെയായി, രാവിലെ തൊട്ട് വൈകുന്നേരം വരെ മഴ നനഞ്ഞു കൊണ്ടിരിക്കുന്നു, പിന്നെ അവിടെ ലൈറ്റ് പോകുന്ന സമയമായപ്പോള്‍ അവിടെനിന്നും പാക്ക്അപ്പ് ആയി. പിന്നെ അവിടുന്ന് എല്ലാവരെയും കയറ്റി. പക്ഷെ ഇട്ടിരിക്കുന്ന ഡ്രസ്സ് മാറാന്‍ ഒരു സ്ഥലമില്ല. അത്രയും നനഞ്ഞ വസ്ത്രം ഇട്ടാണ് നില്‍ക്കുന്നത്.’
‘കോസ്റ്റ്യൂം വണ്ടിയില്‍ ആണെങ്കില്‍ മുഴുവന്‍ വസ്ത്രങ്ങളാണ് അവിടെയും മാറാന്‍ പറ്റുന്നില്ല. അപ്പോള്‍ പറഞ്ഞു അവിടെ കാരവാന്‍ ഉണ്ട് എന്ന്. നമ്മള്‍ അതിനകത്ത് കയറി ഡ്രസ്സ് മാറി. ആ സമയത്ത് കണ്ണുപൊട്ടുന്ന ചീത്ത കിട്ടിയിട്ടുണ്ട് ഡ്രൈവറിന്റെ അടുക്കല്‍ നിന്ന്. നമുക്ക് എന്നെങ്കിലും ഒക്കെ ഒരു കാരവാന്‍ കിട്ടുന്ന ഒരു കാലം ഉണ്ടാകുമായിരിക്കും എന്നൊക്കെ വിചാരിക്കും. എല്ലാവര്‍ക്കും ഒരേ പോലെ ഡ്രസ്സ് ഒക്കെ മാറ്റാനും ബാത്‌റൂമില്‍ പോകാനും സ്ത്രീകളെ സംബന്ധിച്ചിടത്തോളം, പീരീഡ്‌സ് ആകുന്ന സമയത്തൊക്കെ ഒരുപാട് ബുദ്ധിമുട്ടുണ്ട് ഉണ്ട്. ഒന്ന് ബാത്‌റൂമില്‍ പോകാന്‍ ഒക്കെ.. രാവിലെ ആറുമണി ഏഴ് മണി സമയത്തൊക്കെ ഷോട്ടിന് റെഡിയാകും.’
‘അങ്ങനെ വരുമ്പോള്‍ 5:00 മണിക്കൊക്കെ ഇറങ്ങി വരേണ്ടി വരും ഷൂട്ടിന്. അപ്പോള്‍ ഇതില്‍ വര്‍ക്ക് ചെയ്യുന്നവര്‍ എല്ലാവരും മനുഷ്യന്മാര്‍ അല്ലേ, നമ്മള്‍ നടന്മാരുടെയും നടിമാരുടെയും കാര്യം മാത്രമല്ല നോക്കേണ്ടത്. അസിസ്റ്റന്റ് ഡയറക്ടര്‍മാര്‍ക്കൊക്കെ എന്തൊരു ബുദ്ധിമുട്ടാണ്. അത്രയും ജോലികള്‍ ഉണ്ട്. കൃത്യമായിട്ടുള്ള പൈസ അവര്‍ക്ക് കിട്ടുന്നുണ്ടോ.. ഒരു അവസരം കൊടുക്കുക എന്നു പറഞ്ഞാല്‍ എന്തോ ഒരു വലിയ ഔദാര്യം ചെയ്യുന്ന പോലെയാണ് അവരോട് പെരുമാറുന്നത് എന്ന് എനിക്ക് പലപ്പോഴും തോന്നിയിട്ടുണ്ട്.’, സുരഭി ലക്ഷ്മി പറഞ്ഞു.
STORY HIGHLIGHTS: Surabhi Lakshmi about malayalam cinema locations
