കൊച്ചിയില്‍ നടന്ന നവരാത്രി ഉത്സവത്തില്‍ ശ്രദ്ധേയരായി മലയാളത്തിലെ നടന്മാരായ ദിലീപും ടൊവിനോ തോമസും. ഇരുവരും കുടുംബത്തോടൊപ്പമാണ് പരിപാടിയില്‍ പങ്കെടുത്തത്. വേദിയിലേക്ക് കടക്കുമ്പോള്‍ അഭിനേതാക്കള്‍ പരമ്പരാഗത വസ്ത്രത്തില്‍ കൂടുതല്‍ ഭംഗിയില്‍ കാണപ്പെട്ടു. ഭാര്യയും മുന്‍കാല നടിയുമായ കാവ്യാ മാധവന്‍, മക്കളായ മീനാക്ഷി, മഹാലക്ഷ്മി എന്നിവര്‍ക്കൊപ്പമാണ് ദിലീപ് ചടങ്ങിനെത്തിയത്. അതേസമയം ടൊവിനോയ്ക്കൊപ്പം ഭാര്യ ലിഡിയ ടൊവിനോയും എത്തിയിരുന്നു.
വെള്ള ജുബ്ബ സെറ്റും മഞ്ഞനിറത്തിലുള്ള പ്രിന്റഡ് ഷോളും ഇട്ടായിരുന്നു ദിലീപിന്റെ എന്‍ട്രി. ട്രഡീഷണല്‍ ലുക്കില്‍ ആയിരുന്നു മക്കള്‍ മീനാക്ഷിയും മഹാലക്ഷ്മിയും. വയലറ്റ് നിറത്തിലുള്ള ചുരിദാറില്‍ ട്രഡീഷണല്‍ ഓര്‍ണമെന്‍സ് ധരിച്ചാണ് നടി കാവ്യ മാധവന്‍ ചടങ്ങില്‍ എത്തിയത്. പതിവില്‍ നിന്നും വ്യത്യസ്തമായി വളരെ മനോഹരമായി ഒരുങ്ങിയായിരുന്നു ടൊവിനോയുടെ ഭാര്യ ലിഡിയ എത്തിയത്. സാധാരണ പരിപാടികളില്‍ വളരെ മിനിമല്‍ മേക്കപ്പ് ധരിച്ചിരുന്ന ലിഡിയ, നവരാത്രി ആഘോഷത്തിന് എത്തിയപ്പോള്‍ ട്രഡീഷണല്‍ ആയി വസ്ത്രം ധരിച്ച് ഹെവി മേക്കപ്പും ഇട്ടായിരുന്നു എത്തിയത്. പേസ്റ്റല്‍ ജുബ്ബാ സെറ്റാണ് നടന്‍ ടൊവിനോ ധരിച്ചിരുന്നത്.
പവി കെയര്‍ടേക്കര്‍ എന്ന ചിത്രമാണ് അവസാനമായി ദിലീപ് അഭിനയിച്ച ചിത്രം. ഇപ്പോള്‍ ഭയം, ഭക്തി, ബഹുമാനം എന്ന ധനഞ്ജയ് ശങ്കര്‍ സംവിധാനം ചെയ്യുന്ന ഒരു ആക്ഷന്‍ കോമഡി ചിത്രത്തിലാണ് അഭിനയിക്കുന്നത്. ദിലീപിനെ കൂടാതെ വിനീത് ശ്രീനിവാസന്‍, ധ്യാന്‍ ശ്രീനിവാസന്‍ എന്നിവും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കൂടാതെ, ബാലു വര്‍ഗീസ്, ബൈജു സന്തോഷ്, ശരണ്യ പൊന്‍വണ്ണന്‍, സാന്‍ഡി, സിദ്ധാര്‍ത്ഥ് ഭരതന്‍, റെഡിന്‍ കിംഗ്സ്ലി (മലയാളത്തിലെ അരങ്ങേറ്റം) എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
നേരെമറിച്ച്, ടൊവിനോ തോമസ് അടുത്തിടെ ആക്ഷന്‍-അഡ്വഞ്ചര്‍ ചിത്രമായ അജയന്റെ രണ്ടാം മോചനത്തില്‍ (ARM) ആണ് അവസാനമായി അഭിനയിച്ചത്. ഇത് ബോക്സ് ഓഫീസില്‍ ഒരു തരംഗം തന്നെ സൃഷ്ടിച്ചു. തൃഷ കൃഷ്ണന്‍ നായികയായി ഐഡന്റിറ്റി എന്ന ചിത്രത്തിലാണ് താരം അടുത്തതായി പ്രത്യക്ഷപ്പെടുന്നത്. കൂടാതെ, ലൂസിഫറിന്റെ തുടര്‍ച്ചയായ എംപുരാനിലും താരം എത്തുന്നുണ്ട്.