അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചലച്ചിത്രതാരം പ്രിയങ്ക മോഹന് പങ്കെടുത്ത പരിപാടിയുടെ വേദി തകര്‍ന്ന് അപകടം. തെലങ്കാനയിലെ തോരൂരില്‍ നടന്ന പരിപാടിക്കിടയിലായിരുന്നു അപകടം. ഭാഗ്യം കൊണ്ടാണ് രക്ഷപ്പെട്ടതെന്നും അപകടത്തില്‍ നിന്ന് അത്ഭുതകരമായി രക്ഷപ്പെടുകയായിരുന്നുവെന്നും ആശങ്കപ്പെടേണ്ട പരിക്കുകള്‍ ഇല്ലെന്നും താരം സോഷ്യല്‍ മീഡിയയില്‍ കുറിച്ചു. അപകടത്തില്‍ പരിക്കേറ്റവര്‍ എത്രയും പെട്ടെന്ന് സുഖം പ്രാപിക്കട്ടെ എന്നും പ്രിയങ്ക കുറുപ്പില്‍ പറയുന്നു. പ്രിയങ്കയ്ക്ക് ഒപ്പമുണ്ടായിരുന്ന പലര്‍ക്കും പരുക്കേറ്റിരുന്നു.
In light of the accident that occurred at an event I had attended in Torrur today, I wanted to let my well wishers know that I’m okay and was lucky to escape with minor injuries.
My prayers and wishes for a speedy recovery to those who may have suffered any injuries in the…— Priyanka Mohan (@priyankaamohan) October 3, 2024
പരിക്കേറ്റവരെ ഉടന്‍തന്നെ ആശുപത്രിയിലേക്ക് മാറ്റി.ഒരു ടെക്‌സ്‌റ്റൈലിന്റെ ഉദ്ഘാടന പരിപാടിക്കിടയില്‍ ആണ് വേദി തകര്‍ന്നത് അപകടമുണ്ടായത്. അതിഥികളെല്ലാവരും സ്റ്റേജില്‍ ഉള്ളപ്പോള്‍ ആയിരുന്നു ഈ അപകടം. പരിപാടിക്കിടയില്‍ പെട്ടെന്ന് സ്റ്റേജ് തകര്‍ന്നുവീഴുകയായിരുന്നു.
ഇതിന്റെ വീഡിയോ സമൂഹമാധ്യമങ്ങളില്‍ ഇപ്പോള്‍ വൈറല്‍ ആണ്. ഇത്തരത്തില്‍ പരിപാടി സംഘടിപ്പിക്കുന്നവര്‍ ക്ഷണം സ്വീകരിച്ചെത്തുന്നവരുടെ സുരക്ഷ ഉറപ്പാക്കണമെന്നും സംഘാടകര്‍ സുരക്ഷാ മാനദണ്ഡങ്ങള്‍ പാലിക്കണമെന്നും ആരാധകര്‍ കമന്റ് വിഭാഗത്തില്‍ അഭിപ്രായങ്ങള്‍ രേഖപ്പെടുത്തി.
