അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിരന്തരം വാർത്തകളിൽ നിറയുന്ന മലയാള സിനിമയിലെ മുന്‍നിര സംഗീത സംവിധായകന്‍ ആയ ഗോപി സുന്ദറിനെ പോലെ വ്യക്തി ജീവിതത്തിന്റെ പേരിൽ ഇത്രയേറെ സൈബർ ആക്രമണങ്ങൾക്ക് വിധേയനായ മറ്റൊരു സെലിബ്രിറ്റി ഉണ്ടാകില്ല. ഗോപി സുന്ദറിന്റെ സുഹൃത്തായ ഷിനു പ്രേം പങ്കുവച്ച ചിത്രങ്ങളും വാക്കുകളുമാണ് സൈബറിടത്തിപ്പോൾ ചർച്ചയാകുന്നത്.
നിങ്ങളുടെ കുറവുകളെ അവഗണിച്ച്, കഴിവുകളെ ആരാധിക്കുന്നയാളാണ് മികച്ച സുഹൃത്ത് എന്നർഥം വരുന്ന പ്രസിദ്ധമായ ഉദ്ധരണി അടിക്കുറിപ്പാക്കിയാണ് ഷിനു ഗോപി സുന്ദറിനൊപ്പമുള്ള ചിത്രം പങ്കുവച്ചത്. മൈഗുരു, റെസ്പെക്റ്റ്, ലൈഫ്, ഷൂട്ട് തുടങ്ങിയ ടാഗുകളും ചിത്രത്തിനൊപ്പം പങ്കുവെച്ചിട്ടുണ്ട്. പോസ്റ്റിന് താഴെ പലർക്കും അറിയേണ്ടത് ഷിനു ഗോപി സുന്ദറിന്റെ ആരാണെന്നാണ്.
View this post on Instagram
2023ൽ മിസ് തൃശൂർ ആയി കിരീടം ചൂടിയ മോഡൽ ആണ് ഷിനു പ്രേം. കേരളത്തിലെ വിവിധ സൗന്ദര്യമത്സര വേദികളിൽ ശ്രദ്ധേയ സാന്നിധ്യമറിയിച്ചിട്ടുണ്ട് ഷിനു. ഗോപി സുന്ദറിനൊപ്പം നിൽക്കുന്ന ചിത്രം പോസ്റ്റ് ചെയ്തത് നിമിഷങ്ങൾക്കകം തന്നെ ചിത്രങ്ങൾ ചർച്ചയായിക്കഴിഞ്ഞു. കേട്ടാലറയ്ക്കുന്ന കമെന്റുകളുടെ അധിക്ഷേപ പെരുമഴയാണ് ഷിനു ഗോപിസുന്ദറിനെ ടാഗ് ചെയ്ത് പങ്കുവെച്ച ചിത്രത്തിന് താഴെ ഉയരുന്നത്.
സാധാരണനിലയിൽ ഉയരുന്ന പരിഹാസങ്ങൾക്കും അധിക്ഷേപങ്ങൾക്കുമെതിരെ അതേ ഭാഷയിൽ തന്നെ ചുട്ട മറുപടികൾ ഗോപി സുന്ദർ നൽകാറുണ്ട് എന്നാൽ പുതിയ പോസ്റ്റിനെതിരായ സൈബർ ആക്രമണത്തിൽ ഇതുവരെ താരം പ്രതികരിച്ചിട്ടില്ല. മുൻ പ്രണയബന്ധങ്ങളുടെയും വേർപിരിയലുകളുടെയും പേരിൽ പലപ്പോഴും ഗോപി സുന്ദർ സൈബർ ആക്രമണങ്ങൾക്ക് വിധേയനാകാറുണ്ട്.
STORY HIGHLIGHT: model shinu prem shares the picture with gopi sundar
